شمال مشرقی خطے کی ثقافت ،سیاحت اورترقی  کے وزیر جناب جی کشن ریڈی نے  شنگھائی تعاون تنظیم کے رکن ملکوں کے ثقافت کے وزیروں  کے بیسویں  اجلاس کی میزبانی 3 اپریل  2023 کو ویڈیوکانفرنسنگ کے ذریعہ کی۔

قزاخستان ،چین ،کرغستان ، پاکستان ،روس ،تاجکستان اور ازبیکسان کے وزائے  ثقافت نے اس میٹنگ میں شرکت کی ۔ایس سی او کے رکن ملکوں کے وزرائے ثقافت نے ایس سی او رکن ملکوں کی حکومتو ں کے مابین معاہدے کے پس منظر میں   ایس  سی او  فریم ورک کے تحت   ثقافت کے میدان میں تعاون میں اضافے سے متعلق  اپنے نظریات کا اظہار کیا۔ یہ معاہدہ  ثقافت کے میدان میں تعاون کے لئے کیا گیا ہے اور ایس سی او  کے دائرہ کار کے تحت  اس طرح کے دیگر معاہدے بھی کئے گئے ۔

ثقافت کے وزیر جناب جی کشن ریڈی نے اپنی افتتاحی تقریر  میں ایس سی او ملکوں کے مابین تاریخی اور ثقافتی رابطوں کا ذکر کیا ۔ انہوں نے باہمی احترام ،تنوع اور سب کی شمولیت کے ذریعہ  پُر امن بقائے باہم کو آگے بڑھانے میں ثقافتی اشتراک اور مذاکرات  کی اہمیت  کا ذکر کیا۔وزیر موصوف نے  اس موقع پر ایس سی او ملکوں کی مشترکہ  بودھ وراثت  پر ایک خصوصی ڈجیٹل نمائش کا بھی افتتاح کیا۔

ایس سی اور چیئر مین شپ کے بھارت کے موزوں موضوع ‘‘ سکیور  - سلامتی ، اقتصادی تعاون ،کنکٹوٹی ،اتحاد ، خودمختاری اور علاقائی سالمیت نیز ماحولیات  کے تئیں احترام ’’  کا ذکرکرتے ہوئے وزیر موصوف  نے کہا کہ ثقافت  ، ایک بندھن کی طاقت کے طورپر  اس موضوع  کی تہہ میں موجود ہے ، جو  ان تمام  مقاصد کے حصول میں  براہ راست  تعاون دیتی ہے۔یہ محض  ‘‘ زندگی کے لئے  ایک شفاف اور محفوظ ثقافت  کو اجتماعی  طورپر قائم کرکے حاصل کئے جاسکتے ہیں ، جس میں ہم  خطے میں مجموعی خوشحالی کے لئے  تعمیری   طور پر تعاون دے سکتے ہیں۔

انہوں نے  نئی دلی میں 14 اور 15 مارچ  2023 کو منعقدہ  ایس سی او  کی مشترکہ بودھ وراثت  پر حالیہ کانفرنس میں  مشاہد ملکوں  اور مذاکراتی شراکتداروں  سمیت  ایس سی او ملکوں کی شراکت  کوسراہا۔ انہوں نے  گوتم بدھ کی تعلیمات  کا خاص  طور پر  ذکر کیا اور  ایس سی او ملکوں  کے  ایک دوسرے کے ملکوں میں  ثقافتی رشتو ں نیز  مشترکہ  تواریخ وروایات   کو تاز ہ کرنے کے  لئے اختیار کی جانے والی اقدار  اور طریقوں  کی ضرورت  پر زور دیا۔

میٹنگ کے اختتام  پر  ایس سی او کے  رکن ملکوں کے  سبھی وزرائے ثقافت نے  پروٹوکول کو منظوری دی اور اس پر دستخط کئے۔

بھارت  نےشنگھائی تعاون تنظیم ایس سی او کی مکمل رکنیت جون  2017  میں  اختیار کی تھی۔

بھارت نے 3 فروری  2023 اور 31 مارچ  2023 کو  ایس سی او کے  سینئیر ثقافتی افسران کی  دو میٹنگوں کی میزبانی کی تھی ۔ یہ میٹنگیں   ایس سی او کے  ثقافتی وزیروں کی میٹنگ سے متعلق  دستاویزات  پر بات چیت  کرنے  اور انہیں تشکیل دینے   کے لئے ورچوئل وسیلے سے منعقد کی گئی تھیں ۔ ثقافت کے وزیر نے ایس سی او کے رکن ملکوں کی مشترکہ  بودھ  وراثت   مشاہد ممالک  اور مذاکراتی شراکتدار   ملکو ں کی کانفرنس کی میز بانی 14 اور  15 مارچ  2023 کو  نئی دلی میں  منعقد کی تھی۔ایس سی او  ملکو  ں کے بودھ دانشوروں  اور مندوبین نے اس کانفرنس میں شرکت کی ۔

‘‘سربراہان مملکت کی ایس سی او کونسل کے دوران  ، جو ابھی جاری ہے ، بھارت کی ایس سی او صدارت کا مقصد  ‘‘ سکیور  - سلامتی ، اقتصادی تعاون ،کنکٹوٹی ،اتحاد ، خودمختاری اور علاقائی سالمیت نیز ماحولیات  کے تئیں احترام ’’ کے موضوع کو  آگے بڑھانا ہے۔ یہ موضوع 2018 میں  کنگ داؤ  میں  منعقدہ ایس سی او اجلاس میں ، بھارت کے وزیر اعظم جناب نریندر مودی نے  دیا تھا۔

*************

ش ح۔اس ۔ رم

U-3712