नवी दिल्ली, 20 मार्च 2023

चालू आर्थिक वर्ष 2022-2023 मध्ये (फेब्रुवारी, 2023 पर्यंत), देशात सुमारे 785.24 मेट्रिक टन कोळशाचे उत्पादन झाले आहे, जे गेल्या वर्षीच्या याच कालावधीत झालेल्या सुमारे 681.98 मेट्रिक टन उत्पादनापेक्षा सुमारे 15.14% जास्त आहे. सन 2021-2022 मध्ये देशभरातील कोळसा उत्पादन 778.19 दशलक्ष टन (एमटी) होते जे 2020-2021 मधील 716.08 एमटी च्या तुलनेत सुमारे 8.67% जास्त होते. देशातील कोळशाची बहुतांश गरज स्वदेशी उत्पादन/पुरवठ्यातून भागवली जाते. कोळशाचे देशांतर्गत उत्पादन वाढवण्यावर आणि देशातील कोळशाची अनावश्यक आयात दूर करण्यावर सरकारचे लक्ष आहे.

गेल्या पाच वर्षातील देशातील कोळसा पुरवठा, आयात आणि वापराचा तपशील खालीलप्रमाणे आहे.

[आकडे दशलक्ष टनमध्ये (एमटी)]

[Figures in Million Tonnes (MT)]
Year	2017-18	2018-19	2019-20	2020-21	2021-22
Total Consumption / Demand (a+b)	898.25	968.14	955.72	906.13	1027.92
Total Import (b)	208.25	235.35	248.54	215.25	208.93
Total Domestic coal Supply (a)	690.00	732.79	707.18	690.88	818.99

वर्ष 2022-23 साठी, डिसेंबर 2022 पर्यंत एकूण आयात 186.06 एमटी आहे आणि फेब्रुवारी 2023 पर्यंत एकूण देशांतर्गत कोळसा पुरवठा 794.96 एमटी आहे.

इंडोनेशिया, ऑस्ट्रेलिया, दक्षिण आफ्रिका, अमेरिका आणि रशिया हे 5 प्रमुख परदेशी कोळसा पुरवठादार देश आहेत.

कोळसा, खाण आणि संसदीय कामकाज मंत्री प्रल्हाद जोशी यांनी आज राज्यसभेत एका लेखी उत्तरात ही माहिती दिली.

 

G.Chippalkatti/V.Joshi/P.Malandkar

 

सोशल मिडियावर आम्हाला फॉलो करा:@PIBMumbai    /PIBMumbai    /pibmumbai  pibmumbai[at]gmail[dot]com  /PIBMumbai    /pibmumbai

(Release ID: 1908910) Visitor Counter : 158