কম্যুনিকেসন অমসুং ইনফোর্মেসন তেক্নোলোজী মন্ত্রালয়

ইন্দিয়া পোস্ত পেমেন্তস বেঙ্কনা ৱাতসএপ্প বেঙ্কিং সর্বিস হৌদোক্লে

Posted On: 31 MAR 2023 7:00PM by PIB Imphal
  • শুপ্নগী ক্লিক খরদা মখোয়গী মোবাইল ফোনশিংদা বেঙ্কগী খুদোংচাবশিং ফংহন্নবা ভারত শীনবা থুংনা কস্তমরশিংদা খুদোংচাবা পীবা
  • এয়রতেল আই.ক্বিউ ফংহনবা অসিনা সরকারগী দিজিতেল ইন্দিয়া মিসন ফগৎহন্দুনা লৈবাক শীনবা থুংনা লৈরিবা আই.পি.পি.বি কস্তমরশিং ৱাতসএপ্পতা মখোয়গী বেঙ্কগা শম্নহনগনি

মখোয়গী মোবাইল ফোনশিংদা বেঙ্কগী থবক থৌরমশিং পাংথোকপা য়ানবা, ইন্দিয়া পোস্ত পেমেন্তস বেঙ্ক(আই পি পি বি)না এয়রতেলদা লোয়ন্না ঙসি নিউ দিল্লিদা ইন্দিয়া পোস্ত পেমেন্তস বেঙ্ক কস্তমরশিংগী ৱাতসএপ্প বেঙ্কিং সর্বিস হৌদোকখ্রে।

নৌনা হৌদোক্লিবা ইন্দিয়া পোস্ত পেমেন্তস বেঙ্ক ৱাতসএপ্প বেঙ্কিং চেন্নেল অসিনা ইন্দিয়া পোস্ত পেমেন্তস বেঙ্ক কস্তমরশিংনা ৱাতসএপ্পতা বেঙ্কগা শম্নবা য়াগনি অমসুং য়ুমদা লাক্নবা হায়জবা, খ্বাইদগী নকপা পোস্ত ওফিস মশক খঙদোকপা অমসুং অহেনবা থবক কয়া য়াওনা বেঙ্কগী থবক কয়া পাংথোকপা য়াগনি। মীয়াম মখোয়গী লোনশিংদা দিজিতেল অমসুং শেন-থুমগী থবকশিংগী কান্নবা ফংহন্নবা সরকারগী পান্দমগী মখাদা, এয়রতেল-ইন্দিয়া পোস্ত পেমেন্তস বেঙ্ক ৱাতসএপ্প বেঙ্কগী থবকশিং অসি লোন কয়াদা পাংথোকপা য়ানবা শেমগৎলে অমসুং মসিনা লৈবাক অসিগী খুঙ্গংশিংদা মীয়াম্না মখোয়না পামজবা লোনশিংদা বেঙ্কগী থবকশিং পাংথোকপা য়ারগনি।

এয়রতেলনা ইন্দিয়া পোস্ত পেমেন্তস বেঙ্কগা লোয়ন্না থবক তৌমিন্নদুনা অপীকপা সহরশিং অমসুং তয়র ২,৩গী সহরশিংদা লৈবা বেঙ্কগী কস্তমরশিংদা থা অমদা মেসেজ মিল্লিয়ন ২৫০ থাবা য়াগনি। ৱাতসএপ্পতা মেসেজ থাবগী মথক্তা, লৈবাক অসিগী খুঙ্গংশিংদা বেঙ্কগী থবকশিং য়ৌহন্নবা ইন্দিয়া পোস্ত পেমেন্তস বেঙ্কনা চোকথবা লৈতনা হোৎনরি।

ইন্দিয়া পোস্ত পেমেন্তস বেঙ্কগী সি.জি.এম অমসুং সি.এস.এম.ও, শ্রী গুরসারন রাই বন্সালনা হায়খি ভারত্তা মীওই খুদিংমক দিজিতেল অমসুং শেন-থুমগী থবকশিংগী কান্নবা ফংহন্নবা ভারতি এয়রতেলগা লোয়ন্না থবক তৌমিন্নবদা ঐখোয় হরাওই। তেক্নোলোজিদা য়ুম্ফম ওইবা ফাইনান্সিএলগী থবকশিংগী খুদোংচাবা কয়া লৈরে অমসুং লৈবাক অসিগী খ্বাইদগী লাপ্পা মফমশিং ফাওবদা খ্বাইদগী ফবা ফাইনান্সিএল প্রদকশিং য়ৌহন্নবা হোৎনগনি।

এয়রতেল আই.ক্বিউগী বিজিনেস হেদ, শ্রী অভিশেক বিস্বালনা হায়খি এয়রতেল আই.ক্বিউ অসি অশোই অঙাম লৈতবা ক্লাউদ কম্মুনিকেসন সুইতনি। ইন্দিয়া পোস্ত পেমেন্তস বেঙ্কগী কস্তমরশিংদা হৌজিক ঐখোয়না এস.এম.এস অমসুং ভোইস কম্মুনিকেসনগী খুদোংচাবা পীরিবা অসিগী মথক্তা, বেঙ্ক অমসুং মখোয়গী কস্তমরগী মরক্তা পাউ ফাউদোক-ফাউজিন য়াবগী খুদোংচাবা ঐখোয়না ফংহল্লে। লৈবাক অসিগী তয়র ২,৩গী সহরশিংদা বেঙ্কগী থবকশিং ফংহন্নবা মখা তানা ঐখোয়না ইন্দিয়া পোস্ত পেমেন্তস বেঙ্কগা লোয়ন্না থবক তৌমিন্নবদা ঐখোয় অপেনবা পোকই।

ৱাতসএপ্পকী খুৎথাংদা লাইভ ইন্তরএক্তিব কস্তমর সপোর্ত এজেন্ত য়াওহন্দুনা কস্তমরশিং ২৪x৭ মতেং পাংনবা অমসুং মখোয়গী ৱাহংশিংগী পাউখুম অথুবদা পীনবা ইন্দিয়া পোস্ত পেমেন্তস বেঙ্ক অমসুং এয়রতেল আই.ক্বিউনা থবক পায়খৎলি।

*****



(Release ID: 1912700) Visitor Counter : 100


Read this release in: English , Urdu , Hindi , Marathi , Odia