শেনবা চহি ২০২২-২৩দগী ২০২৬-২৭ ফাওবগী ওইনা কেন্দ্র সরকারনা শেন পুথোকপা অনৌবা স্কিম অমা “নিউ ইন্দিয়া লিতেরেসি প্রোগ্রাম(এন আই এল পি) হৌদোক্লে। স্কিম অসিগী অপুনবা শেনফম লুপা করোর ১০৩৭.৯০গী মনুংদা কেন্দ্র সরকারনা লুপা করোর ৭০০ অমসুং রাজ্যগী শরুক ওইনা লুপা করোর ৩৩৭.৯০ পুথোক্কনি। স্কিম অসিনা চহি ১৫ অমসুং মথক্কী কাংলুপকী লাইরিক ময়েক চত্তবা মীওই করোর ৫ কোনশিন্নবা পান্দম থম্লি। স্কিম অসিগী মচাক মঙা লৈরি: (১) ফাউন্দেসনেল লিতেরেসি অমসুং নুমেরেসি, ৯২) মরুওইবা লাইফ স্কিলশিং, (৩) ভোকসনেল স্কিলশিং হেনগৎহনবা, (৪) বেসিক ইজুকেসন অমসুং (৫) লাইরিক মখা তম্বা।

রাজ্যশিং/য়ু.তিশিংদা সর্ভেয়রশিংনা মোবাইল এপ্প শীজিন্নদুনা য়ুমথোং খুদিং চঙদুনা স্কিম অসিগী কান্নবা ফংগদবা মীওইশিং মশক খঙদোক্লে। মোবাইল এপ্পকী খুৎথাংদা মফম অমদগী হেক্তা রেজিস্তার তৌরক্তুনা লাইরিক ময়েক চত্তবা মীওইশিংশু স্কিম অসিগী কান্নবা লৌবা য়াগনি। মরুওইনা স্কিম অসি মশানা য়ানা চোঙথোরক্তুনা তাকপী-তম্বীদা য়ুম্ফম ওইগনি। থবক অসিগীদমক ভোলুন্তিয়রশিংনা মোবাইল এপ্পকী খুৎথাংদা রেজিস্তার তৌবা য়াগনি।

স্কিম অসি তেক্নোলোজিদা য়ুম্ফম ওইগনি অমসুং ওনলাইন ওইনা পাংথোক্কনি। তাকপী-তম্বীবদা শীজিন্নগদবা মচাকশিং এন.সি.ই.আর.তিগী দিক্ষা প্লেতফোর্মদা ফংলে অমসুং মোবাইল এপ্পশিংগী খুৎথাংদশু ফংবা য়ারে। ফাউন্দেসনেল লিতেরেসি অমসুং নুমেরেসিগীদমক মখা তানা তি.ভি, রেদিও, সমাজিক চেতনা কেন্দ্রশিং শীজিন্নবা য়াগনি। চহি ১৫গী মথক্তা লৈবা লাইরিক ময়েক চত্তবশিংনা স্কিম অসিগী কান্নবা লৌবা য়াগনি।

ৱাফম অসি ঙসি রাজ্য সভাদা অইবা ওইনা পীবা পাউখুম অমদা ইজুকেসনগী রাজ্য মন্ত্রী শ্রীমতি অন্নপুর্না দেবীনা ফোঙদোকখিবনি।

*****

(Release ID: 1911991) Visitor Counter : 150