রোদ ত্রান্সপোর্ত এন্দ হায়ৱেজকী কেন্দ্র মন্ত্রী শ্রী নিতিন গারকরীনা ঙসি নই দিল্লীদা স্তেত অমদি য়ুনিয়ন তেরিতরী পুম্নমক্কী ত্রান্সপোর্ত মন্ত্রীশিংগী ওইবা মীফম অমা পাঙথোক্কদৌরি‍। সেক্রেতরী (রোদ ত্রান্সপোর্ত এন্দ হায়ৱেজ), রোদ ত্রান্সপোর্ত এন্দ হায়ৱেজ মন্ত্রালয়গী মকোক থোংবা ওফিসরশিং অমদি স্তেত অমসুং য়ুনিয়ন তেরিতরীশিংদগী প্রিন্সিপাল সেক্রেতরী/ সেক্রেতরী (ত্রান্সপোর্ত) অমদি ত্রান্সপোর্ত কম্মিস্নসরশিংনা মীফম অসিদা শরুক য়াগনি‍।

রোদ ত্রান্সপোর্তনা, পোৎচৈ অমদি মী পুথোক পুশিন মওং মরিল নাইহন্দুনা, শেন্মিৎলোনগী থবক থৌরমশিং মতিং লৈনা থবক তৌহন্দুনা, মীয়াম তোৎন-তিন্নহন্দুনা অমদি লৈবাকসিগী মপুং ওইবা চাওখৎ থৌরাংগী থবকশিং মথৌ হাপ্তুনা ঐখোয়গী লৈবাক চাওখৎহনবদা মশকনাইবা থৌদাং লৌরি‍। স্তেত অমদি য়ু.তি. পুম্বদা রোদ ত্রান্সপোর্ত সেক্তরনা মশক থোক্না খুমাঙ চাওশিল্লবসু, মসিনা হেন্না পাক চাউবা অমদি হেন্না ৱাহন্থোক লৈবা ইথিল পীননবগী চাউরবা মতিংদি লৈরি‍।

তেক্নোলোজী চাওখৎলকপগী মতুং ইন্না, রোদ ত্রান্সপোর্ত এন্দ হায়ৱেজ মন্ত্রালয় (এম.ও.আর.তি.ঐচ.)না ভারত্তা তুংলমচৎকী চুনবা ত্রান্সপোর্ত শেমগৎনবগী মীৎয়েঙদা তোঙান তোঙানবা থৌরাংশিং পায়খৎলি, অমদি হায়রিবা থৌরাংশিং অসি পায়খৎপদা সেফ্তী অমদি সস্তেনেবিলিতীদা মরুওইবা মীৎয়েঙ থম্লি‍।

• স্ক্রেপ তৌরবা গারীশিংদগী মমল ৱাংবা রো মেতরিএলশিং লৌথোক্তুনা অমুক হন্না শীজিন্নবগী থৌওং য়োকখৎনবগীদমক ভলুন্তরী ভেহিকল-ফ্লীত মোদর্নাইজেসন প্রোগ্রাম (ভি.-ভি.এম.পি.) হৌদোক্তুনা সর্কুলর ইকনমীবু য়োকখৎলি‍।
• ইলেক্ত্রিক ভেহিকলগী ইন্সেন্তিব, হায়দ্রোজেন, ইথানোল ব্লেন্দ, বাইও সি.এন.জি.নচিংবা অতোপ্পা মখলগী থাউ শীজিন্নবা, গ্রীন হায়ৱে শেমগৎপনচিংবা থৌওং য়াওনা রিনিউএবল ইনর্জী অমদি দিকার্বোনাজেসন য়োকখৎননবা থবক পাক শন্না পায়খৎলি‍।
• রোদ সেফ্তী ওদিৎ অমদি রিমিদিএল/ করেক্তিব থৌওংশিং, ভারীদা সেফ্তী ফীচরশিং হাপ্পা, ইলেক্ত্রোনিক মোনিতরিং অমদি এনফোর্সমেন্ত, দ্রাইভর ত্রেনিং ইনস্তিত্যুৎশিং লিংখৎপা, গুদ সমরিতন ঙাকথোক্নবা কাঙলোন্নচিংবশিং য়াওনা রোদ সেফ্তীগী তোঙান তোঙানবা থৌরাংশিং পায়খৎলে‍।

মথক্তা পল্লিবা মীফম অসিনা ত্রান্সপোর্তকা মরী লৈনবা ৱাফম কয়াগী মরমদা খন্ননবা অমদি পুম্নমক তেংবাংনদুনা অমদি তাথোক তাশিন তৌদুনা অনৌবা অমদি ইনোভেতিব ওইবা পাম্বৈশিং পুরক্নবগী তাঞ্জা অমা পীগনি‍। অসিগুম্বা মীফম অমনা ফেদরেলিজমগী য়ুম্ফম চেৎশিনহন্নবা তোপ তোপ্পা তাঞ্জাম অমা পীবখক নত্তনা, পুম্নমক্কী কান্ননবগীদমক কেন্দ্র অমদি স্তেত/য়ু.তি. লৈঙাকশিংগী মরক্তা তেংবাংনবা খুৎশম্ননা চৎমিন্নবগী হেন্না চেৎপা মরী পুরক্নবগী তাঞ্জাসু পীগনি‍।

******