ಹೊಸದಾಗಿ ರೂಪುಗೊಂಡ ಸ್ಟಾರ್ಟ್‌ಅಪ್‌ 20 ಎಂಗೇಜ್‌ಮೆಂಟ್‌ ಗುಂಪಿನ ಎರಡನೇ ಸಭೆ, 18 ಮತ್ತು 19 ಮಾರ್ಚ್ 2023 ರಂದು ಸಿಕ್ಕಿಂನ ಗ್ಯಾಂಗ್‌ಟಾಕ್‌ನಲ್ಲಿ ನಡೆಯಿತು. ಸ್ಟಾರ್ಟ್‌ಅಪ್‌ 20 ಜಾಗತಿಕ ಸ್ಟಾರ್ಟ್‌ಅಪ್ ಪರಿಸರ ವ್ಯವಸ್ಥೆಯ ಪಾಲುದಾರರೊಂದಿಗೆ ಸಂವಾದ ವೇದಿಕೆಯಾಗಿ ಕಾರ್ಯನಿರ್ವಹಿಸುತ್ತದೆ ಮತ್ತು ಜಿ20 ರಾಷ್ಟ್ರಗಳ ಉದ್ಯಮಿಗಳು ಎದುರಿಸುತ್ತಿರುವ ಸ್ಥೂಲ ಆರ್ಥಿಕ ಕಾಳಜಿ ಮತ್ತು ಸವಾಲುಗಳನ್ನು ಪರಿಹರಿಸುವ ಜಾಗತಿಕ ಆರಂಭಿಕ ಪರಿಸರ ವ್ಯವಸ್ಥೆಯನ್ನು ಪ್ರತಿನಿಧಿಸುತ್ತದೆ. ಎರಡು ದಿನಗಳ ಸಭೆಯಲ್ಲಿ 300 ಕ್ಕೂ ಹೆಚ್ಚು ಗಣ್ಯರು, ಜಿ 20 ಸದಸ್ಯ ಮತ್ತು ಆಹ್ವಾನಿತ ದೇಶಗಳು, ಅಂತರರಾಷ್ಟ್ರೀಯ ಸಂಸ್ಥೆಗಳು ಮತ್ತು ರಾಷ್ಟ್ರೀಯ ಪ್ರತಿನಿಧಿಗಳು ಭಾಗವಹಿಸಿದ್ದರು. ಉದ್ಘಾಟನಾ ಸಮಾರಂಭದೊಂದಿಗೆ ಪ್ರಾರಂಭವಾದ ಸಿಕ್ಕಿಂ ಸಭೆಯಲ್ಲಿ ಗಣ್ಯರು ಮುಖ್ಯ ಭಾಷಣಗಳನ್ನು ನೀಡಿದರು.

ಸಿಕ್ಕಿಂ ಮುಖ್ಯಮಂತ್ರಿ ಶ್ರೀ ಪ್ರೇಮ್ ಸಿಂಗ್ ತಮನ್ ಅವರು ಸಿಕ್ಕಿಂ ಸಭೆಯ ಉದ್ಘಾಟನಾ ಅಧಿವೇಶನವನ್ನು ಉದ್ದೇಶಿಸಿ ಮಾತನಾಡುತ್ತಾ "ಸ್ಟಾರ್ಟಪ್ 20 ಎಲ್ಲಾ ಪಾಲುದಾರರನ್ನು ಒಂದೇ ವೇದಿಕೆಯಲ್ಲಿ ಸೇರಿಸಲು ಮತ್ತು ಸಂವಹನ ನಡೆಸಲು ಒಂದು ಪರಿಪೂರ್ಣ ಅವಕಾಶವಾಗಿದೆ" ಎಂದು ಹೇಳಿದರು.

ವಾಣಿಜ್ಯ ಮತ್ತು ಕೈಗಾರಿಕಾ ರಾಜ್ಯ ಸಚಿವ ಶ್ರೀ ಸೋಮ್ ಪ್ರಕಾಶ್ ಅವರು ಸ್ಟಾರ್ಟಪ್ ವಲಯದ ಪ್ರಭಾವಶಾಲಿ ಬೆಳವಣಿಗೆಯ ಮೇಲೆ ಬೆಳಕು ಚೆಲ್ಲುತ್ತಾ, "ಇಂದಿನ ಜಗತ್ತಿನಲ್ಲಿ ಸ್ಟಾರ್ಟ್ಅಪ್ಗಳು ಆರ್ಥಿಕ ಬೆಳವಣಿಗೆ, ಉದ್ಯೋಗ ಸೃಷ್ಟಿ ಮತ್ತು ನಾವೀನ್ಯತೆಯ ಪ್ರಮುಖ ಚಾಲಕರಾಗಿ ಹೊರಹೊಮ್ಮಿವೆ" ಎಂದು ಹೇಳಿದರು.

ಸ್ಟಾರ್ಟ್‌ಅಪ್20 ಎಂಗೇಜ್‌ಮೆಂಟ್ ಗುಂಪಿನ ಅಧ್ಯಕ್ಷ ಡಾ. ಚಿಂತನ್ ವೈಷ್ಣವ್, ಸಿಕ್ಕಿಂ ಸಭೆ  ಮತ್ತು ಸ್ಟಾರ್ಟ್‌ಅಪ್ ಸಮುದಾಯವನ್ನು ಬಲಪಡಿಸಲು ಸಹಯೋಗದ ಮಹತ್ವವನ್ನು ವಿವರಿಸಿದರು. “ನಾವು ಪ್ರಪಂಚದಾದ್ಯಂತ, ಸ್ಟಾರ್ಟ್‌ಅಪ್‌ಗಳು ಉತ್ತಮವಾಗಿ ಕಾರ್ಯನಿರ್ವಹಿಸಲು, ಜಿ20 ರಾಷ್ಟ್ರಗಳ ಸ್ಟಾರ್ಟಪ್ ಪರಿಸರ ವ್ಯವಸ್ಥೆಯನ್ನು ಒಟ್ಟುಗೂಡಿಸಲು ಬಯಸುತ್ತೇವೆ.” ಎಂದು ಹೇಳಿದರು.

ಸಿಕ್ಕಿಂನ ಮುಖ್ಯ ಕಾರ್ಯದರ್ಶಿ ಶ್ರೀ ವಿ ಬಿ ಪಾಠಕ್, ಕೈಗಾರಿಕೆಗಳು ಮತ್ತು ಆಂತರಿಕ ವ್ಯಾಪಾರ (ಡಿಪಿಐಐಟಿ) ಉತ್ತೇಜನ ಇಲಾಖೆಯ ಪ್ರಧಾನ ಸಲಹೆಗಾರ್ತಿ ಶ್ರೀಮತಿ ರೂಪಾ ದತ್ತಾ ಮತ್ತು ವಿದೇಶಾಂಗ ಸಚಿವಾಲಯದ ಜಂಟಿ ಕಾರ್ಯದರ್ಶಿ ಶ್ರೀ ಆಶಿಶ್ ಸಿನ್ಹಾ ಅವರು ಮುಖ್ಯ ಭಾಷಣ ಮಾಡಿದರು. ಡಿಪಿಐಐಟಿಯ ಉಪ ಕಾರ್ಯದರ್ಶಿ ಶ್ರೀ ಸಚಿನ್ ಧನಿಯಾ ಸಮಾರೋಪ ಭಾಷಣ ಮಾಡಿದರು.

ಉದ್ಘಾಟನಾ ಅಧಿವೇಶನದ ನಂತರ, ಕಾರ್ಯಪಡೆಯ ಸದಸ್ಯರು ಸ್ಟಾರ್ಟ್ಅಪ್ 20 ತಂಡದೊಂದಿಗೆ ಕರಡು ನೀತಿ ಪತ್ರವನ್ನು ಚರ್ಚಿಸಲು ಎಂಜಿ ಮಾರ್ಗದ ಐದು ಕೆಫೆಗಳಿಗೆ ತೆರಳಿದರು. ಏಕಕಾಲದಲ್ಲಿ ಚಿಂತನ್ ಭವನದಲ್ಲಿ ಸಿಕ್ಕಿಂ ಡೈಲಾಗ್ಸ್ನ ಡಾ.ಚಿಂತನ್ ಅವರೊಂದಿಗೆ ಸಂವಾದವನ್ನು ನಡೆಸಲಾಯಿತು. ಪ್ರತಿನಿಧಿಗಳು ನಂತರ ಎಂಜಿ ಮಾರ್ಗದಾದ್ಯಂತ ಹರಡಿರುವ ಪರಿಸರ ಪ್ರವಾಸೋದ್ಯಮ, ಸಾವಯವ ಉತ್ಪಾದನೆ, ಆರೋಗ್ಯ, ಶಿಕ್ಷಣ ಮತ್ತು ತಾಂತ್ರಿಕ ವಲಯದ ಸ್ಟಾರ್ಟ್‌ಅಪ್‌ಗಳನ್ನು ಪ್ರತಿನಿಧಿಸುವ ಐವತ್ತು ಸ್ಟಾರ್ಟ್‌ಅಪ್ ಶೋಕೇಸ್ ಸ್ಟಾಲ್‌ಗಳಿಗೆ ತೆರಳಿದರು.

ಮೊದಲ ದಿನದ ಕೊನೆಯ ಕಾರ್ಯಕ್ರಮವನ್ನು Startup20X ಗೆ ಸಮರ್ಪಿಸಲಾಯಿತು, ಅಲ್ಲಿ ವಿದೇಶಾಂಗ ವ್ಯವಹಾರಗಳ ಸಚಿವಾಲಯದ ಜಂಟಿ ಕಾರ್ಯದರ್ಶಿ ಶ್ರೀ ಆಶಿಶ್ ಸಿನ್ಹಾ, O2 ಹಿಮಾಲಯದ ಸಂಸ್ಥಾಪಕಿ ಶ್ರೀಮತಿ ಮಂದಿರಾ ಚೆಟ್ರಿ, ನಿಬಿಯಾ ಡಿವೈಸಸ್‌ ಸಂಸ್ಥಾಪಕ ಶ್ರೀ ಏರೋಶಿಲ್ ನಾಮೀರಕಪಂ, ಹವಾಯಿ ವಾಣಿಜ್ಯ ವಿಭಾಗದ ನಿರ್ದೇಶಕ ಶ್ರೀ ಕ್ರಿಸ್ ರಾಚಲ್,  ಮತ್ತು ಭಾರತದ ವಿಶ್ವಸಸಂಸ್ಥೆ ಮಹಿಳಾ ಉಪ ಪ್ರತಿನಿಧಿ ಶ್ರೀಮತಿ ಕಾಂತಾ ಸಿಂಗ್ ಅವರು ತಮ್ಮ ಸಭಿಕರನ್ನು ಉದ್ದೇಶಿಸಿ ಮಾತನಾಡಿದರು. ಮೊದಲ ದಿನ ಗ್ಯಾಂಗ್ಟಾಕ್‌ನ ಮೇಫೇರ್ ರೆಸಾರ್ಟ್‌ನಲ್ಲಿ ರಾತ್ರಿಯೂಟದೊಂದಿಗೆ ಮುಕ್ತಾಯವಾಯಿತು, ಅಲ್ಲಿ ಪ್ರತಿನಿಧಿಗಳು ಸಿಕ್ಕಿಂನ ಸಾಂಸ್ಕೃತಿಕ ಪ್ರದರ್ಶನಗಳು ಮತ್ತು ಭಕ್ಷ್ಯಗಳನ್ನು ಆನಂದಿಸಿದರು.

ಸಿಕ್ಕಿಂ ಸಭೆಯ ಎರಡನೇ ದಿನವು ಕಾರ್ಯಪಡೆಯ ಸದಸ್ಯರು, ಅಧ್ಯಕ್ಷರು, ಸಹ-ಅಧ್ಯಕ್ಷರು ಮತ್ತು Startup20 ತಂಡವು ನೇರವಾಗಿ ಐದು ಕೆಫೆಗಳಿಗೆ ಹೋಗುವುದರೊಂದಿಗೆ ಪ್ರಾರಂಭವಾಯಿತು. ಐದು ಕಾರ್ಯಪಡೆಗಳು ನೀತಿ ಚೌಕಟ್ಟಿನ ಮೇಲಿನ ಚರ್ಚೆಯಲ್ಲಿ ಆಳವಾಗಿ ಅಧ್ಯಯನ ಮಾಡಿದವು ಮತ್ತು ವಿವರವಾದ ಚರ್ಚೆಗಳ ಮೂಲಕ ಮುಂದಿನ ಮಾರ್ಗಕ್ಕಾಗಿ ಕಾರ್ಯತಂತ್ರದ ಶಿಫಾರಸುಗಳನ್ನು ಮಾಡುವ ಬಗ್ಗೆ ಚರ್ಚಿಸಿದವು. ಪ್ರತಿನಿಧಿಗಳು ನಂತರ ಚಿಂತನ್ ಭವನಕ್ಕೆ ತೆರಳಿದರು, ಅಲ್ಲಿ ತಮ್ಮ ಕಾರ್ಯಪಡೆಗಳ ಉದ್ದೇಶಗಳು, ಚರ್ಚೆಗಳು ಮತ್ತು ಮುಂದಿನ ಮಾರ್ಗವನ್ನು ಪ್ರಸ್ತುತಪಡಿಸಿದರು.

ಸ್ಟಾರ್ಟ್‌ಅಪ್ 20 ಅಧ್ಯಕ್ಷ ಡಾ. ಚಿಂತನ್ ವೈಶವ್ ಸಮಾರೋಪ ಭಾಷಣವನ್ನು ಮಾಡಿದರು, ಇದರಲ್ಲಿ ಅವರು ಅಂತಿಮ ಸಭೆಗೆ ವೇಳಾಪಟ್ಟಿ ಒದಗಿಸಿದರು ಮತ್ತು ಭಾಗವಹಿಸುವವರನ್ನು ಲಿಂಕ್‌ಗಳನ್ನು ರಚಿಸಲು ಮತ್ತು ಸ್ಟಾರ್ಟ್‌ಅಪ್ 20 ಸಂದೇಶವನ್ನು ವರ್ಧಿಸಲು ಪ್ರೋತ್ಸಾಹಿಸಿದರು. ಸಿಕ್ಕಿಂ ಸಭೆಯ ಎರಡನೇ ದಿನವು ರುಮ್ಟೆಕ್ ಬೌದ್ಧ ವಿಹಾರಕ್ಕೆ ಸಾಂಸ್ಕೃತಿಕ ವಿಹಾರದೊಂದಿಗೆ ಮುಕ್ತಾಯವಾಯಿತು, ಅಲ್ಲಿ ಪ್ರತಿನಿಧಿಗಳು ಬೌದ್ಧ ದೇವಾಲಯಗಳಿಗೆ ಭೇಟಿ ನೀಡಿದರು, ಅವುಗಳ ಮಹತ್ವವನ್ನು ತಿಳಿದುಕೊಂಡರು ಮತ್ತು ಚಹಾವನ್ನು ಸವಿದರು.

ಸ್ಟಾರ್ಟ್‌ಅಪ್ 20 ಎಂಗೇಜ್‌ಮೆಂಟ್‌ ಗುಂಪು ಮೂರು ಕಾರ್ಯಪಡೆಗಳ ಮೂಲಕ ಕಾರ್ಯನಿರ್ವಹಿಸುತ್ತದೆ, ಅವುಗಳೆಂದರೆ ತಳಪಾಯ ಮತ್ತು ಮೈತ್ರಿ, ಹಣಕಾಸು ಮತ್ತು ಸೇರ್ಪಡೆ ಮತ್ತು ಸುಸ್ಥಿರತೆ. ಕಾರ್ಯಪಡೆಗಳು ಪ್ರಮುಖ ಆದ್ಯತೆಗಳನ್ನು ಅಭಿವೃದ್ಧಿಪಡಿಸಲು ಮತ್ತು ಜಾಗತಿಕವಾಗಿ ಸ್ಟಾರ್ಟ್ಅಪ್ ಪರಿಸರ ವ್ಯವಸ್ಥೆಗಳನ್ನು ಬೆಂಬಲಿಸಲು ಶಿಫಾರಸುಗಳನ್ನು ರೂಪಿಸುವ ವಿಷಯಗಳನ್ನು ಮುಂದಿಡುತ್ತವೆ. ಜುಲೈನಲ್ಲಿ ಗುರುಗ್ರಾಮ್‌ನಲ್ಲಿ ಸ್ಟಾರ್ಟ್‌ಅಪ್20 ಅಂತಿಮ ಸಭೆ ನಡೆಯಲಿದೆ.

****