ٹیلی کام ریگولیٹری اتھارٹی آف انڈیا ٹرائی (ٹی آر اے آئی) نے اسٹیک ہولڈرزسے تبصرے طلب کرنےکی غرض سےآج  ٹیلی کام ریگولیٹری اتھارٹی آف انڈیا کے  منسوخی کے ضوابط 2023  کا مسودہ  جاری کیا۔

ٹی آر اے آئی(ٹرائی) نے 10 دسمبر 2001 کو ڈائل اپ اور لیزڈ لائن انٹرنیٹ تک رسائی  خدمات  2001 (2001 کا 4) کی سروس کے معیار پر ضابطے کو مشتہرکیا۔ یہ ضابطہ تمام بنیادی سروس آپریٹرز اور انٹرنیٹ سروس فراہم کرنے والوں پر لاگو ہوتا ہے، بشمول موجودہ آپریٹرز یعنی . بی ایس این ایل، ایم ٹی این ایل اور وی ایس این ایل۔ سروس کے معیار کے پیرامیٹرز کو ترتیب دینے کا مقصد نیٹ ورک کی کارکردگی کے معیارات کو ترتیب دے کر صارفین کی اطمینان کو یقینی بنانا تھا، جس کے لئے سروس فراہم کنندہ  سے کہا گیا ہے  کہ وہ  اپنے نیٹ ورک کی مناسب جہت کے ذریعے اس کو  حاصل  کرے ، وقتاً فوقتاً سروس کے معیار کی پیمائش کرے  اور اس کا موازنہ مخصوص اصولوں سے کرے تاکہ مختلف سروس فراہم کنندگان کی طرف سے فراہم کردہ کارکردگی کی سطح پر نظر رکھی جا سکے اور انٹرنیٹ خدمات کے صارفین کے مفادات کا تحفظ کیا جا سکے۔

یہ دیکھا گیا ہے کہ یہ ضابطے اس وقت جاری کیے گئے تھے جب ڈائل اپ سروس کم رفتار انٹرنیٹ تک رسائی کے لیے دستیاب واحد سروس تھی۔ وقت گزرنے کے ساتھ ساتھ، ٹیلی کمیونیکیشن نیٹ ورکس وائر لائن اور وائرلیس دونوں نے ایکس ڈی ایس ایل، ایف ٹی ٹی ایچ، ایل ٹی ای، وغیرہ، ٹیکنالوجیز پر تیز رفتار براڈ بینڈ سروس پیش کرنے کے لیے تیار کیا ہے۔ جبکہ لیزڈ لائن تک رسائی کی خدمات عام طور پر انٹرپرائزز کو آئی ایس پی لائسنس رکھنے والے انٹرنیٹ گیٹ وے سروس پرووائیڈرز (آئی جی ایس پیز) کے ذریعہ پیش کی جاتی ہیں، یہ سروس لیول ایگریمنٹ (ایس ایل اے) پر مبنی سروس ہے۔ ایس ایل اے  پر مبنی سروس ہونے کے ناطے، معاہدہ کرنے والے فریقین کے درمیان معاہدے میں خدمت کے معیار سے متعلق خدشات کا ازالہ کرنے کے لیے کافی التزامات  ہیں۔ لہٰذا، ڈائل اپ اور لیزڈ لائن انٹرنیٹ رسائی خدمات ، 2001 کی سروس کے معیار سے متعلق ضابطہ موجودہ سیاق و سباق میں زیادہ افادیت کاحامل نہیں لگتا ہے۔

مذکورہ بالا حقائق کے پیش نظر، اتھارٹی ڈائل اپ اور لیزڈ لائن انٹرنیٹ تک رسائی کی سروس، 2001 (2001 کا 4) کی سروس کے معیار سے متعلق ضابطے کو منسوخ کرنے کا ارادہ رکھتی ہے جس کا اطلاق سرکاری گزٹ میں اس کے نوٹیفکیشن کی تاریخ سے ہوگا۔

ٹیلی کام ریگولیٹری اتھارٹی آف انڈیا ریپیلنگ ریگولیشنز، 2022 کے ضابطے کا مسودہ  ٹی آر اے آئی کی ویب سائٹ www.trai.gov.in پر دستیاب ہے اور 17 اپریل 2023 تک متعلقہ فریقوں  کے تبصروں کے لیے کھلا رہے گا۔

*************

ش ح ۔س ب ۔ رض

U. No.3660