راجیہ سبھا کے چیئرمین جناب جگدیپ دھنکھڑ نے حکمراں اور اپوزیشن دونوں جماعتوں کی طرف سے اٹھائے گئے مسائل پر ایوان میں تعطل کو ختم کرنے کی کوشش میں آج راجیہ سبھا میں مختلف سیاسی جماعتوں کے فلور لیڈروں کا دو بار اجلاس طلب کیا۔

اجلاس میں انھوں نے اس بات پر زور دیا کہ ایوان کی کارروائی کو منظم انداز میں چلانا ہماری اولین ذمہ داری ہے جو جمہوریت کی روح اور عوام کی توقعات کے عین مطابق ہے۔ ڈیڑھ گھنٹے تک جاری رہنے والی میٹنگ کے دوران جناب دھنکھڑ نے اس بات کو اجاگر کری کہ ایوان باہمی تعاون سے بحث و مباحثہ کے لیے ہے نہ کہ تصادم اور تعطل کے لیے۔

پہلی میٹنگ صبح ساڑھے گیارہ بجے ہوئی جس میں بی جے پی، وائی ایس آر سی پی، بی جے ڈی اور ٹی ڈی پی کے قائدین موجود تھے۔ تاہم دیگر پارٹیوں کے فلور لیڈروں نے شرکت نہیں کی۔ کانگریس پارٹی کے چیف وہپ اور ڈی ایم کے پارٹی کے فلور لیڈر نے اجلاس سے پہلے چیئرمین سے الگ الگ ملاقات کی اور چیئرمین کے ذریعہ بلائے گئے اجلاس میں شرکت کرنے سے معذوری کا اظہار کیا۔ چیئرمین نے ان دونوں رہنماؤں کو اشارہ دیا کہ اس سے جمہوریت کے مقصد میں مدد نہیں ملے گی اور ان کے جذبات کو رہنماؤں تک پہنچایا جائے گا۔

حالانکہ پہلی میٹنگ میں کانگریس، اے آئی ٹی سی، ڈی ایم کے، عام آدمی پارٹی، بی جے ڈی، آر جے ڈی، سی پی آئی (ایم)، جے ڈی (یو)، اے آئی اے ڈی ایم کے، این سی پی، ایس پی، ایس ایس، سی پی آئی، ٹی آر ایس، اے جی پی اور بی جے پی، وائی ایس آر سی پی، بی جے ڈی اور ٹی ڈی پی کو چھوڑ کر دیگر کے قائدین غیر حاضر رہے۔

اس کے بعد راجیہ سبھا کے چیئرمین نے پہلی میٹنگ سے غیر حاضر پارٹیوں کے فلور لیڈروں سے ایک اور اپیل کی کہ وہ اپنے فیصلے پر نظر ثانی کریں اور آج دوپہر ڈھائی بجے منعقدہ دوسری میٹنگ میں شرکت کریں۔

دوسری میٹنگ میں راجیہ سبھا کے ڈپٹی چیئرمین ڈاکٹر ہری ونش، این سی پی کے شرد پوار، ٹی آر ایس کے ڈاکٹر کیشو راؤ، ڈی ایم کے کے شری تروچی شیوا، ٹی ایم سی کے ڈاکٹر شانتنو سین، ڈی ایم کے کے جناب ایم تھمبی دورائی، بی جے ڈی کے جناب ساسمت پاترا، تمل منیلا کانگریس کے جناب جی کے وسان، اے جی پی کے بیریندر پرساد بیشیا نے شرکت کی۔ مرکزی وزیر اور قائد ایوان جناب پیوش گوئل، پارلیمانی امور کے مرکزی وزیر جناب پلہاد جوشی، وزیر مملکت برائے پارلیمانی امور و ثقافت جناب ارجن رام میگھوال، وزیر مملکت برائے امور خارجہ و پارلیمانی امور جناب وی مرلی دھرن اور بی جے پی (راجیہ سبھا) کے چیف وہپ جناب لکشمی کانت باجپائی۔

مزید مشاورت کے لیے چیئرمین نے اگلا اجلاس 10 مارچ 00 کو صبح 23 بجے مقرر کیا ہے جس میں تمام فلور لیڈروں سے درخواست کی گئی ہے کہ وہ اس میں شرکت کو آسان بنائیں۔

***

(ش ح – ع ا – ع ر)

U. No. 3080

(Release ID: 1909275) Visitor Counter : 61