شہری ہوا بازی اور اسٹیل کے مرکزی وزیر جناب جیوترادتیہ ایم سندھیا نے آج امرتسر اور گیٹوک کے درمیان  راست پرواز کا افتتاح کیا ہے۔ امرتسر اور گیٹ وِک کے درمیان  نان اسٹاپ پرواز ایئر انڈیا کے ذریعہ آج سے مندرجہ ذیل  اوقات  کے مطابق چلائی جائے گی:

 

شہری ہوا بازی اور اسٹیل کے مرکزی وزیر جناب جیوترادتیہ ایم سندھیا نے اپنے افتتاحی تقریر میں کہا کہ یہ نئی بین الاقوامی  پرواز اس شعبے کی ترقی کے لیے تحریک کا کام کرے گی ،یہ ایک جذباتی موضوع بھی ہے کیونکہ برطانیہ میں پنجاب کے لاکھوں لوگ رہتے ہیں اور یہ نئی پرواز دو  الگ الگ ملکوں میں رہنے والے خاندانوں کو جوڑنے کا کام کرے گی۔

جناب سندھیا نے امرتسر ہوائی اڈے کے بنیادی ڈھانچے کی ترقی پراظہار خیال کرتے ہوئےکہا کہ وزیراعظم جناب نریندر مودی کی قیادت میں مرکزی حکومت نے امرتسر ہوائی اڈے کی ترقی کی یقین  دہانی کرائی ہے۔ حکومت نے 50 کروڑ روپے کی لاگت سے 13 پارکنگ ایپرنس فروغ دیئے  ہیں، جناب سندھیا نے کہا کہ  100 کروڑ روپے کی لاگت سے ہوائی جہاز کی آسان آمدورفت کے لئے ایک متوازی ٹیکسی ٹریک کو  بھی فروغ دیا گیا ہے۔انہوں نے کہا کہ 250 کروڑ روپئے کی لاگت سے  ایک نئے  مربوط ٹرمینل کو بھی  فروغ دیا گیا ہے۔

شہری ہوابازی کے وزیر جناب سندھیا  نے  کنکٹی ویٹی کے بارے میں کہا کہ یہ امرتسر اور انگلینڈ کے درمیان تیسری پرواز ہے اور  اسے ملاکر چھ بین الاقوامی پروازیں امرتسر سے  انگلینڈ کے لئے چل رہی ہیں۔ جناب سندھیا نے کہا کہ سال  2014 تک امرتسر  فضائی روٹ سےصرف 6 شہروں سے جڑا  تھا، لیکن پچھلے نوبرسوں میں وزیراعظم جناب نریندر مودی  کی قیادت میں یہ بڑھ کر 21 شہروں تک پہنچ گیا ہے، اور اس میں  250 فیصد کا اچھال آیا  ہے۔ انہوں نے کہا کہ اس سے پہلے ہفتہ وار  آمدورفت 217 فی ہفتہ تھی جو اب 87 فیصد کے اضافے کے ساتھ بڑھ کر 416 فی ہفتہ ہو گئی ہے۔ جناب سندھیا نے کہا کہ  علاقائی رابطہ کی خدمات اُڑے دیش کا عام ناگرک  - اڑان اسکیم کے تحت پنجاب میں 145.35  کروڑ روپئے کے بجٹ کے ساتھ   20 فضائی روٹ شروع ہوچکے ہیں اور ماضی قریب میں  4  اور فضائی روٹس شروع کرنے کا منصوبہ ہے۔ انہوں نے کہا کہ حکومت نے کینیڈا کے ساتھ اوپن اسکائی آفر پر دستخط کیے ہیں جس میں ایئر لائن آپریٹرز ہندوستانی شہروں اور ان کے کینیڈا کے شہروں کے درمیان  غیرمحدود پروازیں چلا سکتے ہیں۔ انہوں نے کہا کہ انہیں امید ہے کہ اس معاہدے سے ریاست پنجاب اور وہاں کے لوگوں کو فائدہ ہوگا۔

اس تقریب میں تجارت اور صنعت کے وزیر مملکت جناب سوم پرکاش، جناب  ایس کے مشرا، جوائنٹ سکریٹری، شہری ہوا بازی  کے وزیر جناب مالویندر سنگھ جگی، سکریٹری شہری ہوا بازی، حکومت پنجاب اورایئر انڈیا کے چیف ایگزیکٹو افسر جناب کیمبل ولسن موجود تھے۔

************

ش ح ۔ ف ا  ۔  م  ص

 (U: 3366)

(Release ID: 1911288) Visitor Counter : 106