27 રાજ્યોમાં કુલ 269 જિલ્લાઓએ લક્ષિત જાહેર વિતરણ પ્રણાલી (TPDS) હેઠળ ફોર્ટિફાઇડ ચોખાનું વિતરણ શરૂ કર્યું છે, ચોખા ફોર્ટિફિકેશન પ્રોગ્રામમાં માર્ચ 2023 સુધીમાં બીજા તબક્કા માટે 100% લક્ષ્યાંક હાંસલ કર્યો છે, શ્રી સંજીવ ચોપરા, અન્ન અને જાહેર વિતરણ સચિવ વિભાગ દ્વારા આ માહિતી આજે અહીં પત્રકારોને સંબોધતા આપવામાં હતી.

તેમણે ઉમેર્યું હતું કે PDS વિતરણ માટે લક્ષિત 27 રાજ્યો/કેન્દ્રશાસિત પ્રદેશો દ્વારા બીજા તબક્કામાં લગભગ 105 LMT ફોર્ટિફાઇડ ચોખા ઉપાડવામાં આવ્યા હતા. વધુમાં, બીજા તબક્કામાં ICDS અને PM POSHAN હેઠળ રાજ્યો/કેન્દ્રશાસિત પ્રદેશો દ્વારા લગભગ 29 LMT ઉપાડવામાં આવ્યા હતા, જેનાથી નાણાકીય વર્ષ 2022-23માં કુલ 134 LMT ફોર્ટિફાઇડ ચોખા ઉપાડવામાં આવ્યા હતા. હવે ત્રીજા તબક્કા હેઠળ, વિભાગ માર્ચ 2024ની લક્ષિત તારીખ પહેલાં ઘઉંનો વપરાશ કરતા જિલ્લાઓને બાદ કરતા બાકીના તમામ જિલ્લાઓનું કવરેજ પૂર્ણ કરવા માટે સજ્જ છે.

તબક્કો-I ICDS અને PM POSHAN ને આવરી લે છે. તે 2021-22 દરમિયાન લાગુ કરવામાં આવ્યું હતું અને લગભગ 17.51 LMT રાજ્યો/કેન્દ્રશાસિત પ્રદેશોમાં વિતરિત કરવામાં આવ્યું હતું.

માનનીય પીએમ દ્વારા 75મા સ્વતંત્રતા દિવસ (15મી ઓગસ્ટ 2021) પર તેમના સંબોધનમાં 2024 સુધીમાં સમગ્ર દેશમાં ભારત સરકારની દરેક સામાજિક સુરક્ષા યોજનામાં ફોર્ટિફાઇડ ચોખાની સપ્લાય કરવાની જાહેરાતને પરિણામે, સતત પ્રગતિ છેલ્લા બે વર્ષ દરમિયાન કરવામાં આવી છે.

દરમિયાન, 13.67 LMTથી 156 LMT સુધીની સંચિત સંમિશ્રણ ક્ષમતામાં 11 ગણા કરતાં વધુ વધારા સાથે ઓગસ્ટ 2021થી માર્ચ 2023 સુધીમાં સંમિશ્રણ માળખાં ધરાવતી ચોખા મિલોની સંખ્યા 2690થી વધીને 18227 થઈ ગઈ છે.

સંચિત વાર્ષિક ફોર્ટિફાઇડ રાઇસ કર્નલ (FRK) ઉત્પાદન ક્ષમતા ઓગસ્ટ 2021માં 0.9 LMT (34 FRK મેન્યુફેક્ચરિંગ)થી 17 LMT (400 થી વધુ FRK ઉત્પાદકો)થી 18 ગણાથી વધુ વધી છે.

FSSAI સૂચિત, ફોર્ટિફિકેટ્સના પરીક્ષણ માટે NABL માન્યતા પ્રાપ્ત લેબ્સ ઓગસ્ટ 2021માં 20થી વધીને 48 થઈ ગઈ છે. FCI અને DCP રાજ્યોની રાજ્ય એજન્સીઓ KMS 2020-21થી ફોર્ટિફાઇડ ચોખાની ખરીદી કરી રહી છે અને લગભગ 217 LMT ફોર્ટિફાઇડ ચોખા હાલમાં 19 માર્ચ 2023 અનુસાર FCI/રાજ્યો પાસે ઉપલબ્ધ છે.

વિભાગે ફોર્ટિફાઇડ ચોખા/FRKના ઉત્પાદન અને વિતરણ પર ગુણવત્તા ખાતરી (QA) અને ગુણવત્તા નિયંત્રણ (QC) પ્રોટોકોલના પાલન માટે સ્ટાન્ડર્ડ ઓપરેટિંગ પ્રોસિજર (SoP) પણ વિકસાવી છે.

FSSAI એ ફૂડ ફોર્ટિફિકેશન માટે નિયમનકારી/લાઈસન્સિંગ ઓથોરિટી છે, તેણે FRK, પ્રી-મિક્સ માટે ધોરણોનો મુસદ્દો તૈયાર કર્યો છે અને તમામ હિતધારકોને ડ્રાફ્ટ ધોરણોને તાત્કાલિક અસરથી કાર્યરત કરવા માટે દિશા-નિર્દેશ પ્રદાન કર્યા છે.

FSSAI, નિષ્ણાતો અને વિકાસ ભાગીદારોને સામેલ કરીને IEC ઝુંબેશ દ્વારા ફોર્ટિફાઇડ ચોખાના પોષક લાભો વિશે લોકોને શિક્ષિત કરવા માટે સતત પ્રયાસો કરવામાં આવી રહ્યા છે.

YP/GP/JD

સોશિયલ મીડિયા પર અમને ફોલો કરો :  @PIBAhmedabad    /pibahmedabad1964    /pibahmedabad  pibahmedabad1964[at]gmail[dot]com