ਕਿਰਤ ਤੇ ਰੋਜ਼ਗਾਰ ਮੰਤਰਾਲਾ
ਸ਼੍ਰੀ ਭੂਪੇਂਦਰ ਯਾਦਵ ਨੇ ਈਪੀਐੱਫਓ ਮੈਂਬਰਾਂ ਲਈ ਈ-ਪਾਸਬੁੱਕ ਲਾਂਚ ਕੀਤੀ, ਈਪੀਐੱਫਓ ਦੇ 63 ਖੇਤਰੀ ਦਫਤਰਾਂ ਵਿੱਚ ਬਾਲਵਾੜੀ ਸਹੂਲਤ ਦਾ ਉਦਘਾਟਨ ਕੀਤਾ
Posted On:
28 MAR 2023 8:15PM by PIB Chandigarh
ਕੇਂਦਰੀ ਕਿਰਤ ਅਤੇ ਰੋਜ਼ਗਾਰ ਮੰਤਰੀ ਸ਼੍ਰੀ ਭੂਪੇਂਦਰ ਯਾਦਵ ਨੇ ਅੱਜ ਈਪੀਐੱਫਓ ਮੈਂਬਰਾਂ ਦੇ ਲਾਭ ਅਤੇ ਸਹੂਲਤ ਲਈ ਈ-ਪਾਸਬੁੱਕ ਲਾਂਚ ਕੀਤੀ, ਤਾਂ ਜੋ ਉਹ ਗ੍ਰਾਫਿਕਲ ਮਾਧਿਅਮ ਨਾਲ ਆਪਣੇ ਖਾਤਿਆਂ ਦੇ ਹੋਰ ਵੇਰਵੇ ਦੇਖ ਸਕਣ। ਸ਼੍ਰੀ ਯਾਦਵ ਨੇ ਈਪੀਐੱਫਓ ਦੇ 63 ਖੇਤਰੀ ਦਫਤਰਾਂ ਵਿੱਚ ਬਾਲਵਾੜੀ ਸਹੂਲਤ ਦਾ ਉਦਘਾਟਨ ਕੀਤਾ, ਜਿੱਥੇ 100 ਜਾਂ ਇਸ ਤੋਂ ਵੱਧ ਕਰਮਚਾਰੀ ਕੰਮ ਕਰ ਰਹੇ ਹਨ ਅਤੇ ਖੇਤਰੀ ਦਫਤਰ ਪ੍ਰਯਾਗਰਾਜ, ਉੱਤਰ ਪ੍ਰਦੇਸ਼ ਦੇ ਦਫਤਰ ਦੀ ਇਮਾਰਤ ਦਾ ਨੀਂਹ ਪੱਥਰ ਰੱਖਿਆ। ਕੇਂਦਰੀ ਮੰਤਰੀ ਵੱਲੋਂ ਖੇਤਰੀ ਦਫ਼ਤਰ ਕੇਓਂਝਾਰ, ਓਡੀਸ਼ਾ ਦੇ ਦਫ਼ਤਰ ਦੀ ਇਮਾਰਤ ਦਾ ਵੀ ਉਦਘਾਟਨ ਕੀਤਾ ਗਿਆ।
ਇਸ ਤੋਂ ਪਹਿਲਾਂ ਈਪੀਐੱਫ ਦੇ ਸੈਂਟਰਲ ਬੋਰਡ ਆਫ ਟਰੱਸਟੀਜ਼ ਦੀ 233ਵੀਂ ਮੀਟਿੰਗ ਹੋਈ ਜਿਸ ਦੌਰਾਨ ਹੇਠ ਲਿਖੇ ਫੈਸਲੇ ਲਏ ਗਏ:
-
ਬੋਰਡ ਨੇ ਈਪੀਐੱਫਓ ਵਲੋਂ ਸੰਚਾਲਿਤ ਯੋਜਨਾਵਾਂ ਲਈ ਸਾਲ 2022-23 ਲਈ ਸੋਧੇ ਅਨੁਮਾਨਾਂ ਅਤੇ ਸਾਲ 2023-24 ਲਈ ਬਜਟ ਅਨੁਮਾਨਾਂ ਨੂੰ ਮਨਜ਼ੂਰੀ ਦਿੱਤੀ।
-
ਬੋਰਡ ਨੇ ਈਪੀਐੱਫਓ ਦੇ ਭੌਤਿਕ ਬੁਨਿਆਦੀ ਢਾਂਚੇ ਨੂੰ ਵਧਾਉਣ ਲਈ ਪੰਜ ਸਾਲਾ ਦ੍ਰਿਸ਼ਟੀਕੋਣ ਯੋਜਨਾ ਨੂੰ ਮਨਜ਼ੂਰੀ ਦੇ ਦਿੱਤੀ ਹੈ, ਜਿਸ ਵਿੱਚ ਜ਼ਮੀਨ ਦੀ ਖਰੀਦ, ਇਮਾਰਤ ਦੀ ਉਸਾਰੀ ਅਤੇ ਵਿਸ਼ੇਸ਼ ਮੁਰੰਮਤ ਸ਼ਾਮਲ ਹੈ, ਜਿਸ ਵਿੱਚ 2200 ਕਰੋੜ ਰੁਪਏ ਦੀ ਲਾਗਤ ਸ਼ਾਮਲ ਹੈ।
-
ਬੋਰਡ ਨੂੰ ਵੱਧ ਤਨਖ਼ਾਹਾਂ 'ਤੇ ਪੈਨਸ਼ਨ ਬਾਰੇ ਸੁਪਰੀਮ ਕੋਰਟ ਦੇ ਫੈਸਲੇ ਦੀ ਪਾਲਣਾ ਲਈ ਕੀਤੀਆਂ ਗਈਆਂ ਕਾਰਵਾਈਆਂ ਅਤੇ ਵਿਕਲਪਾਂ ਆਦਿ ਦਾਇਰ ਕਰਨ ਦੀ ਸਹੂਲਤ ਲਈ ਚੁੱਕੇ ਗਏ ਕਦਮਾਂ ਬਾਰੇ ਜਾਣੂ ਕਰਵਾਇਆ ਗਿਆ।
-
ਬੋਰਡ ਨੇ ਈਪੀਐੱਫਓ ਦੀ ਸਥਿਤੀ ਨੂੰ ਅੰਤਰਰਾਸ਼ਟਰੀ ਸਮਾਜਿਕ ਸੁਰੱਖਿਆ ਸੰਘ (ਆਈਐੱਸਐੱਸਏ) ਵਿੱਚ ਐਸੋਸੀਏਟ ਮੈਂਬਰ ਤੋਂ ਐਫੀਲੀਏਟ ਮੈਂਬਰ ਵਿੱਚ ਬਦਲਣ ਦੇ ਪ੍ਰਸਤਾਵ ਨੂੰ ਮਨਜ਼ੂਰੀ ਦੇ ਦਿੱਤੀ ਹੈ, ਜੋ ਕਿ ਈਪੀਐੱਫਓ@2047 ਵਿਜ਼ਨ ਦਸਤਾਵੇਜ਼ ਨਾਲ ਮੇਲ ਖਾਂਦਾ ਹੈ ਅਤੇ ਈਪੀਐੱਫਓ ਨੂੰ ਆਈਐੱਸਐੱਸਏ ਦੇ ਅੰਤਰਰਾਸ਼ਟਰੀ ਸਮਾਜਿਕ ਸੁਰੱਖਿਆ ਪਲੇਟਫਾਰਮ 'ਤੇ ਇੱਕ ਵੱਡੀ ਭੂਮਿਕਾ ਨਿਭਾਉਣ ਦੇ ਯੋਗ ਬਣਾਉਂਦਾ ਹੈ।
-
ਸੀਬੀਟੀ ਨੇ ਵੱਖ-ਵੱਖ ਪ੍ਰੀਖਿਆਵਾਂ ਦੇ ਆਯੋਜਨ ਲਈ ਈਪੀਐੱਫਓ ਅਤੇ ਐੱਨਟੀਏ ਵਿਚਕਾਰ ਹਸਤਾਖਰ ਕੀਤੇ ਗਏ ਐੱਮਓਯੂ ਨੂੰ ਮਨਜ਼ੂਰੀ ਦੇ ਦਿੱਤੀ ਹੈ। ਸਮਾਜਿਕ ਸੁਰੱਖਿਆ ਸਹਾਇਕ ਅਤੇ ਸਟੈਨੋਗ੍ਰਾਫਰ ਦੇ ਕਾਡਰਾਂ ਵਿੱਚ ਸਿੱਧੀ ਭਰਤੀ ਪ੍ਰੀਖਿਆ ਦੇ ਨੋਟੀਫਿਕੇਸ਼ਨ ਰਾਹੀਂ ਐੱਮਓਯੂ ਅਨੁਸਾਰ ਪਹਿਲੀ ਕਾਰਵਾਈ ਸ਼ੁਰੂ ਕੀਤੀ ਗਈ ਹੈ।
-
ਬੋਰਡ ਨੇ ਕਰਮਚਾਰੀ ਭਵਿੱਖ ਫੰਡ (ਅਧਿਕਾਰੀਆਂ ਅਤੇ ਕਰਮਚਾਰੀਆਂ ਦੀਆਂ ਸੇਵਾ ਦੀਆਂ ਸ਼ਰਤਾਂ) ਨਿਯਮ, 2008 ਵਿੱਚ ਸੋਧਾਂ ਦੀ ਸਿਫ਼ਾਰਸ਼ ਕਰਨ ਲਈ ਕਮੇਟੀ ਦੇ ਗਠਨ ਨੂੰ ਮਨਜ਼ੂਰੀ ਦੇ ਦਿੱਤੀ ਹੈ।
-
ਬੋਰਡ ਨੇ ਪੋਰਟਫੋਲੀਓ ਮੈਨੇਜਰਾਂ ਦੇ ਏਐੱਮਸੀ ਦੇ ਵਿਸਤਾਰ ਦੇ ਪ੍ਰਸਤਾਵ ਨੂੰ ਮਨਜ਼ੂਰੀ ਦਿੱਤੀ।
-
ਬੋਰਡ ਨੇ ਈਟੀਐੱਫ ਨਿਵੇਸ਼ਾਂ ਦੀ ਕਮਾਈ ਨੂੰ ਉਸ ਸ਼੍ਰੇਣੀ ਲਈ ਨਿਰਧਾਰਤ ਸੀਮਾ ਦੇ ਅਧੀਨ ਨਿਵੇਸ਼ਾਂ ਦੀ ਕਿਸੇ ਵੀ ਮਨਜ਼ੂਰਸ਼ੁਦਾ ਸ਼੍ਰੇਣੀ ਵਿੱਚ ਨਿਵੇਸ਼ ਕਰਨ ਦੇ ਪ੍ਰਸਤਾਵ ਨੂੰ ਮਨਜ਼ੂਰੀ ਦੇ ਦਿੱਤੀ ਹੈ।
ਈਪੀਐੱਫਓ ਦੀ ਪਹਿਲਕਦਮੀ 'ਨਿਧੀ ਆਪਕੇ ਨਿਕਟ' 2.0 'ਤੇ ਸੀਬੀਟੀ ਦੇ ਸਾਹਮਣੇ ਇੱਕ ਪੇਸ਼ਕਾਰੀ ਦਿੱਤੀ ਗਈ। ਇਹ ਜ਼ਿਲ੍ਹਾ ਆਊਟਰੀਚ ਪ੍ਰੋਗਰਾਮ ਹਰ ਮਹੀਨੇ ਦੀ 27 ਤਰੀਕ ਨੂੰ ਦੇਸ਼ ਭਰ ਵਿੱਚ ਕਰਵਾਇਆ ਜਾ ਰਿਹਾ ਹੈ। ਸੀਬੀਟੀ ਦੇ ਮੈਂਬਰਾਂ ਨੇ ਵਡੋਦਰਾ (ਗੁਜਰਾਤ) ਅਤੇ ਬਕਸਾ (ਅਸਾਮ) ਵਿਖੇ ਜ਼ਿਲ੍ਹਾ ਕੈਂਪਾਂ ਨਾਲ ਲਾਈਵ ਗੱਲਬਾਤ ਕੀਤੀ। ਸ਼੍ਰੀ ਯਾਦਵ ਨੇ 'ਨਿਧੀ ਆਪਕੇ ਨਿਕਟ' 2.0 ਦੇ ਸਫਲ ਆਯੋਜਨ ਲਈ ਸਾਰਿਆਂ ਦੀ ਸ਼ਲਾਘਾ ਕੀਤੀ ਅਤੇ ਵਧਾਈ ਦਿੱਤੀ।
*****
ਐੱਮਜੇਪੀਐੱਸ
(Release ID: 1913829)
Visitor Counter : 93