नवी दिल्‍ली, 6 एप्रिल 2023

जपानचे आंतरराष्ट्रीय घडामोडींचे संरक्षण उपमंत्री ओका मासामी यांनी 06 एप्रिल 2023 रोजी नवी दिल्ली इथे संरक्षण मंत्री राजनाथ सिंह यांची भेट घेतली. बैठकीदरम्यान, ओका मासामी यांनी संरक्षण मंत्री राजनाथ सिंह यांना, 05 एप्रिल, 2023 रोजी नवी दिल्ली इथे संरक्षण सचिव गिरीधर अरमाने यांच्या सह-अध्यक्षतेखाली झालेल्या सातव्या संरक्षण धोरण संवादा मधील चर्चेची माहिती दिली. भारता बरोबर संरक्षण उपकरणे आणि तंत्रज्ञान विषयक सहकार्यासह द्विपक्षीय सहकार्य आणखी पुढे न्यायला जपान उत्सुक असल्याचा मासामी यांनी पुनरुच्चार केला. 

भारत, जपान बरोबर मुक्त, खुल्या, सुरक्षित आणि नियमाधारित प्रशांत महासागर क्षेत्राचा दृष्टीकोन सामाईक करत असल्याचे संरक्षण मंत्री राजनाथ सिंह यांनी यावेळी सांगितले आणि दोन्ही देशांनी आपल्या द्विपक्षीय सहकार्याची व्याप्ती वाढवत राहायला हवी, यावर त्यांनी भर दिला.

ओका यांच्या बरोबर जपानचे भारतातील राजदूत सुझुकी हिरोशी हे देखील होते. जपान बरोबर संरक्षण क्षेत्रातले द्विपक्षीय संबंध मजबूत करण्यासाठी कणखर आणि सकारात्मक नेतृत्वाद्वारे दिलेल्या प्रोत्साहनाबद्दल सुझुई हिरोशी यांनी संरक्षण मंत्री राजनाथ सिंह यांचे आभार मानले. संरक्षण सचिव गिरीधर अरमाने देखील यावेळी उपस्थित होते. 

* * *

S.Patil/R.Agashe/D.Rane

सोशल मिडियावर आम्हाला फॉलो करा:@PIBMumbai    /PIBMumbai    /pibmumbai  pibmumbai[at]gmail[dot]com  /PIBMumbai    /pibmumbai