সরকারনা ইনোভেসন, স্তার্তঅপ য়োকখৎনবা মপাঙ্গল লৈবা ইকোসীস্তেম অমা শেম্নবা অমসুং লৈবাক্কী স্তার্তঅপ ইকোসীস্তেমদা প্রাইভেত ইনভেস্তমেন্তকী পুক্নিং থৌগৎপগী পান্দমগা লোয়ননা জনুৱারী 16, 2016দা স্তার্তঅপ ইন্দিয়া হৌদোকখি।

ফেব্রুৱারী 19, 2019গী জি.এস.আর. নোতিফিকেসন 127 (ই)দা পীবা ইলিজিবিলিতী কন্দিসনগী মতুং ইন্না, দিপার্তমেন্ত ফোর প্রোমোসন ওফ ইন্দস্ত্রী অমসুং ইন্তর্নেল ত্রেদ (দি.পি.আই.আই.তি.)গী স্তার্তঅপ ইনিসিএতিবকী মখাদা এন্তিতীশিংবু ‘স্তার্তঅপ’ অমনি হায়না শকখঙই। ইং 2016দা স্তার্তঅপ ইন্দিয়া ইনিসিএতিব হেক হৌদোকখিবদগী, দি.পি.আই.আই.তি.না ফেব্রুৱারী 28, 2023 ফাওবদা এন্তিতী 92,683বু স্তার্তঅপ হায়না শকখঙখ্রে।

লৈবাক অসিদা মমাংগী চহি মঙাদা শকখঙখ্রবা স্তার্তঅপশিংগী মশিং অসি মখাদা পীরিঃ

 

 

কারবারশিং অসি অয়াম্বনা মখোয়না চলায়রকপা অখন্নবা চহি খরদা মায় পাকপা নত্ত্রগা পাক্তবগী মতৌনা মখোয়গী চাং ওল্লি, অদুবু স্তার্তঅপ অমসুং স্কেল-অপ (নিংথীনা মরা তারবা স্তার্তঅপ) অসিদি অখন্নবা তাঙ্কক অমগী মায় পাকপা নত্ত্রগা পাক্তবনা য়াম্না হেন্না চুম্না চাং ওল্লি অমসুং অনৌবা কারবার মখল অমসুং মখোয়গী মায় পাক্তবগী চাংগুম্বা ৱাফম খুদিং মনুং চনবা স্তেতিস্তিক্স অমা খোমজিনবা হায়বসি অরুবা অমা ওইহল্লি। মরম অদুনা, স্তার্তঅপ অমগী মায় পাকপা নত্ত্রগা পাক্তবগা মরী লৈনবা ই-পাউ অমত্তা সরকারনা থমদে।

স্তার্তঅপ ইন্দিয়া ইনিসিএতিব অসিদি লৈবাক অসিদা সস্তেনেবল ইকোনোমিক গ্রোথ লৈহন্নবা অমসুং পাক চাউনা থবক পীবা ঙম্বগী খুদোংচাবা লৈহন্নবা ইনোভেসন অমসুং স্তার্তঅপ শেমগৎনবা মপাঙ্গল লৈবা ইকোসীস্তেম অমা শেম্বগী পান্দম থমদুনা জনুৱারী 16, 2016দা হৌদোকখিবনি। স্তার্তঅপ ইন্দিয়াগী মখাদা লৈবাক অসিদা স্তার্তঅপশিংবু পুক্নিং থৌগৎনবগীদমক্তা সরকারনা পায়খৎখিবা তোঙান-তোঙানবা প্রোগ্রামশিং মখাদা পীরিঃ  

স্তার্তঅপ ইন্দিয়াগী মখাদা পায়খৎপা প্রোগ্রামশিং

স্তার্তঅপ ইন্দিয়া ইনিসিএতিবকী মখাদা লৈবাক শিনবা থুংবদা স্তার্তঅপশিংবু পুক্নিং থৌগৎনবগীদমক্তা সরকারনা পায়খৎখিবা তোঙান-তোঙানবা প্রোগ্রামশিংগী অকুপ্পা মরোল মখাদা পীরিঃ

স্তার্তঅপ ইন্দিয়া এক্সন প্লান: স্তার্তঅপ ইন্দিয়াগী এক্সন প্লান অসি জনুৱারী 16, 2016তা লাউথোকখি। এক্সন প্লান অসিদা “লাইথোকহনবা অমসুং খুৎ পায়দুনা লমজিংবা”, “শেলগী তেংবাং অমসুং ইন্সেন্তিব” অমসুং “ইন্দস্ত্রী-একাদমিয়া পার্ত্নরশিপ অমসুং ইনক্যুবেসন”গুম্বা লমশিং কোনবা এক্সন আইতেম 19 য়াওরি। এক্সন প্লান অসিনা লৈবাক অসিদা মতিক লৈবা স্তার্তঅপ ইকোসীস্তেম অমা শেমগৎনবা মিৎয়েং থম্বা সরকারগী তেংবাং, স্কিম অমসুং ইন্সেন্তিবশিংগী ফম্বাক শেম্লি।

ফন্দ ওফ ফন্দ ফোর স্তার্তঅপ (এফ.এফ.এস.) স্কিম: সরকারনা স্তার্তঅপশিংদা শেল থাদবগী তঙাই ফদবশিং থেংনবা ঙম্নবগীদমক্তা লুপা করোর 10,000গী কোর্পসকা লোয়ননা এফ.এফ.এস. শেমগৎখি। দি.পি.আই.আই.তি.না মসিগী মোনিতরিং এজেন্সী ওইরি অমসুং স্মোল ইন্দস্ত্রীজ দিভেলপমেন্ত বেঙ্ক ওফ ইন্দিয়া (এস.আই.দি.বি.আই.)না এফ.এফ.এস.কী ওপরেতিং এজেন্সী ওইরি। অপুনবা লুপা করোর 10,000গী কোর্পস অসি স্কিমগী প্রোগ্রেস অমসুং ফন্দ লৈবগী মতুং ইন্না 14 অমসুং 15শুবা ফাইনান্স কম্মিসনগী সাইকলদা পীগনি হায়বগী পান্দম থম্মি। মসিনা স্তার্তঅপশিংগী আর্লী স্তেজ, সীদ স্তেজ অমসুং গ্রোথ স্তেজতা শেল্লেপ পীবতা নত্তনা দোমেস্তিক কেপিতেল শাগৎপা, ফোরেন কেপিতেলদা মখা পোনবা হন্থহনবা অমসুং লৈবাক অসিদা শেমজবা অমসুং অনৌবা ভেঞ্চর কেপিতেল ফন্দশিংবু পুক্নিং থৌগৎপদা কান্নবা থৌদাং অমসু লৌই।

ক্রেদিত গেরেন্তী স্কিম ফোর স্তার্তঅপ (সি.জি.এস.এস.): এস.ই.বি.আই.দা রেজিস্তর তৌরবা অলতর্নেতিব ইনভেস্তমেন্ত ফন্দগী মখাদা সেদ্যুল কম্মর্সিএল বেঙ্ক, নন-বেঙ্কিং ফাইনেন্সিএল কম্পেনী (এন.বি.এফ.সি.) অমসুং ভেঞ্চর দেত ফন্দ (ভি.দি.এফ.)না দি.পি.আই.আই.তি.না শকখঙলবা স্তার্তঅপশিংদা পীরিবা লোনশিংগী ক্রেদিত গেরেন্তী পীনবগীদমক্তা সরকারনা ক্রেদিত গেরেন্তী স্কিম ফোর স্তার্তঅপ হৌদোকখি। মতিক চারবা বোরোৱরশিং, হায়বদি, দি.পি.আই.আই.তি.না শকখঙলবা স্তার্তঅপশিংদা ফাইনান্স তৌনবগীদমক্তা মেম্বর ইন্সতিত্যুসন (এম.আই.)শিংনা পীরিবা লোনগী মাইয়োক্তা অখন্নবা লিমিত ফাওবগী ক্রেদিত গেরেন্তী পীবা হায়বসি সি.জি.এস.এস.কী পান্দম্নি।

রেগ্যুলেতরী রিফোর্ম: স্তার্তঅপ ইকোসীস্তেম্না কারবার তৌবদা হেন্না নুংঙাইহনবা, কেপিতেল শাগৎপদা হেন্না নুংঙাইহনবা অমসুং কমপ্লাইএন্সকী পোৎলুম হন্থহন্নবগীদমক্তা সরকারনা ইং 2016দগী হৌনা রেগ্যুলেতরী রিফোর্ম 50 হেন্না পাংথোকখ্রে।

প্রোক্যুর্মেন্ত তৌবদা লাইহনবা: প্রোক্যুর্মেন্ত তৌবা হেন্না লাইথোকহন্নবগীদমক্তা, দি.পি.আই.আই.তি.না শকখঙলবা স্তার্তঅপশিংনা মখোয়গী ক্বালিতী অমসুং তেক্নিকেলগী হীরমশিং য়ৌবা ঙম্নবগীদমক্তা পব্লিক প্রোক্যুর্মেন্তকী তর্নওভর অমসুং এক্সপেরিএন্স লৈগদবনি হায়বা কন্দিসনশিং কোমথোকহন্নবা কেন্দ্রগী মন্ত্রালয়/বিভাগশিংদা য়াথং পীখ্রে। মখা তারকপা ওইনা, গবর্নমেন্ত ই-মার্কেতপ্লেস (জি.ই.এম.) স্তার্তঅপ রনৱে অমা শেমখ্রে, মসিনা স্তার্তঅপশিংনা মখোয়গী পোত্থোক অমসুং সেবাশিং সরকারদা হকথেংননা য়োনবগী দেদিকেতেদ কোর্নর ওইগনি।   

ইন্তেল্লেকচুএল প্রোপর্তী প্রোতেক্সন তৌবদা তেংবাংবা: স্তার্তঅপশিং অসি ফাস্ত ত্রেক পেতেন্ত এপ্লিকেসন একজামিনেসন অমসুং দিস্পোজেলগীদমক্তা মতিক চাই। স্তার্তঅপশিংনা স্তেতরী ফী খক্তকমক থীরগা চুনবা আই.পি. ওফিসশিংদা রেজিস্তর তৌরবা ফেসিলিতেতরশিংগী খুত্থাংদা পেতেন্ত, দিজাইন অসুং ত্রেদমার্কীদমক্তা এপ্লিকেসন থাবা য়াহনবা স্তার্তঅপ ইন্তেলেকচুএল প্রোপর্তী প্রোতেক্সন (এস.আই.পি.পি.) সরকারনা হৌদোকখি। স্কিম অসিগী মখাদা লৈবা ফেসিলিতেতরশিংনা তোঙান-তোঙানবা আই.পি.আর., অসুং অতোপ্পা লৈবাকশিংদা আই.পি.আর. ঙাক-শেনবগী ই-পাউ অমসুং জেনেরেল এদভাইজরী পীবগী থৌদাং লৌগনি। পেতেন্ত, ত্রেদমার্ক অমসুং দিজাইন মশিং অমা হেক্তগী ফেসিলিতেতরশিংগী অপুনবা ফী সরকারনা পুথোক্কনি অমসুং স্তার্তপশিংনা তঙাই ফদবা স্তেতরী ফী খক্তমক পুথোক্কনি। স্তার্তঅপশিংনা অতোপ্পা কম্পেনীগী খুত্থাংদা পেতেন্ত ফাইল তৌবা মতমদা 80% অমসুং ত্রেদমার্ক ফাইল তৌবা মতমদনা 50% রিবেত পীগনি।

লেবর অমসুং ইনভাইরনমেন্তেল লোশিংগী মখাদা সেল্ফ সর্তিফিকেসন তৌবা: ইনকোর্পোরেত তৌবা তাংদগী চহি 3দগী 5 ফাওবদি স্তার্তঅপশিংনা লেবর লো 9 অমসুং ইনভাইরনমেন্ত লো 3গী মখাদা মশাগী কমপ্লাইএন্সশিংবু সেল্ফ সর্তিফাই তৌবা য়াহল্লি।

চহি 3 ইনকম তেক্সতগী কোম্থোকপা: এপ্রিল 1, 2016দা নত্ত্রগা মমাংদা ইনকোর্পোরেত তৌবা স্তার্ৎঅপশিং অসি তেক্সতগী কোম্থোক্নবা থাবা য়াই। ইন্তর-মিনিস্তরিএল বোর্দ সর্তিফিকেত ফংলবা শকখঙলবা স্তার্তঅপশিং অসি ইনকোর্পোরেত তৌখিবদগী চহি 10গী মনুংদগী থংন-থংনবা চহি 3দি ইনকম তেক্সতগী কোম্থোকই।

ভারত স্তার্তঅপশিংদা ইন্তর্নেস্নেল মার্কেত এক্সেস ফংহনবা: স্তার্তঅপ ইন্দিয়া ইন্দিসিএতিবকী মখাদা লৈবা খ্বাইদগী মরু ওইবা পান্দম অমদি ভারতকী স্তার্তঅপ ইকোসীস্তেমগা মালেমগী স্তারতঅপ ইকোসীস্তেমগা তোঙান-তোঙানবা মোদেলশিংগী খুত্থাংদা শম্নহনবনি। থৌওং অসি মালেমগী সরকারদগী সরকারগী পার্ত্নরশিপ, মালেমগী ফোরম অমসুং মালেমগী থৌরম য়ুম্বু ওইদুনা পাংথোকই। স্তার্তঅপ ইন্দিয়ানা পার্ত্নর লৈবাক্কী স্তার্তঅপশিংদা সোফ লেন্দিং প্লেতফোর্ম পীবা অমসুং ক্রোস কোলাবোরেসন তৌবদা তেংবাং পীবা থোং কয়া অমা লৈবাক 15গা লোয়ননা হৌদোকখ্রে।

স্তার্তঅপশিংগী অথুবা এগজিত: স্তার্তঅপশিংবু ‘ফাস্ত ত্রেক ফর্ম’ হায়না স্তার্তঅপশিংবু লাউথোকখ্রে অমসুং মসিনা অতোপ্পা কম্পেনীশিংগী নুমিৎ 180গা চাংদম্নবদা মখোয়না নুমিৎ 90গী মনুংদা থবক লোইশিনবা য়াহনগনি।

স্তার্তঅপ ইন্দিয়া হব: ভারত সরকারনা জুন 19, 2017দা স্তার্তঅপ ইন্দিয়া ওনলাইন হব হৌদোকখি, মসিদি ভারতকী ওন্তোপ্রিন্যুরিএল ইকোসীস্তেমগী স্তেকহোলদর খুদিংমক্না অমনা অমবু থীদোকপা অমসুং মরী শেমগৎপা য়াহনবা অমত্তা ঙাইরবা ওনলাইন প্লেতফোর্ম অমা ওইরি। ওনলাইন হব অসিদা স্তার্তঅপ, ইনভেস্তর, ফন্দ, মেন্তর, একাদমিক ইন্সতিত্যুসন, ইনক্যুবেতর, এক্সলরেতর, কোর্পোরেত, সরকারগী বোদী অমসুং অতোপ্পা কয়া য়াওরি।

এক্ত (2019)গী সেক্সন 56কী সব সেক্সন (2)গী ক্লোজ (7)(বি.)গী পর্পজতগী কোমথোকপাঃ দি.পি.আই.আই.তি.না শকখঙলবা স্তার্তশিং অসি ইনকম তেক্স এক্তকী সেক্সন 56 (2) (7)(বি.)দগী কোম্থোকই।

স্তার্তঅপ ইন্দিয়া শোকেজ: স্তার্তঅপ ইন্দিয়া শোকেজ অসি ভর্চুএল প্রোফাইলগী মওংদা উৎপা স্তার্তঅপশিংগী তোঙান-তোঙানবা প্রোগ্রামশিংদগী লৈবাক্কী খ্বাইদগী ফবা স্তারতঅপ খন্নবা ওনলাইন দিস্কভরী প্লেতফোর্ম অমনি। মসিদা উৎলিবা স্তার্তঅপশিং অসি মশাগী লমদা খ্বাইদগী অফবা ওইনা থোক্লকখ্রবশিংনি। মসিগুম্বা ইন্নোভেসনশিং অসি অতোপ্পা কয়াগী মনুংদা ফিন্তেক, ইন্তর্প্রাইস্তেক, সোসিএল ইম্পেক্ত, হেল্থতেক, এদতেককুম্বা কতিং-এজ সেক্তর কয়া মনুং চল্লি। স্তার্তঅপশিং অসিনা অরুবা শিংনবা কয়াগী ৱারোইশিন পুরক্লি অমসুং মখোয়গা মরী লৈনবা সেক্তরশিংদা অফবা ইনোভেসন কয়া পাংথোক্লি। ইকোসীস্তেম স্তেকহোলদরশিংনা হায়রিবা স্তার্তঅপশিং অসিবু শৌগত্তুনা তেংবাংলি, প্লাতফোর্ম অসিদা লৈবগী মতিক চারে হায়বা উৎলি।

নেস্নেল স্তার্তঅপ এদভাইজরী কাউন্সিল:

সরকারনা জনুৱারী 2020দা নেস্নেল স্তার্তঅপ এদভাইজরী কাউন্সিল শেম্লে হায়না লাউথোকখি, মখোয়না সস্তেনেবল ওইবা ইকোনোমিক গ্রোথ অমসুং থবক মশিং য়াম্না পীবা ঙমহন্নবগীদমক্তা লৈবাক অসিগী ইন্নোভেসন অমসুং স্তার্তঅপকী মপাঙ্গল লৈবা ইকোসীস্তেম অমা শেম্বদা তঙাই ফদবা খোঙথাংশিংগা মরী লৈনবা পাউতাক কয়া সরকারদা পীগনি। এক্স-ওফিসিও মেম্বরশিংগী মথক্তা, কাউন্সিল অসিদা নন-ওফিসিএল মেম্বর কয়ানা স্তার্তঅপ ইকোসীস্তেমগী তোঙান-তোঙানবা স্তেকহোলদরশিংগী মীহুত শিল্লদুনা য়াওরি।

স্তার্তঅপ ইন্দিয়া – দি ৱে এহেদ: স্তার্তঅপ ইন্দিয়ানা চহি 5 মপুং ফারকপগী নুংঙাইবা ফোংদোকপা ওইনা স্তার্তঅপ ইন্দিয়া – দি ৱে এহেদ অসি জনুৱারী 16, 2021দা হৌদোকখি, মসিগী মনুংদা স্তার্তঅপশিংনা কারবার তৌবদা নুংঙাইহনবা হায়বগী ৱাফম শৌগৎপা, মখল কয়াগী রিফোর্ম পাংথোকপদা তেক্নোলোজীগী থৌদাং হেনগৎপা, স্তেকহোলদরশিংগী কেপাসিতী বিলদিং তৌবা অমসুং দিজিতেল আত্মানির্ভর ভারত অমা লৈহনবগী ৱাফমশিং য়াওরি।

স্তার্তঅপ ইন্দিয়া সীদ ফন্দ স্কিম (এস.আই.এস.এফ.এস.): ইন্তর্প্রাইস অমগী শাহৌ লৌবগী অঙনবা মতমদা ওন্তোপ্রিনরশিংগী মফমদা শেল্লেপ লায়না ফংবা হায়বসি য়াম্না মরু ওই। থাক অসিদা মথৌ তাবা শেল্লেপ অসিনা কারবারগী অফবা ৱাখল্লোন লৈবা স্তার্তঅপশিংবু মখা চত্থবা নত্ত্রগা থবক তোকপগী ফিভম থোকহনবা য়াই। ৱাখল্লোন অমগী খুদম, প্রোতোতাইপ শেম্বা, পোত্থোকশিংগী চাংয়েং, মার্কেত্তা খোঙদাবা অমসুং কম্মর্সিএলাইজেসন তৌবগীদমক্তা স্তার্তঅপশিংদা শেলগী তেংবাং পীবগী পান্দম অসি স্কিম অসিনা থম্লি। এস.আই.এস.এফ.এস. স্কিমগী মখাদা 2021-22দগী হৌদুনা চহি 4গী লুপা করোর 945 কাইথখ্রে।

নেস্নেল স্তার্তঅপ এৱার্দ: নেস্নেল স্তার্তঅপ এৱার্দ অসি ইন্নোভেতিব ওইবা প্রদক্ত শারিবা, ৱারোইশিন পুথোক্লিবা, থবক মশিং য়াম্না পীবা ঙম্বা অচৌবা ইন্তর্প্রাইস শাবা, লন থুম শেগৎপা, খুন্নাইদা শাফু পীবা ঙম্বগী মতৌগা লোয়ননা থবক তৌবা শক্নাইবা স্তার্তঅপ অমসুং ইকোসীস্তেমদা তেংবাংবশিং শকখঙদুনা মনা পীবগী খোঙথাং অমনি। তোঙান-তোঙানবা হীরম, মিং ওইনা পল্লবদা, ইনভেস্তর কন্নেক্ত, মেন্তর্শিপ, কোর্পোরেত কন্নেক্ত, গবর্নমেন্ত কন্নেক্ত, ইন্তর্নেস্নেল মাররেক্ত এক্সেস, রেগ্যুলেতরী সপ্পোর্ত, দুরদর্শন অমসুং স্তার্তঅপ ইন্দিয়া শোকেজ তা স্তার্তঅপ চেম্পিয়ন উৎপগুম্বা হেন্দহোলদিং সপ্পোর্ত অসি ফাইনেলিস্ত খুদিংদা পীগনি।

রাজ্যশিংগী স্তার্তঅপশিং থাক খায়বগী ফ্রেমৱর্ক (এস.আর.এফ.): রাজ্যশিংগী স্তার্তঅপশিং থাক খায়বগী ফ্রেমৱর্ক অসিদি কম্পিতিতিব ফেদেরেলিজমগী মপাঙ্গল লৌবা ঙম্নবা অমসুং লৈবাক অসিদা মায় পাকপা ইকোসীস্তেম অমা শেম্নবগীদমক্তা পাংথোকপা তোপ-তোপ্পা থৌওং অমনি। থাক খায়বগী থবক অসিগী মরু ওইবা পান্দমদি রাজ্যশিংদা অফবা থৌওংশিং মশক খঙদোকপা, মসিনা মহুৎ শিঞ্জিনবা, স্তার্তঅপশিংবু শৌগৎনবগীদমক্তা পায়খৎলিবা পোলিসী অমসুং রাজ্যশিংগী মরক্তা চাংয়েংনবগী ইথিল লৈহনবদা তেংবাংবনি।

দুরদর্শন্দা উৎপা স্তার্তঅপ চেম্পিয়ম: দুরদর্শন্দা শন্দোকপা স্তার্তঅপ চেম্পিয়ন প্রোগ্রাম অসিদি মনা ফংলবা/লৈবাক্না শকখঙলবা স্তার্তঅপশিংগী ৱারী উৎপা পুং অমমমগী চয়োলগী প্রোগ্রাম অমনি। মসিদি দুরদর্শনগী নেতৱর্ক চেনেলশিংদা হিন্দি অমসুং ইংলিশ্তা শন্দোকই।

স্তার্তঅপ ইন্দিয়া ইন্নোভেসন ৱিক: সরকারনা নেস্নেল স্তার্তঅপ দে, হায়বদি জনুৱারী 16গী অনকপা মতমদা স্তার্তঅপ ইন্দিয়া ইন্নোভেসন ৱিক পাংথোকই। মসিগী মরু ওইবা পান্দমদি লৈবাক্কী মরু ওইবা স্তার্তঅপ, ওন্তোপ্রিনর, ইনবেস্তর, ইনক্যুবেতর, ফন্দিং এন্তাইতী, বেঙ্ক, পোলিসী শেম্বশিং অমসুং লৈবাক/মালেমগী অতোপ্পা স্তেকহোলদরশিংবু ওন্তোপ্রিনরশিপ চাউখৎহন্নবা অমসুং ইন্নোভেসন পুক্নিং থৌগৎনবা অমত্তা ওইনা পুনশিনবনি।

সরকারনা পায়খৎপা খোংথাংশিং অসি রাজ্য, শহর, শহর মচা অমসুং খুঙ্গংগী মফমশিংদা পাংথোকই। মসিদা নত্তনা অৱাং নোংপোক্কী রাজ্যশিংদা ওন্তোপ্রিনর শেমগৎনবা অতোপ্পা থবক কয়া অমসু সরকারনা পাংথোকই। মসিগুম্বা খোঙথাং খরা মখাদা পীরিঃ

অৱাং নোংপোক রাজ্যশিংগীদমক্তা সরকারনা অন্তোপ্রিনর্শিপ পুক্নিং থৌগৎনবা থবকশিং মখাদা পীরিঃ

 

1. এ.এস.সি.ই.এন.দি. স্তার্তঅপ ৱর্কশোপ সেরিজ অমসুং ৱিমেন ফোর স্তার্তঅপ ৱর্কশোপ: সরকারনা এ.এস.সি.ই.এন.দি. (এক্সেলরেতিং স্তার্তঅপ কেলিবর অমসুং ওন্তোপ্রিন্যুরেল দ্রাইব) অসি অৱাং নোংপোক লমদমগী ওন্তোপ্রিনর, ওন্তোপ্রিনর ওইবা পাম্বা অমসুং মহীরোইশিংগীদমক্তা পাংথোক্লি। মসিনা লমদম অসিগী নুপীশিংদা অহেনবা মিৎয়েং চঙবা থবক্সু পাংথোকই। ৱর্কশোপ অসি নবেম্বর অমসুং দিসেম্বর 2022দা মনিপুর, অসম, মেঘালয়, মিজোরম, অরুনাচল প্রদেশ, নাগালেন্দ, সিক্কিম অমসুং ত্রিপুরাদা পাংথোকখি। মসিদা ইকোসীস্তেম স্তেকহোলদর 11,000 হেনবনা শরুক য়াখি।
2. নোর্থ ইস্ত রিজন ওন্তোপ্রিনরশিপ অমসুং স্তার্তঅপ সম্মিত (এন.ই.আই.ই.এস.): স্কিল দিভেলপমেন্ত অমসুং ওন্তোপ্রিনরশিপ মন্ত্রালয়না অৱাং নোংপোক লমদম (এন.ই.আর.)গী আশা লৈবা স্তার্তঅপ অমসুং ওন্তোপ্রিনর ওইবা পাম্বা মীওইশিংগী মফমদা প্লেতফোর্ম পীনবগীদমক্তা নোর্থ ইস্ত রিজন ওন্তোপ্রিনরশিপ অমসুং স্তার্তঅপ সম্মিত (এন.ই.আই.ই.এস.) অমা পাংথোকখি। সম্মিত অসিগী পান্দমদি এন.ই.আর.গী মীওইশিংদা ওন্তোপ্রিনরশিপকী ৱাখল্লোন চেলহনবা অমসুং মখোয়গী ব্যুজিনেস আইদিয়া ফোংদোক্নবা প্লেতফোর্ম পীদুনা স্তার্তঅপ ওন্তোপ্রিনরশিংদা পুক্নিং থৌগৎপনি অমসুং মখোয়না থেংনবা শিংনবা কয়াগী ৱারোইশিন পুরকপা হায়বসিসু মসিগী পান্দম অমা ওইরি।
3. লৌশিং লান্নবগী ৱর্কশোপ: দি.পি.আই.আই.তি.না রাজ্য অমসুং য়ু.তি.শিংগী মরক্তা অফবা থৌওং লান্ননবা অমসুং অমনা অমগী মফমদগী তমজনবা লৌশিং লান্নবগী ৱর্কশোপ কয়া পাংথোক্তুনা লাক্লি।
4. স্তার্তঅপ ইন্দিয়া য়াত্রা ইনিসিএতিব: ইনিসিএতিব অসি 2017দা রাজ্য শিনবা থুংবগী মেত্রো অমসুং নন-মেত্রো মফমশিংদা ওন্তোপ্রিনরশিপ পুক্নিং থৌগৎনবগীদমক্তা হৌদোকখি। প্রোগ্রাম অসিগী মখাদা, গ্রাসরুত স্তার্তঅপ এস্পিরেন্তশিংদা ইনক্যুবেসন, মেন্তর্শিপ অমসুং ফন্দিং সপ্পোর্ত পীখি। প্রোগ্রাম অসিগী শরুক অমা ওইনা, রাজ্যশিংগী তাইয়র 2 অমসুং 3গী জিলাশিংদা মসিদা শরুক য়াবশিংনা মশাগী ৱাখল্লোন পিৎচ তৌনবা বুতকেম্পসু শীন লাঙখি। মনিপুর, অসম, ত্রিপুরা, অরুনাচল প্রদেশ, মেঘালয়, মিজোরম অমসুং নাগালেন্দদা বুতকেম্প পাংথোকখি। রাজ্য 7 অসিগী জিলা 44দগী মীওই 6600 হেনবদা য়ৌবা ঙমখি। লুপা লাখ 20.1গী শেনফমগা লোয়ননা ইনক্যুবেসন ওফর 179 লান্থোকখি।
5. ৱিং: দি.পি.আই.আই.তি.গী ৱিং প্রোগ্রামগী শরুক অমা ওইনা, হৌজিক লৈরিবা অমসুং ওন্তোপ্রিনর ওইবা পাম্বী নুপীশিংগী কেপাসিতী দিভেলপমেন্ত প্রোগ্রাম অমা অসমগী গুৱাহাতীদা পাংথোকখি অমসুং মসিদা মীওই 45না শরুক য়াখি। নাগালেন্দগী কোহিমাদা পাংথোকপা থৌরমদনা মীওই 114না পেরেলেল ৱর্কশোপ অনিদা শরুক য়াখি। মখোয়শিংগী মফমদা মখাগী হীরমশিংগী মতাঙ্গা তাকখিঃ
   1. ভেঞ্চর আইদিএসন অমসুং ব্যুজিনেস মোদেল ভেলিদেসন
   2. গবর্নেন্সঃ লিগেল/কমপ্লাইএন্স
   3. মার্কেত্তিং/ব্রান্দিং: ক্রিএতিং দিফরেন্সিএল
   4. ফাইনান্স অমসুং ফাইনেন্সিএল দিসিসন
   5. কস্তমর এক্বিজেসন স্ত্রেতজী অমসুং স্কেলিং অপ মাস্তর তৌবা
5. নিংতম্বগী অমৃত মহোতসব (মেঘালয় অমসুং অসমদা স্তার্তঅপ সেনিস্তাইজেসন ত্রেনিং পাংথোকপা)

মাইকৈ অসিদা সরকারনা লেপ্তনা পায়খৎপা খোঙথাং কয়ানা মরম ওইরগা, অৱাং নোংপোক লমদমগী অরুনাচল প্রদেশ, অসম, মনিপুর, মেঘালয়, মিজোরম, নাগালেন্দ, সিক্কিম অমসুং ত্রিপুরাগী রাজ্যশিংদা লৈরম্বা স্তার্তঅপ মশিং অসি ফেব্রুৱারী 28, 2023 ফাওবদা 1110 ওইরে, হায়রিবা মশিং অসি 2016দা শুপ্নগী 10 ওইরম্বনি।

ই-পাউ অসি কম্মর্স অমসুং ইন্দস্ত্রীগী কেন্দ্রগী রাজ্য মন্ত্রী, শ্রী সোম পরকাশনা ঙসি লোক সভাদা অইবা পাউখুম ওইনা পীখিবনি।

***

(Release ID: 1914221) Visitor Counter : 162