ঙাকশেল মন্ত্রালয়

ভোপালদা পাংথোকপা কম্বাইন্দ কমান্দর্স কনফরেন্স মনুংদা আর্মদ ফোর্সশিংনা ওপরেসনগী থৌরাং তৌরিবা প্রধান মন্ত্রীনা য়েংশিনখ্রে

Posted On: 01 APR 2023 6:28PM by PIB Imphal

এপ্রিল ১,২০২৩দা ভোপালদা কম্বাইন্দ কমান্দর্স কনফরেন্স ২০২৩ মনুংদা ঙাক-শেনগী ফিবম অমসুং আর্মদ ফোর্সশিংনা ওপরেসনগী থৌরাং তৌরিবা প্রধান মন্ত্রী শ্রী নরেন্দ্র মোদীনা য়েংশিনখ্রে।চহি অসিগী মীফম মনুংদা পাংথোকখিবা তোঙান-তোঙানবা খন্ন-নৈনবশিংগী মতাংদা চীফ ওফ দিফেন্স স্তাফ জেনেরেল অনিল চৌহান্না প্রধান মন্ত্রীদা পাউদমখি। লৈবাক শেমগৎপদা অমসুং  মরুপ-মপাং ওইবা লৈবাকশিংদা হুমেন্নতরিয়ান এসিস্তেন্স এন্দ দিজাস্তর রিলিফ (ঐচ এ দি আর)গী মতেং পীবদা আর্মদ ফোর্সশিংনা লৌরিবা থৌদাং প্রধান মন্ত্রীনা থাগৎখ্রে।

অনৌবা শিংনরকপশিং থেংন্নবা অমসুং দরকার ওইবা খুৎলায়শিং অমসুং তেক্নোলোজিশিংগা লোয়ন্না আর্মদ ফোর্সশিং দরকার লৈবশিং থম্নবা থবকশিং পায়খৎনবা প্রধান মন্ত্রীনা সর্বিস অহুমদা খঙহনখি।

অরোইবা নুমিৎকী সেসন মনুংদা তোঙান-তোঙানবা হিরমশিং হায়বদি দিজিতাইজেসন, সাইবর সেকুরিতি, সোসিএল মেদিয়াগী শিংনবশিং, অত্মানির্ভরতা, অগ্নিভরশিং লৌশিনবগী মতাংদা খন্নখি। হৌখিবা মীফমদগী হেন্না ফগৎপা অমদা, চহি অসিদা মীফম অসিদা খন্নবা হিরমশিং পাকথোক-চাউথোকখি অমসুং ত্রাই সর্বিএস অন্দমান অমসুং নিকোবর য়াওনা ভারত লান্মী, ভারত নেভি অমসুং ইন্দিয়ান এয়র ফোর্সকী কমান্দ খুদিংমক্কী লান্মীশিং খন্ন-নৈনবা থৌরমশিংদা শরুক য়াহনখি।

লৈবাক অসিগী খ্বাইদগী ৱাংবা থাক্কী লান্মীগী লুচিংবশিংগী নুমিৎ হুম্নিগী মীফম অদু মার্চ ৩০,২০২৩দগী হৌদোকখি। মীফম অসিগী থিম্না ‘রেদি, রিসর্জেন্ত, রিলেভেন্ত’ হায়বনি। মীফম মনুংদা, নেসনেল সেকুরিতি য়াওনা তুংগী অপুনবা মিলিতরিগী পান্দম অমগী মতাংদা খন্ন-নৈনখি।

মার্চ ৩১,২০২৩দা দিফেন্স মিনিস্তর শ্রী রাজনাথ সিংহনা লান্মীগী মকোক থোঙবা লুচিংবশিংগা ৱারি শানখি অমসুং ঙাক-শেনগী থৌরাং তৌরিবশিং য়েংশিনখি। লৈবাক্কী মরুওইবশিং ঙাক-শেন্নবা অমসুং সরকারগী অত্মানির্ভর ভারতকী পান্দম মঙফাওন্নবা মখোয়না মরুওইবা থৌদাং লৌরিবা অদুগীদমক মহাক্না আর্মদ ফোর্সশিং থাগৎখি। 

তি.তি.পিদা অহোংবা পুরকপা অমসুং সর্বিস অহুমগী মরক্তা পুন্না থবক তৌবগী মতাংদা হৌজিক মায়োক্নরিবা মরুওইবা ৱাফমশিংগী মতাংদা ফিল্দ য়ুনিতশিংদগী পাউতাকশিং লৌদুনা চহি অসিগী মীফম অসি অখন্নবা অমা ওইখি। হায়রিবা পাউতাকশিং অদু মিলিতরি কমান্দরশিংনা কুপ্না নৈনখি। আর্মদ ফোর্সশিং মতমগা চুনবা মওংদা শেমগৎপা অমসুং হৌজিক চৎথরিবা অমসুং লোইশিনখ্রবা মিলিতর ওপরেসনশিং য়েংশিন্নবা খুদোংচাবা অমা মীফম অদুনা কমান্দরশিংদা পীখি অমসুং লৈবাক অসিগী ঙাক-শেনগী শক্তি হেনগৎহন্নবা লম্বীশিংশু খন্নখি।

*****



(Release ID: 1912949) Visitor Counter : 103


Read this release in: English , Urdu , Hindi , Telugu