ਐੱਨਟੀਪੀਸੀ ਲਿਮਿਟਿਡ ਦੀ ਪੂਰਨ ਪ੍ਰਸ਼ਾਸਨਿਕ ਨਿਯੰਤ੍ਰਣ ਵਾਲੀ ਸਹਾਇਕ ਕੰਪਨੀ ਨੈਸ਼ਨਲ ਥਰਮਲ ਪਾਵਰ ਕਾਰਪੋਰੇਸ਼ਨ ਨੇ ਇੰਡੀਅਨ ਆਇਲ ਕਾਰਪੋਰੇਸ਼ਨ ਲਿਮਿਟਿਡ ਦੀਆਂ ਰਿਫਾਇਨਰੀਆਂ ਦੇ ਲਈ ਚੌਬੀ ਘੰਟੇ ਬਿਜਲੀ ਉਪਲਬਧਤਾ ਸੁਨਿਸ਼ਚਿਤ ਕਰਨ ਦੇ ਉਦੇਸ਼ ਨਾਲ ਨਵਿਆਉਣਯੋਗ ਊਰਜਾ ਪ੍ਰੋਜੈਕਟਾਂ ਨੂੰ ਸ਼ੁਰੂ ਕਰਨ ਲਈ ਇੰਡੀਅਨ ਆਇਲ ਕਾਰਪੋਰੇਸ਼ਨ ਲਿਮਿਟਿਡ ਦੇ ਨਾਲ ਇੱਕ ਸੰਯੁਕਤ ਉੱਦਮ ਸਮਝੌਤੇ ‘ਤੇ ਦਸਤਖਤ ਕੀਤੇ ਹਨ।

 

ਇੰਡੀਅਨ ਆਇਲ ਕਾਰਪੋਰੇਸ਼ਨ ਲਿਮਿਟਿਡ ਦੇ ਕਾਰਜਕਾਰੀ ਡਾਇਰੈਕਟਰ (ਐੱਮਐਂਡਆਈ), ਸ਼੍ਰੀ ਕੌਸ਼ਿਕ ਬਸੁ ਅਤੇ ਨੈਸ਼ਨਲ ਥਰਮਲ ਪਾਵਰ ਕਾਰਪੋਰੇਸ਼ਨ ਗ੍ਰੀਨ ਐਨਰਜੀ ਲਿਮਿਟਿਡ ਦੇ ਜਨਰਲ ਮੈਨੇਜਰ, ਸ਼੍ਰੀ ਵੀ. ਵੀ. ਸ਼ਿਵਕੁਮਾਰ ਦੁਆਰਾ ਐੱਨਟੀਪੀਸੀ ਲਿਮਿਟਿਡ ਦੇ ਚੀਫ਼ ਮੈਨੇਜਿੰਗ ਡਾਇਰੈਕਟਰ, ਸ਼੍ਰੀ ਗੁਰਦੀਪ ਸਿੰਘ ਤੇ ਇੰਡੀਅਨ ਆਇਲ ਕਾਰਪੋਰੇਸ਼ਨ ਲਿਮਿਟਿਡ ਦੇ ਚੇਅਰਮੈਨ, ਸ਼੍ਰੀਕਾਂਤ ਮਾਧਵ ਵੈਦਯ ਦੀ ਮੌਜੂਦਗੀ ਵਿੱਚ ਇਸ ਸੰਯੁਕਤ ਉੱਦਮ ਸਮਝੌਤੇ ‘ਤੇ ਦਸਤਖਤ ਕੀਤੇ ਗਏ।

 

ਐੱਨਟੀਪੀਸੀ ਲਿਮਿਟਿਡ ਨੇ ਆਪਣੇ ਪੂਰਨ ਪ੍ਰਸ਼ਾਸਨਿਕ ਨਿਯੰਤ੍ਰਣ ਵਾਲੀ ਸਹਾਇਕ ਕੰਪਨੀ ਐੱਨਜੀਈਐੱਲ ਦੇ ਮਾਧਿਅਮ ਨਾਲ ਆਪਣੀ ਹਰਿਤ ਊਰਜਾ ਵਪਾਰਕ ਗਤੀਵਿਧੀਆਂ ਨੂੰ ਤੇਜ਼ੀ ਨਾਲ ਅੱਗੇ ਵਧਣ ਦੇ ਲਈ ਅਗਲੇ ਦਹਾਕੇ ਵਿੱਚ 60 ਗੀਗਾਵਾਟ ਦਾ ਨਵਿਆਉਣਯੋਗ ਊਰਜਾ ਉਤਪਾਦਨ ਵਿਸਤਾਰ ਕਰਨ ਦਾ ਮਹੱਤਵਆਕਾਂਖੀ ਲਕਸ਼ ਨਿਰਧਾਰਿਤ ਕੀਤਾ ਹੈ।

 

ਦੋ ਮਹਾਰਤਨ ਦਿੱਗਜ ਕੰਪਨੀਆਂ ਦੁਆਰਾ ਇਸ ਸੰਯੁਕਤ ਉੱਦਮ ਸਮਝੌਤੇ ‘ਤੇ ਦਸਤਖਤ ਕਰਨ ਨਾਲ ਨੈਸ਼ਨਲ ਥਰਮਲ ਪਾਵਰ ਕਾਰਪੋਰੇਸ਼ਨ ਲਿਮਿਟਿਡ ਅਤੇ ਇੰਡੀਅਨ ਆਇਲ ਕਾਰਪੋਰੇਸ਼ਨ ਲਿਮਿਟਿਡ ਨੂੰ ਆਪਣੀਆਂ ਸਾਰੀਆਂ ਵਪਾਰਕ ਗਤੀਵਿਧੀਆਂ ਵਿੱਚ ਭਾਰਤ ਸਰਕਾਰ ਦੇ ਸਵੱਛ ਊਰਜਾ ਲਕਸ਼ਾਂ ਨੂੰ ਪੂਰਾ ਕਰਨ ਵਿੱਚ ਸਹਾਇਤਾ ਮਿਲੇਗੀ।

 

ਐੱਨਟੀਪੀਸੀ ਲਿਮਿਟਿਡ ਦੇ ਡਾਇਰੈਕਟਰ (ਐੱਚਆਰ), ਸ਼੍ਰੀ ਡੀ. ਕੇ. ਪਟੇਲ, ਐੱਨਟੀਪੀਸੀ ਲਿਮਿਟਿਡ ਵਿੱਚ ਡਾਇਰੈਕਟਰ (ਪ੍ਰੋਜੈਕਟਾਂ), ਸ਼੍ਰੀ ਯੂ. ਕੇ. ਭੱਟਾਚਾਰਯ, ਐੱਨਟੀਪੀਸੀ ਲਿਮਿਟਿਡ ਦੇ ਡਾਇਰੈਕਟਰ (ਵਿੱਤ), ਸ਼੍ਰੀ ਜੈਕੁਮਾਰ ਸ੍ਰੀਨਿਵਾਸਨ, ਇੰਡੀਅਨ ਆਇਲ ਕਾਰਪੋਰੇਸ਼ਨ ਲਿਮਿਟਿਡ ਦੇ ਡਾਇਰੈਕਟਰ (ਆਰ), ਸੁਸ਼੍ਰੀ ਸ਼ੁਕਲਾ ਮਿਸਤ੍ਰੀ ਅਤੇ ਐੱਨਜੀਈਐੱਲ, ਐੱਨਟੀਪੀਸੀ ਆਰਈਐੱਲ ਤੇ ਆਈਓਸੀਐੱਲ ਦੇ ਹੋਰ ਸੀਨੀਅਰ ਅਧਿਕਾਰੀ ਵੀ ਇਸ ਅਵਸਰ ֹ‘ਤੇ ਮੌਜੂਦ ਸਨ।

****

ਏਐੱਮ/

(Release ID: 1909187) Visitor Counter : 81