بوون پلی سبزی منڈی نے اپنے  کچرے کے انتظام کے اختراعی نظام کے لیے وزیر اعظم نریندر مودی کی توجہ حاصل کی ہے۔ وزیر اعظم نے من کی بات کے ایک ایپی سوڈ کے دوران اپنی نوعیت کے بائیو الیکٹرسٹی، بائیو فیول اور بائیو کھاد بنانے کے پروجیکٹ کی تعریف کی۔ یہ بتاتے ہوئے کہ بازار کا فضلہ اب دولت میں تبدیل ہو رہا ہے، وزیر اعظم نے کہا، "ہم نے مشاہدہ کیا ہے کہ سبزی منڈیوں میں سبزیاں کئی وجوہات کی وجہ سے سڑتی ہیں، جس سے غیر صحت مند حالات پیدا ہوتے ہیں۔ تاہم، حیدرآباد کی بوون پلی سبزی منڈی کے تاجروں نے فضول سبزیوں سے بجلی پیدا کرنے کا فیصلہ کیا۔ یہ اختراع کی طاقت ہے۔"

چند سال پہلے سبزیوں کے فضلے سے بجلی پیدا کرنا تو دور کی بات تھی لیکن اب نہیں۔ حیدرآباد کی بوون پلی سبزی منڈی نے اسے حقیقت میں بدل دیا ہے۔ منڈی میں روزانہ تقریباً 10 ٹن فضلہ جمع ہوتا ہے، جو پہلے لینڈ فلز میں ختم ہو جاتا تھا، لیکن اب یہ سبزی منڈی کے لیے بجلی کا بڑا ذریعہ ہے۔

سری نواس، سکریٹری، بوون پلی کی سبزی منڈی، نے روشنی ڈالی کہ اس بازار سے جمع ہونے والے سبزیوں اور پھلوں کے فضلے کا ہر اونس تقریباً 500 یونٹ بجلی اور 30 ​​کلو بائیو ایندھن پیدا کرنے کے لیے استعمال ہوتا ہے۔ پیدا ہونے والی بجلی اسٹریٹ لائٹس، 170 اسٹالز، انتظامیہ کی عمارت اور پانی کی فراہمی کے نیٹ ورک کو بجلی فراہم کرتی ہے۔ دریں اثنا، پیدا ہونے والے بائیو فیول کو مارکیٹ کے تجارتی کچن میں پمپ کیا جاتا ہے۔ بائیو گیس پلانٹ کو اب "پائیدار مستقبل کا راستہ" کہا جاتا ہے۔ مارکیٹ میں کینٹین، لگائے گئے پلانٹ کے ذریعے پیدا ہونے والی بجلی سے چلائی جا رہی ہے۔ مارکیٹ یارڈ کو 650-700 یونٹ بجلی اور تقریباً 7-8 ٹن سبزیوں کی ضرورت ہوتی ہے۔ کچرے سے اوسطاً 400 یونٹ بجلی پیدا ہوتی ہے جس کے نتیجے میں بازار بھی صاف اور آلودگی سے پاک رہتا ہے۔

بوون پلی کے فضلہ سے توانائی کا پلانٹ خواتین کے لیے مختلف کرداروں میں کام کرنے کے مواقع فراہم کر کے روزگار پیدا کرتا ہے جیسے فضلہ کو چھانٹنا اور الگ کرنا، مشینری چلانا، اور انتظامی کاموں کا انتظام کرنا۔ یہ پلانٹ خواتین کارکنوں کو مہارت کی نشوونما کے مواقع کے ساتھ ساتھ مستقل آمدنی بھی فراہم کرتا ہے۔

بوون پلی سبزی منڈی میں ایک خاتون ملازم، رکمنی دیومّا کہتی ہیں، " بائیو گیس پلانٹ لگنے سے ہمیں اپنے کام کے لیے اچھی ادائیگی کی جا رہی ہے۔ ہمیں تمام ضروری حفاظتی گئر جیسے ماسک، گم بوٹ، دستانے وغیرہ بھی دیئے گئے ہیں۔ اس طرح محفوظ ماحول ملنے کے بعد ہم دوسروں کو بھی اپنے ساتھ جوڑ رہے ہیں اور کام کرنے کے لیے حوصلہ افزائی کر رہے ہیں۔

بوون پلی بازار میں حکام کے مطابق، اوسطاً 10 ٹن کچرا روزانہ پیدا ہوتا ہے۔ یہ فضلہ سالانہ تقریباً 6,290 کلوگرام CO2 پیدا کرنے کی صلاحیت رکھتا ہے جو ماحول کے ۰لیے زیادہ نقصان دہ ہو سکتی ہے۔ اس مسئلے کو حل کرنے کے لیے بوون پلی سبزی منڈی کے اہلکاروں نے اس فضلے کو توانائی میں تبدیل کرنے کا فیصلہ کیا۔

بوون پلی کا بائیو گیس پلانٹ

بوون پلی سبزی منڈی اور آس پاس کے صحن میں پیدا ہونے والا فضلہ (سڑی ہوئی اور بغیر فروخت ہونے والی سبزیاں) شہر بھر سے جمع کیا جاتا ہے۔ سبزیوں کو چھوٹے چھوٹے ٹکڑوں میں کاٹا جاتا ہے اور کنویئر بیلٹ کے اوپر سے شریڈر تک چلا جاتا ہے۔ اس کے بعد کچرے کو ٹکڑے ٹکڑے کرنے کے عمل سے گزارا جاتا ہے جہاں تمام سبزیوں کو چھوٹے اور یکساں سائز میں کچل کر گرائنڈر میں بھیج دیا جاتا ہے۔ یہ گرائنڈر مواد کو مزید کچل کر گودا بناتا ہے، جسے سلیری بھی کہا جاتا ہے اور انہیں انیروبک ڈائجسٹر تک پہنچاتا ہے۔

پیدا ہونے والی گیس کو مزید استعمال تک جمع کرکے غباروں میں محفوظ کیا جاتا ہے۔ بائیو کھاد گیس کے علاوہ بائی پروڈکٹ کے طور پر حاصل کی جاتی ہے۔ ایک۰ علیحدہ ٹینک میں، بائیو گیس جمع کی جاتی ہے اور پائپ لائن سسٹم کے ذریعے کھانا پکانے کے لیے بھیجی جاتی ہے۔ اس کے بعد بائیو فیول کو 100فیصد بائیو گیس جنریٹر میں فراہم کیا جاتا ہے جو کولڈ اسٹوریج رومز، واٹر پمپس، دکان، اسٹریٹ لائٹس وغیرہ کو بجلی فراہم کرنے کے لیے استعمال ہوتی ہے۔

بایو گیس پلانٹ، ٹکنالوجی اور محکمہ زراعت مارکیٹنگ تلنگانہ، گیتاناتھ (2021) کے ذریعہ فنڈ کردہ بائیو گیس پلانٹ۔ سی ایس آئی آر- آئی آئی سی ٹی (سائنسی اور صنعتی تحقیق کی کونسل-انڈین انسٹی ٹیوٹ آف کیمیکل ٹیکنالوجی) کی رہنمائی اور پیٹنٹ ٹیکنالوجی کے تحت حیدرآباد میں مقیم آہوجا انجینئرنگ سروسز پرائیویٹ لمیٹڈ کے ذریعہ قائم کیا گیا تھا۔

اثرات

روزانہ تقریباً 30 کلو گرام بائیو فیول تیار کیا جاتا ہے جو یونٹ کے قریب باورچی خانے کی سہولیات کو فراہم کیا جاتا ہے۔ انتظامی عمارت، مارکیٹ واٹر سپلائی نیٹ ورک، تقریباً 100 اسٹریٹ لائٹس اور مارکیٹ کے 170 اسٹالز کے ذریعے 400-500 یونٹ بجلی استعمال کی جا رہی ہے۔

یہ بائیو گیس یونٹ بجلی کے بل کو نصف تک کم کرنے میں مدد کرتا ہے (پہلے اوسطاً 3 لاکھ روپے ماہانہ)۔ مائع بائیو کھاد کسانوں کے کھیتوں میں کھاد کے طور پر استعمال ہو رہی ہے۔ اس کی کارکردگی کو محسوس کرتے ہوئے، بایو ٹیکنالوجی کے محکمے نے مختلف مارکیٹ یارڈوں میں مختلف صلاحیتوں (گڈیمالکاپور، گڈیانارام -5 ٹن فی دن، ایراگڈا، الوال، سرور نگر- 500 کلوگرام فی دن مارکیٹ کا فضلہ) کے ساتھ ملتے جلتے پانچ مزید پلانٹس قائم کرنے کے لیے مزید فنڈنگ ​​کا اعلان کیا ہے۔

بوون پلی سبزی منڈی میں فضلہ کو توانائی میں تبدیل کرنے کے اس اختراعی عمل نے بائیو ایندھن پیدا کرنے کے لیے ایک پائیدار نظام کے استعمال کے بارے میں بڑے پیمانے پر بیداری پیدا کی ہے، بلکہ زیادہ سے زیادہ شہروں کو شہری منظر نامے کی تبدیلی کے لیے اسی طرح کے منصوبے شروع کرنے کی ترغیب دی ہے۔

*****

ش ح۔   ش ت۔ج

Uno-3886