ঙসি ৱান ৱার্ল্দ তি.বি সম্মিৎ ২০২৩ হৌদোকপা থৌরমদা প্রধান মন্ত্রী শ্রী নরেন্দ্র মোদীনা হায়খ্রে তি.বিগী মায়োক্তা মালেম্না শোক্নরিবা লান অসিদা ভারতকী নমুনা অসি অনৌবনি। তি.বি মুৎথৎনবা মীয়াম্না জন ভাগিদারিগী ৱাখল্লোন্দা থবক তৌগদবনি।

ঙসিগী মীফম হৌদোকপা থৌরম অদুদা হেল্থ অমসুং ফেমিলি ৱেলফিয়ারগী য়ুনিয়ন মিনিস্তর দোক্তর মনসুখ মন্দাবিয়া, উত্তর প্রদেসকী রাজ্যপাল শ্রীমতি অনন্দিবেন পতেল, উত্তর প্রদেসকী চীফ মিনিস্তর য়োগী অদিত্যানাথ, হেল্থ অমসুং ফেমিলি ৱেলফিয়ারগী রাজ্য মন্ত্রী দোক্তর ভারতি প্রবিন পৱার, নিতি অয়োগ মেম্বর(হেল্থ)দোক্তর ভি.কে পাউল, উত্তর প্রদেসকী দিপুতি চীফ মিনিস্তর শ্রী ব্রজেস পাথক, নাইজেরিয়াগী হেল্থ মিনিস্তর ইমানুয়েল ওসাগি, ব্রাজিলগী ভাইস হেল্থ মিনিস্তর ইথেল লিওনোর নোইয়া মাসিএল, দব্লিউ.ঐচ.ও সাউথ-ইস্ত এসিয়া রিজনেল ওফিসকী রিজনেল দিরেক্তর দোক্তর পুনম খেত্রাপাল সিংহ অমসুং স্তোপ তি.বিগী ইজুকিউতিপ দিরেক্তর দোক্তর লুসিকা দিতিয়ু শরুক য়াখি।

রাজ্যগী রাজ্যপালশিং, রাজ্যগী হকশেলগী সেক্রেতরিশিং অমসুং এন.ঐচ.এম এম.দিশিংদা রাজ্যশিংদগী ওনলাইন্দা শরুক য়াখি। থৌরম অদুদা কোর্পোরেতশিং, ইন্দস্ত্রিশিং, এন.জি.ওশিং, সিবিল সোসাইতিশিংগী মীহুৎশিং অমসুং তি.বি চেম্পিয়নশিং শরুক য়াখি। মার্চ ২০১৮দা দিল্লিদা পাংথোকখিবা ইন্দ তি.বি সম্মিৎতা ভারতনা ২০২৫দা তি.বি মুৎথৎপা হায়না পান্দম থমখিবনি।

২০২৫দা ভারতনা তি.বি মুৎথৎনবা লৈবাক অসিনা পায়খৎলিবা থবকশিংগী খোমজিনবা “এন্নুএল ইন্দিয়া তি.বি রিপোর্ত ২০২৩” প্রধান মন্ত্রীনা ফোঙখি। মহাক্না এক্সত্রা পুলমোনারি তুবরকুলোসিসকী ত্রেনিং মোদুল অমশু হৌদোকখি। মোদুল অসি ভারত্তা সরকার অমসুং লনাইদা সেকেন্দরি অমসুং তর্সিয়ারি থাক্তা থবক তৌরিবা হকশেলগী মীওইশিং ত্রেনিং পীনবা মোদুলনি। তি.বি মরমদা মীয়াম ৱাখল তাহন্নবা, লায়না অসিদা হন্থহন্না য়েংলিবা অসি লৌথোক্নবা গ্রাম পঞ্চায়ত লাখ ২.৫ মতেং পাংনবা পায়খৎপা তি.বি-মুক্তা পঞ্চায়তকী থবকশু প্রধান মন্ত্রীনা হৌদোকখি। এক্তিব তি.বি ওইরকপা থিংনবা অনৌবা লায়য়েং মখল অমশু হৌদোকখি। তি.বিনা শোকহল্লবা ইমুংশিং য়াইফনবা নমুনা অমশু লাউথোকখি।

প্রধান মন্ত্রীনা নেসনেল সেন্তর ফোর দিজিজ কন্ত্রোল এন্দ হায় কন্তেনমেন্ত লেবোরেতোরি শানবা প্রধান মন্ত্রীনা উরেপ-উয়ুং তমখি অমসুং বারানসীদা মেত্রোপোলিতান পব্লিক হেল্থ সর্ভেলিয়েন্স য়ুনিতকী মফমসু হাংদোকখি।

মখোয়গী মরুওইবা থবকশিংদা মাইপাকপগীদমক রাজ্যশিং অমসুং জিলাশিংশু প্রধান মন্ত্রীনা মনা পীখি। রাজ্যশিং/য়ু.তিশিংগী কাংলুপতা কর্নাতকা অমসুং জম্মু অমসুং কাস্মিরদা মনা পীখি অমসুং জিলাগী থাক্তা নিলগিরিস(তামিল নাদু),পুলৱামা(জে অমসুং কে) অমসুং অনন্তনাগ(জে অমসুং কে)দা মনা পীখি। 

মীফম অদুদা মীয়ামদা ৱা ঙাংবদা প্রধান মন্ত্রী নরেন্দ্র মোদীনা হায়খি ৱান ৱার্ল্দ তি.বি সম্মিৎতা বসুধাইবা কুতুম্বকমকী ভারতকী ফিদমশিং উৎথোক্লে, মীওই খুদিংমক চপ মান্ননা অমসুং ইকায়খুম্নবগা লোয়ন্না, অনা-অয়েক লৈতনা অমসুং তি.বিগুম্বা লৌনগনবা লায়নাশিং লৈতনা হিংবা মালেম অমা ওইহন্নবা ঐখোয়না মসিগী ৱাখল্লোন অসি ইনগদবনি। ২০২৫তা ভারতনা তি.বি মুৎথৎকনি হায়না থাজবা পীরিবা অসি শিংনবা কয়ানা ভারত মাইথিবা পীবা ঙম্লোই হায়বা ভারতনা মালেমদা উৎলে। কোবিদ-১৯ লাইচৎনা খুদোংচাদবা কয়া মায়োক্নরবশু লৈবাক অসি হান্নগী ফিবমদা হল্লক্লে অমসুং লাইচৎ মমাঙদা লৈরম্বা তি.বিগী কেসশিংগী চাং অদুদা ফাওবা হন্থহনবা ঙম্লে।

কোবিদ লাইচৎ থেংনরবশু তি.বিগীদমক হকশেলগী মীওইশিংনা চোকথবা লৈতনা পায়খৎলিবা থবকশিং থাগৎনিঙাইনি। কোবিদ লাইচৎ মনুংদা ফাওবা তি.বিগীদমক ফাইব-তি(ত্রেন্স, তেস্ত,ত্রেক,ত্রিৎ অমসুং তেক্নোলোজি) শীজিন্ননবা মখোয়দা পাউতাক পীখি হায়না শ্রী মোদীনা মখা তাখি।

প্রধান মন্ত্রীনা হায়খি লৈবাক অসিনা জি-২০গী প্রসিদেন্ত ওইরিবা অসিদা হকশেল অসি মালেমগী মরুওইবা অমনি হায়না ভারতনা পুথোক্লে। মরুওইবা থবকশিংগী মনুংদা দিজিতেলগী পাম্বৈশিং শীজিন্নদুনা অফবা হকশেলগী খুদোংচাবশিং ফংহনবা, হিদাং-লাংথকশিং শুংনবা মতেং পাংনবা হেনগৎহনবা, এন্তি-মাইক্রোবিএল রেসিস্তেন্স থেংনবা, তি.বিগী মায়োক্তা ভারত অমসুং মালেম্না লান্থেংনরিবা অসিদা মতেং পাংবা য়াওরি।

শ্রী নরেন্দ্র মোদীনা হায়খি নেসনেল ইন্সতিতুৎ ফোর রিছর্স ইন তুবরকুলোসিস(এন আই আর তি)গুম্বা আই.সি.এম.আর ইন্সতিতুৎশিংনা মালেমদা খ্বাইদগী চাউবা নেসনেল তুবরকুলোসিস প্রিভালেন্স সর্ভে পাংথোক্তুনা রাজ্যগী থাক্তা লৈরিবা তি.বিগী পোৎলুমশিং খঙদোকপদা ঐখোয়গী মতেং পাংলে। লায়না অসি মুৎথৎনবা জিলাশিংদা পায়খৎপা থবকশিং অনৌবা সাইন্তিফিক ওইবা পাম্বৈ অমা-সব-নেসনেল সর্তিফিগেসন(এস এন সি) পায়খৎপা মালেমদা অমতা ঙাইরবা লৈবাক ভারতনা ওইরে। দি.বি.তি স্কিমগী মখাদা তি.বি অনাবা মীওইশিংদা লুপা করোর ২,০০০ হেন্না হকথেংন্না পীখ্রে।

তি.বি মুৎথৎনবা লৈবাক অসিদা তোঙান-তোঙানবা সেক্তরশিংনা লৌরিবা থৌদাংশিংগী মতাংদা প্রধান মন্ত্রীনা হায়খি নি-ক্ষয় মিত্রাশিংনা লুপা করোর ১,০০০ হেন্না পুথোকখি, মসি মালেমদা খ্বাইদগী চাউবা মীয়াম্না শরুক য়াবা তি.বিগী থবক ওইরে।মীয়াম্না শরুক য়াদুনা মসিগী জন ভাগিদারি অসি মীয়ামগী খোঙজং অমা ওইরে অমসুং সবকা সাথ, সবকা বিকাস, সবকা শ্বাস্থাগী অচুম্বা খুদম অমনি।

প্রধান মন্ত্রীনা হায়খি তেক্নোলোজি, দিজিতেল ইন্নোবেসনশিং, দেতা সাইন্স অমসুং ইপিদিমিওলোজিনা মালেমদা তি.বি থেংন্নবা ভারতনা থৌনা ওইরে। নি-ক্ষয় পোর্তেল অসি তি.বি অনাবা মীওই খুদিংমক খোঙ্গুল লিনবগী মোদেল অমনি অমসুং মমাঙদা থা ৬ চুপ্না নুমিৎ খুদিংগী হিদাক চারম্বা অদুগী মহুত্তা চয়োল ১২গী মনুংদা অমুক খক্ত হিদাক চাবগী অনৌবা অতেনবা মতমগী তি.বি লায়য়েং চৎথবা হৌরে। তি.বি মুৎথৎনবা মালেমগী থবকশিংদা মতেং পাংবা ওইনা অতোপ্পা লৈবাকশিংদা তেক্নোলোজিগী খুৎলায়শিং, চাংয়েং তৌনবা মচাকশিং, হিদাক-লাংথকশিং পীরে।

অনা-লায়য়েংগী লমদা ভারতনা মাইপাক্না পায়খৎলিবা থবকশিংগী মতাংদা প্রধান মন্ত্রীনা হায়খি লেম্না হিদাক পীবা, চাংয়েং তৌবা অমসুং তেলিমেদিসিনগী খুদোংচাবশিং য়াওরবা অয়ুস্মান ভারত-হেল্থ এন্দ ৱেলনেস সেন্তর লাখ ১.৫ হেন্না ভারত্তা লিংখৎলে। প্রধান মন্ত্রী জন অরোগ্যা য়োজনাগী মখাদা মীওই মিল্লিয়ন ৫০০ হেন্না লেম্না সেকেন্দরি অমসুং তর্সিয়ারি লায়য়েংগী খুদোংচাবশিং ফংলে। অনৌবা তিকা কয়া হৌদোকপদগী ঐখোয়গী চহি ৫গী মখাদা লৈবা অঙাংশিং শিবগী চাং অঙাং ১০০০গী মনুংদা ৪৫ ওইরম্বদগী ৩২দা হন্থরে, ২০১৪দগী মেতেরনেল মোর্তালিতি রেসিও( লাইফ বার্থ লাখ অমগী মনুংদা ১৩০ ওইরম্বদগী ৯৭দা হন্থরকপা) য়াম্না চাউনা পোইন্ত ৩৩ হন্থরে। রাজ্য ৮ মেতেরনেল মোর্তালিতি রেসিওগী এস.দি.জি পান্দমশিং ফংবা ঙমখ্রে। তিকা থাবগী চাং হেনগৎহনবদা মিসন ইন্দ্রধনুসনা অচৌবা থৌদাং লৌরে।

প্রধান মন্ত্রীনা হায়খি ঐখোয়গী তিকা পুথোকপা অমসুং হিদাক-লাংথকশিং শুংবা ঙম্বগী থৌনা অসিনা মালেমগী ওইনা কোবি তিকাশিং অমসুং তি.বি হিদাকশিং ঐখোয়না পীবা ঙম্বনি। ঐখোয়গী ফার্মা ইন্দস্ত্রিনা মালেমগী তি.বি হিদাক চাদা ৮০ হেন্না পীবা ঙম্লে। তি.বিগী তিকা অমা পুথোক্নবা ভারতকী রিছর্স তৌরিবশিং অমসুং সাইন্তিস্তশিংনা থবক পায়খৎলি। তি.বি মুৎথৎনবা তি.বি বিজেতাশিংগী থবক থাগৎনিঙাইনি। তি.বিগী মায়োক্তা শোক্নরিবা লান অসিদা অনাবশিংগা লোয়ন্না মাংজিল থাদুনা মখোয়না অনা-লায়য়েংগী থবক অসিগী য়াংলেন শরুনি। 

তি.বিগী থৌরমশিং মাইপাকপদা দোক্তর মনসুখ মন্দাবিয়ানা থাগৎপা ফোঙদোকখি অমসুং লৈবাক অসিনা কোবি-১৯ মায়োক্নবগা লোয়ন্না ২০২৫দা তি.বি মুৎথৎপা ঙমগনি হায়না মহাক্কী থাজবা ফোঙদোকখি। মালেমগী লৈবাকশিংগী মরক্তা হেন্না মতেং পাংনদুনা প্রধান মন্ত্রীগী মালেম অমা, হকশেল অমা শেমগৎনবা মঙলান অদু মহাক্না পনখি।

য়ুনিয়ন হেল্থ মিনিস্তরনা হায়খি নি-ক্ষয় মিত্রগী থবক হৌদোকপদগী শুপ্নগী নুমিৎ ১৫গী মনুংদা নি-ক্ষয় মিত্র ওইনবা মীওই ৫০,০০০ হেন্না চে থারকখ্রে। অচৌবা থবক অমগীদমক ঐখোয়না মতেং পাংবা মতমদা ঐখোয়গী থবকশিং অদু মাইপাকপা ঙমগনি। অসিগুম্বা থৌনা অসিনা ঐখোয়না ২০২৫দা তি.বি মুৎথৎপা ঙমগনি হায়না ঐনা অচেৎপা থাজবা থম্লি।

ৱান ৱার্ল্দ তি.বি সম্মিৎকী মফম ওইনবা বারানসী খনবগীদমক শ্রী য়োগী অদিত্যনাথনা লৈবাক অসিগী লুচিংবশিং থাগৎপা ফোঙদোকখি। তি.বি মুক্তা ভারত অমা ওইহন্নবা গ্রাম প্রধানশিংগী মতেং লৌনবা তি.বি মুক্তা পঞ্চায়তকী থবক হৌদোকপগীদমক মহাক্না প্রধান মন্ত্রী থাগৎখি।

দোক্তর লুসিকা দিতুয়ুনা হায়খি চহি লিশিং কয়া শুরিবা সহর অমদা মালেমদা চহি লিশিং কয়া কুইরবা লায়না অমগী মীফম পাংথোক্লি। ভারত্তা তি.বি লায়নাগী অচৌবা চৈথেং ফংলবশু খ্বাইদগী ফবা থৌরাং অমসুং পান্দম্না লায়না অসি মুৎথৎপা ঙমগনি। ভারতগুম্বা লৈবাক অমনা হোৎনবদগী, পুৱারিদা অহানবা ওইনা তি.বি লায়ওং মশক খঙদোক্ত্রিবা অমসুং লায়য়েংদ্রিবা মীওই মশিং হৌজিক মিল্লিয়ন ৩গী মখাদা লৈরে। লৈবাক খুদিংমক নি-ক্ষয় মিত্রগী থবক পায়খৎকদবনি।

প্রধান মন্ত্রী নরেন্দ্র মোদীগী লমজিং মখাদা ভারত ২০২৫দা তি.বি মুৎথৎনবা লম্বীদা চৎলি হায়না ফোঙদোক্লদুনা দোক্তর দিতিয়ুনা হায়খি তি.বি থেংন্নবা ভারতনা পায়খৎলিবা থবকশিং অসি উরগা ২০২৫দা ভারতনা তি.বি মুৎথৎপা ঙমগনি হায়বসি থাজৈ। নিউ য়োর্কতা য়ু.এন জেনেরেল এশেমব্লি মনুংদা সেপ্তেম্বর ২২দা য়ু.এনগী অৱাংবা থাক্কী তি.বিগী মীফম পাংথোক্কনি অমসুং মীফম অদুদা প্রধান মন্ত্রীশু শরুক য়ানবা হায়জখ্রে।

নুঙগীৱারোল

মালেমগী লৈবাকশিংনা ২০৩০দা তি.বি লায়না মুৎথৎনবা পান্দম থম্লবশু ভারতকী ওইনা ২০২৫তা লায়না অসি মুৎথৎনবা ২০১৮দা ভারতকী প্রধান মন্ত্রী শ্রী নরেন্দ্র মোদীনা থাজবা পীখ্রে। মতুং তারকপদা, নেসনেল তি.বি ইলিমিনেসন প্রোগ্রামগী লাল্লোং অমুক হন্না শেমদোকখি অমসুং অনাবশিংগী য়াইফনবা অনৌবা স্কিম কয়া অমসুং থবক কয়া হৌদোকখি। ভারত্তা খ্বাইদগী ৱাংবা ওইনা ২০২২দা তি.বি অনাবা মীওই লাখ ২৪.২২ হেন্না থেংনখি। মসি ২০১৩দা কেস লাখ ১৪ ওইখিবা অদুগা চাংদম্নবদা ভারতনা লায়না অসি ঙাকথোক্নবা পায়খৎলিবা থবকশিংগী কান্নবা মশক খঙখি। মীয়ামগা লোয়ন্না থবক কয়া পায়খৎপদগী লায়না অসিগী মতাংদা খুমাঙচাউশিনবা কয়া উবা ফংখি।

হেল্থ অমসুং ফেমিলি ৱেলফিয়ার মিনিস্ত্রি অমসুং স্তোপ তি.বি পার্তনরসিপনা পুন্না শীনবা ৱান ৱার্ল্দ তি.বি সম্মিৎ অসিনা ভারতনা জি-২০গী প্রসিদেন্ত ওইবা মতমদা ভারতনা তি.বি থেংন্নবা হোৎনবদা ফংলকপা লৌশিং কয়া মালেমদা উৎনবা খুদোংচাবা অমা পীরগনি। মীফম অসিদা পাংথোক্লিবা মরুওইবা থৌরমশিংদগী তি.বি মুৎথৎনবা ভারতনা পায়খৎলিবা মরুওইবা থবকশিং মশক তাকপদা মতেং পাংগনি। মীফম মতুংদা, লৈবাকশিংগী দেলিগেদশিংনা অয়ুস্মান ভারত-হেল্থ অমসুং ৱেলনেস সেন্তরশিং অমসুং গ্রাম পঞ্চায়তশিংদা চৎতুনা তি.বি লাকশিন্নবা ভারতনা পায়খৎলিবা অনৌবা থবকশিং অমসুং মীয়ামগা নক্না থবক তৌনবা হোৎনরিবশিং য়েংহনগনি।

থৌরম অসি য়েংবা য়াগনি:

https://www.youtube.com/watch?v=ulCtyxszN_k

******