مرکزی وزیر مملکت برائے سیاحت شری پد نائک نے جمعرات کو ممبئی کے تاج محل پیلس میں شنگھائی تعاون تنظیم (ایس سی او) کے رکن ممالک کے ملٹس فوڈ فیسٹیول کا افتتاح کیا۔ عوام 19 اپریل تک ہوٹل کے شامیانہ ریسٹورنٹ میں دوپہر اور رات کے کھانے کے لیے قزاکستان، کرغزستان، ازبکستان، روس اور ہندوستان کے باورچیوں کے تیار کردہ مختلف موٹے اناجوں سے بنے مختلف کھانوں کا مزہ لے سکتے ہیں۔

سات روزہ میلے کا اہتمام وزارت سیاحت، حکومت ہند کی طرف سے ہوٹل تاج محل پیلس میں ملیٹس کے بین الاقوامی سال (آئی وائی ایم2023) کی مناسب سے کیا جا رہا ہے۔ فوڈ فیسٹیول میں موٹے اناج  سے بنائے گئے مختلف نامیاتی کھانے پیش کیے گئے ہیں جنہیں ایس سی او ممبر باورچیوں نے ہاتھ سے منتخب کیا ہے۔

افتتاح کے موقع پر خطاب کرتے ہوئے وزیر شری پد نائک نے کہا کہ ایس سی او ممالک میں ثقافتوں اور روایات کا ایک غیر معمولی امتزاج ہے، جو ان کے کھانوں میں اچھی طرح سے جھلکتا ہے۔ ایس سی او ممالک کے کھانے کھانے سے محبت کرنے والوں کو منفرد لذت فراہم کریں گے۔ اقوام متحدہ نے سال 2023 کو موٹے اناج  کا بین الاقوامی سال قرار دیا جس کا مقصد دنیا بھر میں موٹے اناج  کی پیداوار اور استعمال میں اضافہ کرنا ہے۔ اس کے پیچھے نظریہ موٹے اناج  کو فروغ دینا ہے کیونکہ وہ موسمیاتی اعتبار سے لچکدار ہے۔انہوں نے مزید کہا کہ موٹے اناج  کا استعمال دنیا کو اقوام متحدہ کے کم از کم چھ پائیدار ترقی کے اہداف کو پورا کرنے میں مدد دے سکتا ہے۔ انہوں نے کہا کہ یہ پائیدار ترقی کی طرف ایک زبردست اقدام ہے۔

وزیر اعظم نریندر مودی کی سربراہی میں حکومت ہند نے آئی وائی ایم  2023 کی تجویز کو سپانسر کیا جسے اقوام متحدہ کی جنرل اسمبلی نے قبول کر لیا۔ یہ اعلان ہندوستان کے لیے آئی وائی ایم کو منانے میں سب سے آگے رہنے کے لیے اہم رہا ہے۔ وزیر  موصوف نے کہا کہ وزیر اعظم نے ہندوستان کو موٹے اناجوں کے لیے عالمی مرکز کے طور پر رکھنے کے ساتھ ساتھ آئی وائی ایم 2023 کو ایک ‘عوامی تحریک’ بنانے کے اپنے وژن کو بھی شیئر کیا ہے۔

انہوں نے ایس سی او کی اگلی صدارت کے لیے قزاکستان کو مبارکباد بھی دی اور یقین دلایا کہ ہندوستان ایس سی او  خطے میں سیاحت کو ایک کامیاب سیکٹر بنانے کے لیے اپنی کوششیں جاری رکھے گا۔

جبکہ ہندوستان سال 2023 کے لیے ایس سی او کی صدارت کی میزبانی کر رہا ہے، میلٹ فوڈ فیسٹیول چوتھا اور آخری پروگرام ہے جو وزارت سیاحت کی طرف سے صدارت کا جشن منانے کے لیے منعقد کیا جا رہا ہے۔ اس سے قبل، وزارت نے 9 سے 11 فروری تک ایس سی او ٹورازم مارٹ، 13 سے 18 مارچ تک کاشی، وارانسی میں ایس سی او ایکسپرٹ لیول ٹورازم ورکنگ گروپ میٹنگ اور ایس سی او ٹورازم منسٹرس میٹنگ کا اہتمام کیا تھا۔

شنگھائی تعاون تنظیم ایک بین الحکومتی تنظیم ہے جس میں آٹھ رکن ممالک - چین، ہندوستان، قزاکستان، کرغزستان، روس، پاکستان، تاجکستان اور ازبکستان، چار مبصر ریاستیں اور 14 ڈائیلاگ پارٹنرز شامل ہیں۔

 

***********

ش ح ۔ا ک۔ع ر

U. No.4183

(Release ID: 1917235) Visitor Counter : 144