•        বাবা সাহেব দাঃ ভিম রাও অম্বেদকর অসি এপ্রিল 14, 1891দা পোকখি অমসুং মহাক অসি মহাক্কী মমা-মপাগী 14শুবা অমসুং খ্বাইদগী অতোনবা মচানি।

•       দাঃ বাবাসাহেব অম্বেদকর অসি সুবেদার রামজী মালোজী সকপালগী মচানুপানি। মহাক অসি বৃতিশ আর্মীদা সুবেদার ওইরম্মি। বাবাসাহেবকী মপাবুং অসি সন্ত কবিরগী তুং ইনবা মীওই অমা ওইবগা লোয়ননা মহৈ-মশিং নিংথীনা হৈবা মীওই অমনি।

•       দাঃ ভিমরাও রামজী অম্বেদকরনা মশাগী চহি অনিখক্তা ঙাইরিবা মতমদা মহাক্কী মপাবুংনা থবক্তগী পোত্থাখি। মহাক্না চহি তরুক শুরকপা মতমদা মহাক্কী মমা লৈখিদে। বাবাসাহেবনা মহাক্কী অঙনবা মহৈ-মশিং বোম্বেদা লৈদুনা তমখি। মহাক্কী স্কুলগী মতমদগী হৌনা, ভারত্তা শোক্ন-শম্নবা য়াদবা মীওই অমা ওইবগী অহকপা চৈথেং মহাক্না খঙখি।

•       দাঃ অম্বেদকরনা মহাক্কী স্কুলগী মহৈ মশিং অসি সাতারাদগী তম্লকখি। লাইবক থীবদি, দাঃ অম্বেদকরনা মহাক্কী মমা কায়নখি। মহাক্কী মদোমচানা মহাকপু য়োক্লকখি। মদুগী মতুংদা, মখোয় বোম্বেদা হোংখি। মহাক্কী স্কুলগী মহৈ-মশিং তম্বগী মতম অপুনবদা মহাক্না শোক্ন-শম্নবা য়াদবগী চৈথেং খাঙদুনা লাকখি। মহাক্না মেত্রিক্যুলেসন মায় পাক্লবা মতুংদা ইং 1907তা কৈথেলগী অহাঙবা পোৎফম অমদা মহাক লুহোংখি।

•      দাঃ অম্বেদকরনা বোম্বেগী এলফিনস্তন কোলেজদগী মহাক্কী গ্রেজুএসন লোইশিনখি, অমসুং মসিগীদমক্তা মহাক্না বরোদাগী হিস হাইনেস সায়াজিরাও গাইক্বাদকী মফমদগী স্কোলার্শিপ ফংলম্মি। মহাক্না গ্রেজুএসন লোইরবা মতুংদা, হায়নখিবা ৱাফমগী মখা পোন্না মহাক্না বরোদা সনস্থান য়াওবা তাখি। মহাক্না বরোদাদা লৈরিঙৈদা মহাক্কী মপাবুং লৈখিদে, অমসুং মখা তাবা মহৈ তম্নবগীদমক্তা দাঃ অম্বেদকারবু USAদা চৎনবা স্কোলার ওইনা খনখিবা অসি ইং 1913দনি। মসিনা মহাক্কী পুন্সিদা অওনবা লাক্কদবা পুঙফম অদু ওইখি।

•      মহাক্না কোলুম্বিয়া য়ুনিভর্সিতীদগী ইং 1915 অমসুং 1916দা মহাক্কী MA অমসুং PhD মথংশিৎনা ফংখি। মহাক্না মখা তানা মহৈ তম্নবগীদমক্তা লন্দন্দা অমুক চৎখি। মহাক্না লো তম্নবগীদমক্তা গ্রে’স ইন্দা মিং চনখি অমসুং মহাকপু লন্দন স্কুল ওফ ইকোনোমিক্স অমসুং প্লিতিকেল সাইন্সতা D.Scগীদমক্তা শেম শানবগীদমক্তা অয়াবসু পীবিখি। অদুবু, মহাকপু বরোদাগী দেৱান্না ভারত্তা হল্লক্নবা কৌখি। মহাক্না মহাক্কী বার-এত-লো অমসুং D.Sc অকোনবা মতমদা ফংখি। মহাক্না জর্মনীগী বোন য়ুনিচর্সিতীদা মতম খরসু মহৈ তম্লম্মি।

•      মহাক্না ইং 1916দা ‘কাস্ত ইন ইন্দিয়া – দেয়র মেকানিজম, জেনেসিস অমসুং দিভেলপমেন্ত’ হায়বা এসে অমা পাখি। মহাক্না ইং 1916দা মহাক্কী থেসিস ‘নেস্নেল দিবিদেন্দ ফোর ইন্দিয়া – এ হসিতোরিক এন্ড এনালিয়াতিকেল স্তদী’ ইখি অমসুং মহাক্কী Ph.D ফংখি। থেসিস অসি চহি নিপানগী মতুংদা ‘ইভোল্যুসন ওফ প্রোবিন্সিএল ফাইনান্স ইন বৃতিশ ইন্দিয়া’ হায়বা মিংথোলগী মখাদা ফোঙখি। মহাক্কী খ্বাইদগী ৱাংবা দিগ্রী ফংলবা মতুংদা, মহাক্না ভারত্তা হল্লকখি অমসুং মতুং তারক্কদবা অশাংবা মতমগী ওইনা মহাকপু ফাইনান্স মন্ত্রী ওইনা শেম শানবগীদমক্তা মহাকপু বরোদাগী মহারাজাগী মিলিতরী সেক্রেতরী ওইনা খনখি।

•      বাবাসাহেবকী স্কোলার্শিপকী মতম লোইশিলকপগী মতুং ইন্না মহাক্না শহর অসিদা ইং 1917গী সেপ্তেম্বরদা হল্লকখি সর্ভিস্তা চঙখি। অদুবু, য়াম্না অতেনবা মতম ওইনা শহর অসিদা নবেম্বর 1917 ফাওবা লৈরবা মতুংদা মহাক্না মুম্বাইদা হনখি। শোক্ন-শম্নবা য়াদবগী মরমদগী মহাক্না থেংনখিবা তাথী তাওই তৌবগী মতৌনা মহাক্না থবক থাদোকখিবনি।

•      দাঃ বাবাসাহেবনা বোম্বেদা হল্লকখি অমসুং পোলিতিকেল ইকোনোমীগী প্রোফেসর অমা ওইনা সাইদেনহম কোলেজতা চঙখি। মহাক অসি মহৈ-মশিং নিংথীনা হৈবা মীওই অমা ওইবনা, মহাক অসি মহৈরোইশিংগী মরক্তা মমিং য়াম্না চৎলম্মি। অদুবু, মহাক্না লন্দন্দা লো অমসুং ইকোনোমিক্স মখা তানা তম্থনবগীদমক্তা মহাক্কী ফম থাদোকখি। মসিদা কোলহাপুরগী মহারাজানা মহাক্কী মফমদা শেলগী তেংবাং পীখি। মহাক্না ইং 1921দা মহাক্কী থেসিস ‘প্রোবিন্সিএল দিসেন্ত্রেলাইজেসন ওফ ইম্পেরিএল ফাইনান্স ইন বৃতিশ ইন্দিয়া’ ইখি অমসুং লন্দন য়ুনিভর্সিতীদগী মহাক্কী M.Sc. দিগ্রী ফংখি। অদুদগী মহাক্না জর্মনীগী বোন য়ুনিভর্সিতীদা মতম খরা লৈখি। মহাক্না ইং 1923দা মহাক্কী D.Scগী থেসিস – “প্রোব্লেম ওফ রুপী, ইৎস ওরিজিন এন্ড সোল্যুসন’ ইখি। মহাকপু ইং 1923দা বারদা কৌখি।

•      ইং 1924দা ইংলেন্দদগী হল্লক্লবা মতুংদা মহাক্না শোত্থরবা কাঙলুপশিংগী য়াইফ য়ুম্বালগীদমক্তা এসোসিএসন অমা হৌদোকখি, মসিদা সর চিমনলাল সেতাল্বাদনা প্রসিদেন্ত অমসুং দাঃ অম্বেদকরনা চেয়রমেন ওইখি। শোত্থরবা কাঙলুপশিংগী মরক্তা মহৈ মশিং তম্বীবা, মখোয়গী শেন্মিৎলোনগী ফিভম ফগৎহনবা অমসুং মখোয়গী ৱাকতশিংগী মীহুত ওইবা হায়বসিনা এসোসিএসন অসিগী পান্দম ওইখি।

•      বাহিস্কৃত ভারত কৌবা পাউ-চে অমা অনৌবা রিফোর্ম অমগী মখা পোন্না শোত্থরবা কাঙলুপশিংগী ৱাফম কয়াদা মিৎয়েং চঙনবগীদমক্তা এপ্রিল 3, 1927দা হৌদোকখি।

•      মহাক্না ইং 1928তা বোম্বেগী গবর্নমেন্ত লো কোলেজগী প্রোফেসর ওইখি অমসুং জুলাই 1, 1935তা কোলেজ অসিমক্কী প্রিন্সিপাল ওইখি অমসুং মহাক্না ফম অসি থাদোক্ত্রিঙৈ ইং 1938 ফাওবা কোলেজ অসিদা লৈখি।

•      ওক্তোবর 13, 1935তা নাসিক জিলাগী য়েওলাদা শোত্থরবা কাঙলুপশিংগী প্রোবিন্সিএল কনফরেন্স অমা পাংথোকখি। কনফরেন্স অসিদা মহাক্না “ঐহাক অসি হিন্দুইজমদা পোকখিবনি, অদুবু ঐহাক হিন্দু ওইনদি শীরোই’ হায়দুনা হিন্দুশিংগী মফমদা অঙকপা চৈথেং অমা পীখি। মহাক্কী তুং ইনবা মীওই লিশিং কয়ানা মহাক্কী ৱারেপ অসিবু শৌগৎখি। মহাক্না ইং 1936তা বোম্বে প্রসিদেন্সী মাহর কনফরেন্সতা ৱা ঙাঙখি অমসুং হিন্দু ওইজররোই হায়বগী ইহৌ হৌদোকখি।

•      শোত্থরবা কাঙলুপশিংগী অপাম্বা ঙাক শেন্নবগীদমক্তা মহাক্না ওগস্ত 15, 1936তা ইন্দিপেন্দেন্ত লেবর পার্তী শেমখি অমসুং মসিগী মেম্বর অয়াম্বনা শিন্মী ওইখি।

•      ইগ 1938তা শোক্ন-শম্নবা য়াদবা হায়বা মমিং অসিদা অহোংবা পুরকপা বিল অমা কংগ্রেসনা হৌদোকখি। দাঃ অম্বেদকরনা মসিগী মাইয়োক্তা ৱা ঙাঙখি। মহাক্কী ৱাখল্লোনগী মখা পোন্না, মমিং হোংদোকপা অসিনা শিংনবা অসিগী ৱারোইশিন পুরকপা নত্তে হায়বনি।

•      মহাকপু ইং 1942দা গবর্নর জেনেরেল ওফ ইন্দিয়াগী এক্সজেক্যুতিব কাউন্সিলদা লেবর মেম্বর অমা ওইনা খনখি, অমসুং ইং 1946তা মহাকপু বেঙ্গোলগী কন্সতিত্বেন্ত এসেমব্লীদা খনখি। তাল্লক অসিদা মহাক্না মহাক্কী লাইরিক, “শুদ্রশিং অসি কনানো?” অসি ফোঙখি।

•      ভারতনা ইং 1947দা নিংতম্বা ফংলবা মতুংদা, মহাকপু নেহরুগী অহানবা মন্ত্রী মন্দলদা লো অমসুং জস্তিস মন্ত্রী ওইনা খনখি। অদুবু, কশ্মিরগী ৱাফম, ভারতকী ফোরেন পোলিসী অমসুং হিন্দু কোদ বিলগী মতাংদা লৈবা নেহরুগী পোলিসীদা য়ানিংদে হায়রদুনা মহাক্না ইং 1951দা মন্ত্রীগী ফম থাদোকখি।

•      কোলম্বিয়া য়ুনিভর্সিতীনা মহাক্না ভারতকী সংবিধান ইবগা মরী লৈননা পাংথোকখিবা থবকশিংবু শকখঙবা ওইনা ইং 1952দা LL.Dগী দিগ্রী পীখি। মহাক্না ইং 1955তা “থোৎ ওন লিঙ্গুইস্তিক স্তেত” হায়না মিংথোনবা মহাক্কী লাইরিক ফোঙখি।

•      দাঃ অম্বেদকরগী মফমদা ওস্মানিয়া য়ুনিভর্সিতীনা জনুৱারী 12, 1953দা দোক্তোরেত পীখি। মহাক্না ইং 1935তা য়েওলাদা “ঐহাক হিন্দু ওইনা শীরোই” হায়না লাউথোকখিবা ৱাফম অদু চহি 21গী মতুংদা অকোনবদা চুম্মি হায়না মহাক্না উৎখি। মহাক্না ওক্তোবর 14, 1956তা নাগপুরদা পাংথোকপা পুৱারী ওইরবা থৌরম অমদা বুধিজমদা চঙখি অমসুং দিসেম্বর 6, 1956তা নোঙ্গাখি।

•      দাঃ বাবাসাহেব অম্বেদকরগী মফমদা বুধিস্ত লাইনিংবশিংনা নেপালগী কথমন্দুদা ইং 1954দা “জগতিক বুধিজম কাউন্সিল”দা “বোধিসত্তবা” হায়বা মীইংথোল পীখি। মসিগী য়াম্না অখন্নবা ৱাফম অমনা, মহাক্কী “বোধিস্ততবা” মিংথোল অসি মহাক্না হিংলিঙৈদা পীখিবা অসিনি।

•      মহাক্না ভারতকী নিংতম ইহৌ অমসুং নিংতম্বা ফংলবা মতুংদা পাংথোকপা রিফোর্মশিংদা থৌদাং কয়া য়াখি। মসিদা নত্তনা, বাবাসাহেবনা রিজর্ব বেঙ্ক ওফ ইন্দিয়া শেম্বা মতমদসু মশক থোকপা থৌদাং য়াখি। সেন্ত্রেল বেঙ্ক অসি বাবাসাহেবনা হিলতন য়ং কম্মিসন্দা পুথোকখিবা ৱাখল্লোন্দা য়ুম্ফম ওইরগা শেমখিবনি।

•      দাঃ অম্বেদকরগী মগুন লৈবা পুন্সি ৱারীনা মহাক অসি স্তদী অমসুং এক্সনগী মীওইনি হায়না তাক্লি। অহানবদা, মহাক্না শেন্মিৎলোন, রাজনিতী, আইন, ফিলোসোফী অমসুং সোসিওলোজীগী অকুপ্পা লৌশিং তানখি। মহাক্না মহৈ তম্লিঙৈ মনুংদা, মহাক্না খুন্নাইগী শিংনবা কয়া মাইয়োক্নখি। অদুবু, মহাক্না মহাক্কী পুন্সি অসি লাইরিক পাদুনা অমসুং লাইব্রেরীদা অদুমক লৈশিন্দুনা লেনখিদে। মহাক্কী শোত্থরবা কাঙলুপশিংগী মচিল মনাওশিংবু মহাক্না কাওদবনা মরম ওইরগা মহাক্না অৱাংবা অমসুং তোলোব চাউবা ফম অমত্তা লৌখিদে। মহাক্না মশাগী পুন্সিবু মান্নবা থাক্তা য়েংবা, নুংশি চানবা অমসুং মীওইবা খুন্নাইগী য়াইফনবগীদমক্তা কত্থোকখি। মহাক্না শোত্থরবা কাঙলুপশিংবু থাক ৱাংনা পুখৎনবা মহাক্কী ঙমজবী থাদুনা হোৎনখি।

•      মহাক্কী পুন্সি ৱারী নিংথীনা নৈনরুরবা মতুংদা, মহাক্না শরুক তম্লম্বা অমসুং মদুগা খুন্নাইগা চুশিন্নবগী ৱাফমশিং অসি মুন্না নৈনবগী মথৌ তাই। ৱাখল্লোন অমগী মতুং ইন্না, মহাক্কী ৱাফম অহুম অমদি ঙসি ফাওবদা মরু ওইরি। ভারতকী শেন্মিৎলোন অমসুং ভারতকী খুন্নাইনা শেন্মিৎলোন অমসুং খুন্নাইগী শিংনবা কয়া ঙসিসু মাইয়োক্নরি। দাঃ অম্বেদকরগী ৱাখল্লোনশিংনা শিংনবা অসিগী ৱারোইশিন পুরকপদা ঐখোয়বু লমজিংবা য়াই।

•      দাঃ অম্বেদকর লৈখিদবগী কুমওন অসি মহাপরিনির্বন দিবস হায়না লৈবাক শিনবা থুংবদা পাংথোক্লি।

******