এস.সি.ও.গী ভারতকী প্রেসিদেন্সী মখাদা অয়ুস মন্ত্রালয়গী মীৎয়েঙ মখাদা হন্দক্তা গুৱাহাতীদা পাঙথোকখিবা বি২বি কন্ফরেন্স এন্দ এক্সপো লোয়ননা নেস্নেল অরোগ্য সম্মিতনা মহৌশাগী হিদাক লাংথক য়োকখত্তুনা এস.সি.ও. লৈবাকশিংদা শেন্মিৎলোন চাওখৎহনবা, মহৌশাগী ফীভম ঙাকথোকপা অমদি হেল্থ সিক্যুরিতীগী পান্দম ফংবদা মতেং ওইনবগীদমক লৈবাক ২৫বু মায় পাক্না পুনশিনহল্লে‍। থৌগরম অদুদা ম্যান্মারগী হকশেলগী মন্ত্রী ঐচ.ই. দোক্তর থেৎ খাইং ৱিন, মালদিব্সকী হকশেলগী দিপুতী মন্ত্রী ঐচ.ই. সফিয়া মোহমদ সাইদ অমদি এম.ও.এস. দোক্তর মুঞ্জপরা মহেন্দ্রভাই শরুক য়াখি অমদি তেক্নিকেল সেসন্দা ভর্চুএল মোদতা চাইনা, রসিয়া অমদি পাকিস্তান্না শরুক য়াখিবসু শিংথানিংঙাই ওইখি‍। কন্ফরেন্স অমদি এক্সপো কম সম্মিত অদু অয়ুস অমদি পোর্ত, সিপ্পিং অমসুং ৱাতরৱেজকী কেন্দ্র মন্ত্রী শ্রী সর্বনন্দ সোনোৱালনা হৌদোকখি‍।

ভারতনা ২০১৭দা এস.সি.ও.গী মপুং ফাবা মেম্বরগী থাক ফংখি অমদি সেপ্তেম্বর ১৭, ২০২২দা উজবেকিস্তানগী সমরকন্দদা ইং ২০২৩গী ওইনা এস.সি.ও. কাউন্সিল ওফ হেদ্স ওফ স্তেতকী প্রেসিদেন্সী লৌরবা মতুংদা, প্রধান মন্ত্রী শ্রী নরেন্দ্র মোদীনা ভারতনা অনৌবা এস.সি.ও. এক্সপর্ত ৱর্কিং গ্রুপ ওন ত্রেদিস্নেল মেদিসিন অমা শেম্নবগী থৌদাং লৌগনি হায়বা ৱাফম থমখি‍। মদুগী মতুং ইন্না, অয়ুস মন্ত্রালয়না ভারতকী এস.সি.ও. প্রেসিদেন্সী মনুংদা ত্রেদিস্নেল মেদিসিনগী ওইবা তোঙান তোঙানবা থৌরাংশিং পায়খত্তুনা, ত্রেদিস্নেল মেদিসিনগী এক্সপর্তশিং অমদি প্রাক্তিস্নরশিংগী ওইবা ভর্চুএল কন্ফরেন্স পাঙথোকখি, অহানবা এক্সপর্ত ৱর্কিং গ্রুপ (ই.দব্লিউ.জি.) ওন ত্রেদিস্নেল মেদিসিন পাঙথোক্তুনা দ্রাফ্ত রিগুলেসন ওন ত্রেদিস্নেল মেদিসিন এক্সপর্ত লেবেলদা অয়াবা পীখি অমদি অতোপ্পা লৈবাকশিংগী এদমিনিস্ত্রেতিব প্রোসিজর চত্থরবা মতুংদ হেদ ওফ স্তেত সম্মিত্তা অকোনবা ওইবা এদোপ্ত তৌগনি‍। হীরম অসিগী মতাঙদনি গুৱাহাতী এস.সি.ও. বি২বি কন্ফরেন্স এন্দ এক্সপোনা মরুওইরিবা অমদি থৌরাং অসিবু মখা তানা মায় পাক্না চঙশিনবা ঙমহনগদৌরিবা‍।

এস.সি.ও. বি২বি কন্ফরেন্সকী সাইদলাইন্দা, অয়ুস মন্ত্রালয়না অয়ুর্বেদ অমদি ত্রেদিস্নেল মেদিসিনগী লমদা তেংবাংননবগীদমক ম্যান্মারগা বাই-লেতরেল মীফম অমসু পাঙথোকখি‍। হীরম অসিগী মতাঙদা এম.ও.য়ু. অমা ভারতকী অয়ুস মন্ত্রালয় অমদি ম্যান্মারগী হকশেল মন্ত্রালয় অনিগী মরক্তা ওগস্ত ২৯, ২০১৬দা খুৎয়েক পীনখি, অমদি মীফম অদুনা য়ানচে অদুবু ওগস্ত ২৮, ২০২৬ ফাওবা শাংদোকখি‍। ভারতকী মায়কৈ অয়ুস অমদি পোর্তস, সিপ্পিং অমদি ৱাতরৱেজ মন্ত্রী শ্রী সর্বনন্দ সোনোৱালনা লুচিংখি‍। ম্যান্মারগী কাঙবুনা ম্যান্মারগী হকশেল মন্ত্রালয়গী মন্ত্রী ঐচ.ই. দোক্তর থেৎ খাইং ৱিন্না লুচিংখি‍।

কন্ফরেন্স অদুদা মীওই ২১৪না শরুক য়াখি, মখোয়গী মনুংদা ৮৩দি এস.সি.ও. লৈবাক ১৬তগী ইন্তরনেস্নেল দেলিগেৎনি অদুগা ১৩১না ভারতকী দেলিগেৎশিংনি‍। হায়রিবা থৌরম অদুদা প্রেজেন্তেসন ৩০ পুথোকখি, মখোয়গী মনুংদা ১৯দি এস.সি.ও. লৈবাকশিংদগীনি‍। ভারতকী মায়কৈদগী অয়ুস মন্ত্রালয় অমদি ইন্দস্ত্রীগী মায়কৈদগী য়াওনা প্রেজেন্তেসন ১১ পুথোকখি‍। হায়রিবা কন্ফরেন্স অসিদা পুন্না সেসন ১১ পাঙথোকখি‍। তোঙান তোঙানবা খন্ন-নৈনবা/প্রেজেন্তেসন, ত্রেদ এক্তিবিতিজ অমদি চপ মান্নবা মতমদা পাঙথোকখিবা নেস্নেল অরোগ্য সম্মিত/এক্সপোদা মীহুৎ পুম্নমক্তা ইচঙ থৌনা শরুক য়াখিবা শিংথানিংঙাই ওইবা মায় পাকপনি‍।

ইন্দস্ত্রী, এজুকেস্নেল ইনস্তিত্যুৎ অমদি অয়ুস সর্ভিস প্রোভাইদরশিং য়াওনা একজিবিতর ৫৬না মখোয়গী পোত্থোকশিং, ইনস্তিত্যুসনশিং অমদি ইনফ্রাস্ত্রকচরশিং উৎখিবগা লোয়ননা গুৱাহাতীদা পাঙথোকপা বি২বি এক্সপো অদুদা উবা ফংখিবসি লৈবাক ১১দগী বাইয়র ৬০না পুক্নিং চঙনা পীরকখিবা রেসপোন্সশিং অদুনি‍। কন্ফরেন্স অমদি এক্সপো অদুগী মনুংদা বাইয়র অমদি সেল্লরশিংগী মরক্তা ৱন-তুৱন মীতিং ১২৫ হেন্না পাঙথোকখি‍। অয়ুর্বেদ এজুকেসন, ত্রেদিস্নেল মেদিসিন প্রদক্ত অমদি মেদিকেল ভেল্যু ত্রাভেলগীদমক অয়ুর্বেদ অমদি য়োগগী ইন্ফ্রাস্ত্রকচর শেমগৎপগী লমদা এস.সি.ও. লৈবাক ১৩দগী ত্রেদ ইন্তরেস্ত ফংখি‍। বি২বি মীফমদা শরুক য়াখিবশিং অদু তাজিকিস্তান, অর্মেনিয়া, উজবেকিস্তান, মোঙ্গোলিয়া, কাজখস্তান, বাহরাইন, ম্যান্মার, স্রি লঙ্কা অমদি ভারত্তগীনি‍।

বি২বি কন্ফরেন্স অদু ‘এস’না সিক্যুরিতী ফোর সিতিজন্স, ‘ই’না ইকনমিক দিভেলপমেন্তো ‘সি’না কন্নেক্তিবিতী, ‘য়ু.’না য়ুনিতী, ‘আর’না রেস্পেক্ত ফোর সোভেরেন্তী এন্দ তেরিতরিএল য়ুনিতী অমদি ‘ই’না এনভাইরনমেন্ত প্রোতেক্সন ওইদুনা “সিক্যুর” এস.সি.ও. হায়বা থীমদা য়ুম্ফম ওইদুনা পাঙথোকখিবনি‍। হায়রিবা থীমশিং অসি ভারত্তা পাঙথোকখিবা এস.সি.ও. থৌরমশিংদা মখাদা পীরিবা মওং মতৌ অসিদা কোনশিনখি:-

এস.সি.ও. লৈবাকশিংনা পুন্না ত্রেদিস্নেল মেদিসিন, এস.সি.ও. লৈবাকশিংগী মনুংদা ত্রেদিস্নেল মেদিসিনগী ত্রেদ কোমহনবা অমদি ত্রেদিস্নেল মেদিসিন য়োকখৎপা হায়বা ৱাফমশিংগী মরী লৈননা খন্ন-নৈনখি‍। হায়রিবা ৱাফমশিং অসি এস.সি.ও.গী সিক্যুরিতী (হেল্থ) হায়রিবা থীম অসিগা মরী লৈননা এস.সি.ও. লৈবাকশিংগী মরক্তা হেল্থ সিক্যুরিতীগী পান্দম ফংনবগীদমক খন্ন-নৈনখি‍।

ইকনমিক দিভেলপমেন্তকী থীম য়েংদুনা, লুপা করোর ৫৯০ হেনবগী দাইরেক্ত ত্রেদ ইন্তরেস্তকা লোয়ননা এল.ও.আই. ১০ থৌরম অদুদা ফংখি‍। মতৌ অসুম্না হায়রিবা খুদোংচাবশিং অসি অতৈ এস.সি.ও. লৈবাকশিংগীদমক্তসু ফংগনি‍।

ত্রেদিস্নেল মিদিসিন চাওখৎহনবা অমদি মসিবু য়োকখৎপা হায়রিবা মরুওইবা এজেন্দাদা খন্ননবগীদমক মফম অমত্তদা এস.সি.ও. লৈবাক ১৬ পুন্না লেপমিন্নবনা এস.সি.ও.গী কন্নেক্তিবিতী হায়রিবা থীম অসিবু মশক থোকহল্লি‍।

এস.সি.ও.গী মখাদা ই.দব্লিউ.জি. ওন তি.এম.গী রিগুলেসনশিংগী মতাঙদা এস.সি.ও. মেম্বর স্তেতশিংদগী লাকপা এক্সপর্তশিংগী মরক্তা য়ানবা ৱাফম অমা পুরক্তুনা এস.সি.ও.গী য়ুনিতী হায়রিবা থীম অসিবু উৎলি‍।

ইকায়খুম্নরবা প্রধান মন্ত্রী শ্রী নরেন্দ্র মোদীগী মীৎয়েঙ মখাদা অয়ুস মন্ত্রালয়না পাঙথোকপা থৌরম অদু ভারতকী প্রেসিদেন্সী মখাদা এস.সি.ও. দেলিবরেসন অমদি কোওপরেসনগী মচঙ ওইবা থৌরম অমা ওইবখক নত্তনা, মালেমগী ত্রেদিস্নেল মেদিসিন সেক্তরদা এস.সি.ও. লৈবাকশিংদা লৈরিবা চাওখৎপগী মতিং অমদি মঙমসু উৎলি‍।

****