য়ুমলৈ-কৈরৈ মন্ত্রালয়
প্রধান মন্ত্রী শ্রী নরেন্দ্র মোদীগী লুচিং মখা অমসুং কেন্দ্রগী গৃহ অমসুং কোওপরেসন মন্ত্রী শ্রী অমিত শাহগী লমজিং লমতাক মখাদা গৃহ মন্ত্রালয়না কৈশুমশঙদা লৈবা অন্দর্ত্রাইএলশিংগী খুদোংচাদবশিংদা মিৎয়েং চঙনবা থবক কয়া পায়খৎখি
বজেতকী কান্নবশিংনা ঐখোয়না য়ৌহন্নিংলিবা খুন্নাইগী কাঙলুপ খুদিংদা শোইদনা য়ৌহন্নবগীদমক্তা বজেত অসিগী প্রাইওরিতীশিংগী মনুংদা অমা ওইরিবা ‘সপ্তারিশি’শিংবু লমজিংবা হায়রিবা থৌওং অসিনা লাস্ত মাইলদা য়ৌরি, মসিগী মখাদা লাউথোকখিবা ৱারোল অমদি ‘লাইরবা ফাদোকমীগী তেংবাং’ হায়বসিনি
মসিগী মনুংদা কৈশুমশঙদা লৈরিবা অমসুং পেনালতী অমদি বেলগী শেনফম পুথোকপা ঙমজদবা লাইরবা মীওইগী মফমদা শেলগী তেংবাংবা পীবগী খুদোংচাবা য়াওরি
মহৈ-মশিং হৈতবগা লোয়ননা শেন্থোক নেম্বা খুন্নাইগী থাক্তা খুদোংচাবা অমত্তা ফংজদবা নত্ত্রগা তোখাইনা তারবা কাঙলুপকী মনুংদা চনবা ফাদোকমীশিংবু মসিনা কৈশুমশঙদগী থোকপা ঙমহনগনি
শেল লৈতবনা মরম ওইরগা ফাইন পীবগী ঙমদবদগী বেল ফংবা ঙমদবা নত্ত্রগা কৈশুমশঙদগী থোকপা ঙমদবা লাইরবা ফাদোকমীশিংদা তেংবাং পীনবগীদমক্তা ভারত সরকারনা রাজ্যশিংদা শেলগী তেংবাং পীগনি
Posted On:
07 APR 2023 11:27AM by PIB Imphal
প্রধান মন্ত্রী শ্রী নরেন্দ্র মোদীগী লুচিং মখা অমসুং কেন্দ্রগী গৃহ অমসুং কোওপরেসন মন্ত্রী শ্রী অমিত শাহগী লমজিং লমতাক মখাদা গৃহ মন্ত্রালয়না কৈশুমশঙদা লৈবা অন্দর্ত্রাইএলশিংগী খুদোংচাদবশিংদা মিৎয়েং চঙনবা মতম মতমগী মতুং ইন্না থবক কয়া পায়খৎখ্রে। থৌওংশিং অসিগী মনুংদা কোদ ওফ ক্রিমিনেল প্রোসিজর (সি.আর.পি.সি.)দা সেক্সন 436A হাপচিনবা, সি.আর.পি.সি.গী ‘প্লি বার্গেনিং’দা অনৌবা চেপ্তর XXIA হাপচিনবনচিংবা কয়া য়াওরি। লিগেল সর্ভিসেস ওথোরিতীগী খুত্থাংদা লাইরবা ফাদোকমীশিংদা তোঙান-তোঙানবা থাকশিংদা লিগেলগী তেংবাং লেম্না পীরি।
মখা তাবা ওইনা, বজেতকী কান্নবশিংনা ঐখোয়না য়ৌহন্নিংলিবা খুন্নাইগী কাঙলুপ খুদিংদা শোইদনা য়ৌহন্নবগীদমক্তা বজেত অসিগী প্রাইওরিতীশিংগী মনুংদা অমা ওইরিবা ‘সপ্তারিশি’শিংবু লমজিংবা হায়রিবা থৌওং অসিনা লাস্ত মাইলদা য়ৌরি, মসিগী মখাদা লাউথোকখিবা ৱারোল অমদি ‘লাইরবা ফাদোকমীগী তেংবাং’ হায়বসিনি। মসিগী মনুংদা ফাদোকশঙদা লৈরিবা অমসুং পেনালতী অমদি বেলগী শেনফম পুথোকপা ঙমজদবা লাইরবা মীওইগী মফমদা শেলগী তেংবাংবা পীবগী খুদোংচাবা য়াওরি। মহৈ-মশিং হৈতবগা লোয়ননা শেন্থোক নেম্বা খুন্নাইগী থাক্তা খুদোংচাবা অমত্তা ফংজদবা নত্ত্রগা তোখাইনা তারবা কাঙলুপকী মনুংদা চনবা ফাদোকমীশিংবু মসিনা ফাদোকশঙদগী থোকপা ঙমহনগনি।
স্কিম অসিগী মখাদা লৈরিবা পাক চাউবা ৱাফমশিং অসি মরী লৈনবা স্তেকহোলদরশিংগা খন্নদুনা ৱারেপ তাবনি অমসুং মসিগী মখা পোন্না শেল লৈতবনা মরম ওইরগা ফাইন পীবগী ঙমদবদগী বেল ফংবা ঙমদবা নত্ত্রগা ফাদোকশঙদগী থোকপা ঙমদবা লাইরবা ফাদোকমীশিংদা তেংবাং পীনবগীদমক্তা ভারত সরকারনা রাজ্যশিংদা শেলগী তেংবাং পীগনি।
থৌওংশিং অসিদা অহেনবা মপাঙ্গল হাপ্নবগীদমক্তা তেক্নোলোজী শিজিন্নবা ৱারোইশিন কয়া লাইরবা ফাদোকমীশিংদা কান্নবশিং অসি ফংহন্নবগীদমক্তা লৈগনি; ই-প্রিজনর প্লেতফোর্মগী মপাঙ্গল হেনগৎহন্নবা শেমজিনগনি; দিস্ত্রিক্ত লিগেল সর্ভিসেস ওথোরিতীগী মপাঙ্গল হেনগৎহনগনি অমসুং লাইরবা ফাদোকমীশিংদা ক্বালিতী লৈবা লিগেলগী তেংবাং শোইদনা য়ৌহন্নবগীদমক্তা স্তেকহোলদরশিংবু মরী লৈনবা মতাংদা খঙহনবা অমসুং মখোয়গী কেপাসিতী বিলদিং পাংথোকপগী থবকশিং পাংথোক্কনি।
ফাদোকমীশিং অসি ক্রিমিনেল জস্তিস সীস্তেমগী মরু ওইবা শরুক অমনি, অমসুং আইনগী কাঙলোনশিং ঙাকপদা মশক থোকপা থৌদাং য়ারি। মতম মতমগী ওইনা ফোঙবা তোঙান-তোঙানবা এদভাইজরী কয়াগী খুত্থাংদা গৃহ মন্ত্রালয়না রাজ্য সরকারশিংদা মরু ওইবা লমজিং লমতাক কয়া পীরি। কৈশুমশঙশিংগী সেক্যুরিতী ইনফ্রাস্ত্রকচর ফগৎহন্নবা অমসুং মতমগা চুনহন্নবা শেলগী তেংবাং কয়াসু এম.ঐচ.এ.না রাজ্য সরকারগী মফমদা পীরি।
*****
(Release ID: 1914729)
Visitor Counter : 128