سٹرک ٹرانسپورٹ اور شاہراہوں کی وزارت
شاہراہ انجینئرنگ کے شعبے میں نئے خیالات اور ٹکنالوجیز پر معلومات کو مشترک کرنے کے لئے این ایچ آئی ڈی سی ایل اور سی ایس آئی آر- ایس ای آر سی ، چنئی کے درمیان مفاہمتی قرارداد پر دستخط کیے گئے
Posted On:
24 MAR 2023 4:01PM by PIB Delhi
حکومت ہند کی سڑک ٹرانسپورٹ اور قومی شاہراہوں کی وزارت کے تحت ایک سی پی ایس ای ، قومی شاہراہ اور انفراسٹرکچر ڈیولپمنٹ کارپوریشن لمیٹڈ (این ایچ آئی ڈی سی ایل) اور سی ایس آئی آر – ایس ای آر سی ( اسٹرکچرل انجینئرنگ ریسرچ سنٹر ، چنئی نے شاہراہ انجینئرنگ کے شعبے میں جدید خیالات اور ٹکنالوجیز پر معلومات مشترک کرنے کے لئے 23 مارچ 2023 کو ایک مفاہمتی قرارداد (ایم او یو) پر دستخط کئے۔ مفاہمتی قرار داد پر نیشنل ہائی ویز اینڈ انفراسٹرکچر ڈیولپمنٹ کارپوریشن لمیٹڈ کے منیجنگ ڈائرکٹر جناب چنچل کمار، اورسی ایس آئی آر – ایس ای آر سی چنئی کے ڈائرکٹر ڈاکٹر این آنندولّی نے دستخط کیے۔
یہ مفاہمتی قرارداد دونوں فریقوں کے درمیان تعاون کی بنیاد قائم کرنے کے لئے ہے، تاکہ نیشنل ہائی ویز انفراسٹرکچر ڈیولپمنٹ کارپوریشن لمیٹڈ اور کونسل آف سائنٹفک اینڈ انڈسٹریل ریسرچ-اسٹرکچرل انجینئرنگ ریسرچ سینٹر عام مفاد کی مختلف سرگرمیوں جیسے کہ شاہراہ انجینئرنگ کے شعبے میں ضابطوں اور شرطوں کے مطابق جدید خیالات اور ٹیکنالوجیز پر معلومات مشترک کرسکیں اور دیگر بنیادی ڈھانچے کے کام کرسکیں ۔ یہ تعاون سڑک کے شعبے میں تحقیق و ترقی کی سرگرمیوں کو مضبوط کرے گا۔ اس معاہدے سے شاہراہ کے بنیادی ڈھانچے کی ترقی کے شعبے میں تحقیق و ترقی اور تربیت میں تال میل قائم کرنے میں قیادت فراہم کرنے کی امیدہے۔
اس موقع پر اپنے خطاب میں نیشنل ہائی ویز انفراسٹرکچر ڈیولپمنٹ کارپوریشن لمیٹڈ کے منیجنگ ڈائریکٹر جناب چنچل کمار نے کہا کہ حکومت شراکت داری اور رہنمائی کے پروگراموں کے ذریعے معیاری تحقیق کو فروغ دینے کی حمایت کرتی ہے۔ یہ مفاہمتی قرارداد حکومت-اکیڈمک شراکت داری کا ایک نیا معیار قائم کرتا ہے جو سی ایس آئی آر – ایس ای آر سی اور این ایچ آئی ڈی سی ایل کے تکنیکی افسران میں سیکھنے کے عمل کو فروغ دے سکتا ہے اور فیکلٹی کے فروغ کے نئی مواقع پیدا کرسکتا ہے۔ یہ داخلی صلاحیت سازی میں بھی کارآمد ثابت ہوگا۔
************
ش ح ۔ ف ا ۔ م ص
(U: 3259)
(Release ID: 1910608)
Visitor Counter : 111