কেন্দ্রগী য়ুমলৈ-কৈরৈ অমসুং কোওপরেশনগী মন্ত্রী, শ্রী অমিত শাহনা ঙসি হরিহরপুর সঙ্গীত ৱিস্বৱিধ্যালয়াগী উরেপ-উয়ুং তমখ্রে, লোইননা উত্তর প্রদেশকী আজমগরদা লুপা করোর ৪৫৮৩ রোমগী ওইবা চাউখৎ-থৌরাংগী প্রোজেক্ত কয়া অমা হৌদোকপা অমসুং উরেপ-উয়ুংসু তমখ্রে। মসিদা ‘নল সে নল’ মখাদা লুপা করোর ৪২৫৭ চংনা স্কীম ৪৫৮৩গী তম্বা অমসুং লুপা করোর ১৭৫ চংনা লম্বি পাকথোকপগী অমসুং ফগৎহনবগা মরি লৈনবা স্কীম ৫৫ য়াওরি। মসিগী মথক্তা রাজ্য অসিগী তোঙান-তোঙানবা দিপার্তমেন্ত ১৬কা মরি লৈনবা লুপা করোর ১৫১ চংনা স্কীম ৬১সু হৌদোকখি। উত্তর প্রদেশকী মুখ্য মন্ত্রী, শ্রী য়োগি অদিত্যনাথ য়াওনা দিগ্নিতরী কয়া অমনা থৌরম অদুদা শরুক য়াখি।

মহাক্না ৱা ঙাংবা মতমদা, শ্রী অমিত শাহনা হায়খি মদুদি হান্নগী সরকারগী মখাদা লৈবাক শিনবা থুংনা তমথিরবা কিনিংঙাই ওইরবা ইরাংগী মফম অমা ওইনা খঙনরম্বা আজমগর, ঙসিদি প্রধান মন্ত্রী, মোদীগী লুচিং মখাদা হরিহর ঘরানা-আজমগরগী হেরিতেজপু ইকাইখুম্নবা উৎনবা মফম অসিদা ম্যুজিক য়ুনিভর্সিতীগী উরেপ-উয়ুং তমখ্রে। আজমগর অসি মতম অমদা হরিহর ঘরানা অমসুং পন্দিত ছন্নুলাল মিশ্রাগুম্বা ম্যুজিক স্কোলরশিং অসিনা মশক খঙনরম্মি, অদুবু আজমগরগী শকফম অসিবু মাংহনবগী থবক অদু হান্নগী রাজ্য সরকারশিংনা তৌরম্মি হায়না মহাক্না হায়খি।

শ্রী অমিত শাহনা হায়খি মদুদি হরি অমসুং হর অনিমক হরিহরপুর ঘরানাগী মমিংদা লৈরম্মি, অমসুং মতম অমদা, আজমগর অসি ইশৈ শকপা, খোংবা অমসুং জগোই শাবগী জোনরা অহুম্মী সেন্তর ওইরম্মি। নেস্নেল অমসুং ইন্তর্নেস্নেলগী থাক্তা শক্নাইরবা আর্তিস্তশিং খুদম ওইনা হরিহরপুর ঘরানাদগী পদমা ৱিভুসন, পন্দিত ছন্নুলাল মিস্নরা, শ্রী অম্বিকা মিস্নরা অমসুং দা. মনোজ কুমার মিশ্রানা ঙসিদি হরাওরগনি মরমদি ম্যুজিক য়ুনিভর্সিতী অসি আজমগরদা হৌদোক্লগনি। মহাক্না হায়খি মদুদি লৈবাক অসিগী আর্ত অমসুং ম্যুজিক নিংথিনা ঙাক-শেন্দুনা থম্বা খক্তনা তুংগী মীরোলগীদমক্তা কলচরবু ঙাক-শেন্দুনা থম্বা ঙমগনি, আজমগরদা লিংখৎকদৌরিবা ম্যুজিক য়ুনিভর্সিতী অসিনা মমিং লৈরবা হরিহার্পুর ঘরানাবু অমুক হন্না হিংগৎহল্লগনি হায়না মহাক্না হায়খি। শ্রী শাহনা হায়খি মদুদি মসিগী ম্যুজিক য়ুনিভর্সিতী অসিনা লাক্কদবা মতমশিংদা মালেম শিনবা থুংনা  উত্তর প্রদেশ খক্তা নত্তনা ভারত পুম্বগী ওইনা মিংচৎ হেনগৎহনগদৌরিবনি।

কেন্দ্রগী য়ুমলৈ-কৈরৈ অমসুং কোওপরেশনগী মন্ত্রীনা হায়খি মদুদি মমাংদা খুঙ্গংগী মফমশিংদা মৈ ফংলমদে, অদুবু প্রধান মন্ত্রীগী লুচিং মখাদা ভারত সরকার অমসুং মুখ্য মন্ত্রী, য়োগি অদিত্যনাথকী লুচিং মখাদা উত্তর প্রদেশকী সরকারনা রাজ্য অসিবু শিনবা থুংনা মৈ ফংহন্দুনা চাউখৎ-থৌরাংগী অনৌবা য়ুক অমা হৌখ্রে। ঙসিদি লমদম অসিদা হর ঘর জল য়োজনাগী উরেপ-উয়ুং তমখ্রে হায়না মহাক্না হায়খি। শ্রী শাহনা মখা তারকখি মদুদি প্রধান মন্ত্রী, শ্রী নরেন্দ্র মোদীনা লৈবাক অসিদা য়ুমথোং খুদিংমক্তা তোতিগী খুত্থাংদা অশেংবা থক্নবা ঈশিং ফংহল্লি, লুপা করোর ৪২৫৭গী স্কীম ১৩৫৮ আজমগরদা ঙসি হৌদোকখ্রে। প্রধান মন্ত্রী, শ্রী নরেন্দ্র মোদীনা লৈবাক শিনবা থুংনা য়ুমথোং ৬০%দা তোতি-ঈশিংগী কনেক্সনশিং শোইদনা ফংহল্লি, অমসুং হৌজিক্তি সেকেন্দ খুদিংগী য়ুমথোং খুদিংদা তোতিগী ঈশিং ফংহল্লি হায়না মহাক্না হায়খি। প্রধান মন্ত্রী, মোদীগী লুচিং মখাদা লৈবাক অসিগী য়ুম করোর ১১.৬৬দা তোতিগী ঈশিং কনেক্সনশিং পীনবগী থবক মপুং ফানা পাংথোকখ্রে হায়না মহাক্না হায়খি। শ্রী শাহনা হায়খি মদুদি উত্তর প্রদেশকী ফ্লোরাইদনা শোকহল্লবা মফমশিংদা অশেংবা ক্নবা তোতিগী ঈশিংগী সপ্লাই অসি ঙসিদগী শোইহন্দনা ফংহল্লি।   

শ্রী অমিত শাহনা হায়খি মদুদি প্রধান মন্ত্রী, শ্রী নরেন্দ্র মোদীগী লুচিং মখাদা উত্তর প্রদেশনা চাউখৎপগী খুদম অমা ওইনা থোরক্লি। লম্বিশিং অমসুং কেনেলশিংগী নেতৱার্ক অমা রাজ্য অসিদা শেম্লি, লৌমী খুদিংমক্তা প্রধান মন্ত্রী কিসান য়োজনাগী মখাদা লুপা ৬,০০০ ফংহল্লি, য়ুম করোর ১.৭৬দা গ্যাস সিলিন্দরশিং য়ৌহনখ্রে, য়ুম খুদিংমক্তা তোইলেতশিং অমসুং মৈ য়ৌহল্লে অমসুং রাজ্য অসিগী খুঙ্গং অমত্তদা মৈ ফংদবা লৈত্রে। দবল ইঞ্জিন সরকার অসিনা উত্তর প্রদেশপু চাউখৎ-থৌরাংগী লম্বিদা মাংজিল থাহন্নবা হোৎনবদা তৌবা ঙম্বা পুম্নমক্না অমত্তা থাদনা পাংথোক্লি।

কেন্দ্রগী য়ুমলৈ-কৈরৈ অমসুং কোওপরেশনগী মন্ত্রীনা হায়খি মদুদি আজমগরনা লো অমসুং ওর্দরগী ফিভম য়াম্না ফৎলমদে, অদুবু ঙসিদি রাজ্য সরকারনা মুখ্য মন্ত্রী, শ্রী অদিত্যনাথ য়োগিগী লুচিং মখাদা জিলা অসিবু চাউখৎ-থৌরাংগী হব অমা ওইনা থোরক্নবা মতেং পাংলি। নোইদা অমসুং আজমগরদা অনৌবা ইন্তর্নেস্নেল এয়রপোর্তশিং শেমগৎলি, অমসুং মসিগা লোইননা উত্তর প্রদেশনা লখনৌ, বারানসি অমসুং কুশিনাগর য়াওনা ইন্তর্নেস্নেল এয়রপোর্ত মঙা লৈবা ভারতকী অমত্তা ঙাইরবা রাজ্য অমা ওইরে হায়না মহাক্না হায়খি। শ্রী শাহনা হায়খি মদুদি মুখ্য মন্ত্রী, শ্রী য়োগি অদিত্যনাথকী লুচিং মখাদা  উত্তর প্রদেশ সরকারনসু প্রধান মন্ত্রী, শ্রী নরেন্দ্র মোদীগী পি.এম. গতি শক্তি য়োজনাগী থবক পাইখৎখ্রে। মহাক্না মখা তারকখি মদুদি রাজ্য সরকারনসু উত্তর প্রদেশ পুম্বা রায়ত-ফ্রী ওইবআ রাজ্য অমা ওইহন্নবগী মাইকৈদা থবক তৌরি। শ্রী শাহনা হায়খি মদুদি সরকার অসিনা প্রধান মন্ত্রী, শ্রী নরেন্দ্র মোদীগী লুচিং মখাদা উত্তর প্রদেশকী চাউখৎ-থৌরাংগীদমক্তা শেন্থং মতিক চানা পীখ্রে। ২০২৪দা, ওপোজিশন পার্তীশিংনা নেপোতিজম অমসুং কাস্তিজমগী মতাংদা অমুক হন্না ঙাংলগনি অমসুং উত্তর প্রদেশগী মীশিংবু লান্না লমজিংলগনি, অদুবু মীশিংনা প্রধান মন্ত্রী, নরেন্দ্র মোদীদা মখোয়গী থাজবা অদু অমুক হন্না থমগদবনি।

*****