শিপ্পিং মন্ত্রালয়

প্রধান মন্ত্রীনা ‘অহানবা মার্চেন্ত নেভি ফিরাল’ থেত্তুনা চয়োল অমা চৎথগদবা নেসনেল মেরিতাইম সেলেব্রেসন হৌখ্রে


থৌরম হৌদোকপা ওইনা, প্রধান মন্ত্রী শ্রী নরেন্দ্র মোদীদা য়ুনিয়ন মিনিস্তর শ্রী সর্বানন্দা সোনোৱালনা ফিরাল থেৎখ্রে

Posted On: 30 MAR 2023 6:48PM by PIB Imphal

এপ্রিল ৫তগী হৌদুনা চয়োল অমা চুপ্না পাংথোক্কদবা নেসনেল মেরিতাইম সেলেব্রেসনগী থৌরাং তৌবা ওইনা ঙসি নিউ দিল্লিদা পোর্তস, সিপ্পিং অমসুং ৱাতরৱেজগী য়ুনিয়ন মিনিস্তর শ্রী সর্বনন্দা সোনোৱালনা প্রধান মন্ত্রী শ্রী নরেন্দ্র মোদীদা ‘অহানবা মার্চেন্ত নেভি ফিরাল’ থেৎখ্রে। থৌরম অদুদা পোর্তস, সিপ্পিং অমসুং ৱাতরৱেজ মিনিস্ত্রিগী সেক্রেতরি সুধান্স পন্ত অমসুং অতোপ্পা সেনিয়র ওফিসিএলশিং শরুক য়াখি। প্রধান মন্ত্রীদা মেমেন্তো অমসু খুদোল তমখি।

ভারতকী অহানবা স্তিমসিপ “এস.এস. লোয়ালতি”(সিন্দিয়া স্তিম, নেভিগেসন কো লিমিতেৎ,মুম্বাই)না ১৯১৯গী নুমিৎ অসিদা মালেমগী সমুদ্রগী শরুক ফাওদুনা হোনবা মহাক্কী অহানবা খোঙচৎ ওইনা মুম্বাইদগী লন্দন ফাওবগী খোঙচৎ অদু নিংশিংবা ওইনা ‘নেসনেল মেরিতাইম দে’ পাংথোকপনি অমসুং ভারতকী চাউথোকচনিঙাই ওইবা মীকুপ অদু হরাওবা ফোঙদোকপা অমসুং হিরোয়শিংগী থৌনা অদু ইকায়খুম্নবা উৎপা ওইনা মার্চ ৩০,২০২৩দগী এপ্রিল ৫,২০২৩ ফাওবা সরকারনা নেসনেল মেরিতাইম ৱিক পাংথোকপনি।

Commencing the National Maritime Week 2023, the first "Merchant Navy Flag" was pinned on the lapel of Hon'ble Prime Minister Shri @narendramodi by Shri @sarbanandsonwal, Union Minister of MoPSW along with Shri Sudhansh Pant, IAS, Secretary, MoPSW & other senior officials. pic.twitter.com/VE9HjYLuzT

— Ministry of Ports, Shipping and Waterways (@shipmin_india) March 30, 2023

থৌরম অদুদা শ্রী সোনৱালনা হায়খি মালেমগী সপ্লাই চেন মথৌ পাংথোকপদা ভারতকী হিরোয়শিংনা মরুওইবা থৌদাং অমা লৌরি। ঐখোয়গী সমুদ্রগী শকখঙবীদ্রবা অথৌবশিংনা লৌরিবা থৌদাং অদু পাংথোক্লিবা নেসনেল মেরিতাইম ৱিক থৌরমশিংদা ইকায়খুম্নবা উৎকনি। চয়োল অমগী থৌরম অসি শরুক য়াবা ওইনা মহাক্না লৈবাক অসিগী অহানবা মার্চেন্ত নেভি ফিরাল থেত্তুনা থবক অসি প্রধান মন্ত্রী শ্রী নরেন্দ্র মোদীনা শৌগৎলি।

হিরোয়শিং অমসুং সমুদ্রগা শম্নবা অতোপ্পা থবক তৌবা মীওইশিং পোর্তস, সিপ্পিং অমসুং ৱাতরৱেজ মিনিস্ত্রিনা ইকায়খুম্নবা উৎকনি। মেরিতাইম সেক্তরদা শিংথাবা য়াবা থবক পাংথোকপা শক্নাইরবা মীওইশিংদা পোর্তস, সিপ্পিং অমসুং ৱাতরৱেজ মিনিস্ত্রিনা পীবা মনাশিং মখাদা লৈরে:  

১. সাগর সম্মান ভরুনা এৱার্দ: ভারতকী সিপ্পিং অমসুং মসিগা মরী লৈনবা মেরিতাইম ইন্দস্ত্রিশিংদা মশক থোকপা থবক পাংথোকপা মীওইশিং ইকায়খুম্নবা উৎপা ওইনা ভরুনা এৱার্দ পীরি।

২. সাগর সম্মান এৱার্দ ফোর এক্সলেন্স: সিপ্পিং বিজিনেস, কম্মর্সিয়েল ওপরেসনশিং, হুমেন রিছোর্স দিবলপমেন্ত, মেরিতাইম তেক্নোলোজি মেনেজমেন্তগী হিরমশিংদা ভারতকী সিপ্পিং অমসুং মসিগা মরী লৈনবা মেরিতাইম ইন্দস্ত্রিশিংদা অৱাংবা থাক্তা মথৌ ফজনা পাংথোকপা মীওইশিংদা মনা অসি পীরি।

৩. সাগর সম্মান এৱার্দ ফোর গেলেন্ত্রি: ভারত নত্ত্রগা অতোপ্পা মফমশিংদা মার্চেন্ত নেভিদা থৌনা ফবগী থবকশিং পাংথোকপদা ইকায়খুম্নবা উৎপা ওইনা ভারতকী হিরোয়শিং(ওফিসারশিং য়াওনা) মনা অসি পীরি।

৪. অফবা মেরিতাইম ত্রেনিং ইন্সতিতুৎ, অফবা ভারতকী সিপ্পিং কম্পেনি, হিরোয়শিং থবক পীবা মশক থোকপা ভারতকী ইমপ্লোয়র, হিরোয়শিং থবক পীবা মপানগী মশক অফবা ইমপ্লোয়র, অফবা ভারতকী হিথাংফমনা ভারতকী সিপ্পিং অমসুং ভারতকী হিরোয়শিংগীদমক পাংথোকপা থবকশিংগী ইকায়খুম্নবা উৎপা ওইনা মনা পীরি।

নেসনেল মেরিতাইম দে লাকপদা, মালেমগী অহানবা অমসুং অনিশুবা লাঞ্জাউদা সমুদ্রদা মখোয়গী থৱায় কৎখ্রবা হিরোয়শিংগী মেমোরিএলশিংদা সরকারনা ইকায়খুম্নবা উৎলি।

নেসনেল মেরিতাইম দে অমসুং মার্চেন্ত নেভি ফ্লেগ দেগী থৌরমশিং পাংথোক্নবা মুম্বাইদা নেসনেল মেরিতাইম দে সেলেব্রেসন কম্মিতি লিংখৎলে। কম্মিতি অদুদা জহাজ মপুশিং, হিরোয়শিং, পোর্ত ত্রস্তশিং, মেরিতাইম স্তেৎ সরকারশিং অমসুং সিপ্পিং মিনিস্ত্রি শরুক য়ারি। জহাজ মপুশিং, পোর্ত ওথোরিতিশিং, সেমি গভর্নমেন্তশিং অমসুং সিপ্পিংদা থৱায় য়াওবা এন.জি.ওশিংগী খুৎথাংদগী কম্মিতিগী ফন্দশিং খোমগৎলি।

*****



(Release ID: 1912394) Visitor Counter : 76