সিভিএ এভিএসন মন্ত্রালয়না শেনবা চহি ২০২২-২৩দা দ্রোন অমসুং দ্রোন কম্পোনেন্তশিংগীদমক পি.এল.আই. স্কিমগী মখাদা বেনেফিসরীশিংদা লুপা করোর ৩০ (চাউরাক্না)গী শেনফম অমা পীথখ্রে।

সরকারনা ২০২১গী সেপ্তেম্বর ৩০দা লৈবাক অসিগী দ্রোন ইন্দস্ত্রী প্রমোত তৌনবা দ্রোন অমসুং দ্রোন কম্পোনেন্তশিংগীদমক প্রদক্সন লিঙ্ক ইন্সেন্তিব (পি.এল.আই.) স্কিম নোতিফাইদ তৌখি। খোঙথাং অসি মহৈ মশিং অমসুং ইন্দস্ত্রীগী এক্সপার্তশিংনা পাক শন্না তরাম্না ওকখি। ইন্দস্ত্রীদা মতেং পাংনবা স্কিম অসিদা ফিচর কয়া অমা য়াওরি মদুদি:

শেনবা চহি অহুমদা শিন্দোকখিবা অপুনবা ইন্সেন্তিব অসি লুপা করোর ১২০নি। মসি শেনবা চহি ২০২০-২১দা দোমেস্তিক দ্রোন মেনুফেকচরর পুম্নমক্কী অপুনবা তর্নওবরগী চাউরাক্না শরুক অনিনি।

স্কিম অসিগীদমক পি.এল.আই. রেত অসি ভেল্যু এদিসনগী চাদা ২০ ওইদুনা পি.এল.আই. স্কিমশিংগী মরক্তা খ্বাইদগী ৱাংবা অমা ওইরি।

স্কিম অসিগী মখাদা ভেল্যু এদিসন অসি দ্রোন অমসুং দ্রোন কম্পোনেন্তশিংদগী চহিগী য়োনখিবা রেভিন্যু (নেত ওফ জি.এস.তি.)দগী দ্রোন অমসুং দ্রোন কম্পোনেন্তশিংগী লৈবগী মমল (নেত ওফ জি.এস.তি.) ককথরগা হোৎলি।

পি.এল.আই. রেত অসি চহি অহুম্মক্কী ওইনা চাদা ২০দা লেংদনা থমদুনা লৈবাক অসিদা লৈরিবা দ্রোন ইন্দস্ত্রীগীদমক থৌইদোক হেন্দোকপা ত্রিৎমেন্ত অমনি।

দ্রোন অমসুং দ্রোন কম্পোনেন্তশিংগীদমক মিনিমম ভেল্যু এদিসন নোর্ম অসি চাদা ৫০গী মহুৎ চাদা ৪০ ওইদুনা ইন্দস্ত্রীগীদমক অতোপ্পা থৌইদোক হেন্দোকপা ত্রিৎমেন্ত ওইরি।

এম.এস.এম.ই. অমসুং স্তার্তঅপশিংগীদমক এলিজিবল নোর্ম অসি নোমিনেল লেবেলদা লৈরি।

স্কিমনা কোন্সিনবদা দ্রোনগা মরী লৈনবা সোফতৱেয়রগী দিবেলপরসু মনুং চল্লি।

মেনুফেকচরর অমগী পি.এল.আই. অসি অপুনবা চহিগী আউতলেগী চাদা ২৫দা লেংদনা থম্মি। মসিনা বেনেফিসরীশিংগী মশিং পাকথোক চাউথোকপা ঙমহল্লি।

মেনুফেকচরর অমনা অকক্নবা শেনবা চহি অমগীদমক এলিজিবল ভেল্যু এদিসনগী থ্রেসহোল্দ ফংবা ঙমদ্রগদি করিগুম্বা মহাক্না থংনবা চহিশিংদা শোত্থরিবা অদু মেন্সিনবা ঙম্লগদি থংনবা চহিদা মহাক্না মাংখিবা ইন্সেন্তিব ক্লেম তৌবা য়াগনি।

২০২২গী জুলাই ৬দা পি.এল.আই. বেনেফিসরী ২৩গী প্রোবিজনেল লিস্ত অমা রিলিজ তৌখি। বেনেফিসরীশিংদা দ্রোন মেনুফেকচরর ১২ অমসুং দ্রোন কম্পোনেন্ত মেনুফেকচরর ১১ য়াওরি।

***