دفاعی عملےکےسربراہ (سی ڈی ایس) جنرل انیل چوہان نے 08 اور 09 اپریل 2023 کو جی او سی، تری شکتی کور کے ساتھ شمالی بنگال میں فضائیہ کے اسٹیشن اور آگے کے علاقوں کا دورہ کیا۔ سی ڈی ایس نے دور دراز علاقوں میں تعینات فوجیوں سے بھی بات چیت کی اور ان کے بلند حوصلے اور پیشہ ورانہ مہارت کی تعریف کی۔

جنرل انل چوہان نے سکنا میں تری شکتی کور کے ہیڈ کوارٹر کا بھی دورہ کیا جہاں انہیں سکم میں شمالی سرحدوں کے ساتھ آپریشن جاتی صورتحال کے بارے میں تفصیلات فراہم کی گئی۔ انہوں نے مشرقی سکم میں حالیہ برفانی تودہ جیسی قدرتی آفات کی صورت حال کے وقت شہری انتظامیہ اور مقامی آبادی کی مدد کرنے کے لیے فورس کے تحفظ کو یقینی بنانے کے لیے فارمیشن کی تعریف کی۔

سی ڈی ایس نے فارمیشن سے کہا کہ وہ سخت تربیت پر توجہ دیں اور ہر وقت چوکنا رہیں۔ انہوں نے اس بات پر بھی زور دیا کہ فوجیوں کو معلوماتی ٹیکنالوجی کے تازہ ترین رجحانات، ابھرتے ہوئے سائبر خطرات اور انسدادی اقدامات سے باخبر رہنا چاہیے۔

*****

U.No.3888

(ش ح - اع - ر ا)