नवी दिल्‍ली, 10 एप्रिल 2023

भारतीय हवाई दल (IAF) आणि युनायटेड स्टेट्स एअर फोर्स (USAF) यांच्यातील कोप इंडिया 23 हा द्विपक्षीय हवाई सराव, अर्जन सिंग (पानगढ), कलाईकुंडा आणि आग्रा इथल्या भारतीय हवाई दलाच्या तळांवर आयोजित करण्यात आला आहे. दोन्ही हवाई दलांमधील परस्पर सामंजस्य अधिक वाढवणे, आणि परस्परांच्या सर्वोत्तम पद्धतींचे आदान-प्रदान करणे, हे या सरावाचे उद्दिष्ट आहे.

या सरावाचा पहिला टप्पा आज सुरु झाला. सरावाच्या या टप्प्यात हवाई गतीशीलतेवर लक्ष केंद्रित केले जाईल, आणि यामध्ये दोन्ही हवाई दलांची वाहतूक  विमाने आणि विशेष दलांच्या मालमत्तेचा समावेश असेल. दोन्ही बाजू C-130J आणि C-17 ही विमाने मैदानात उतरवतील, तसेच युनायटेड स्टेट्स एअर फोर्स (USAF), आपल्या MC-130J लढाऊ विमानांचा देखील सराव करतील. या सरावामध्ये जपानी हवाई सेल्फ डिफेन्स फोर्स कर्मचारी देखील समाविष्ट असून, ते पर्यवेक्षक म्हणून  यात  सहभागी होत आहेत.

* * *

N.Chitale/R.Agashe/D.Rane

सोशल मिडियावर आम्हाला फॉलो करा:@PIBMumbai    /PIBMumbai    /pibmumbai  pibmumbai[at]gmail[dot]com  /PIBMumbai    /pibmumbai