২০২৩ ফাওবগী মনুংদা কার্বোন থাদোক্তবা অমা ওইনবা ভারত রেলৱেজনা মপুংফানা থবক পায়খৎলি। মপুংফানা ইলেক্ত্রিক ফংহন্নবা খোঙথাং অমদা, মার্চ ১৫,২০২৩দা দুধনাই-মেন্দিপাথার(২২.৮২৩ ত্রেক কিমি) শিঙ্গল লাইন সেক্সন অমসুং অভয়পুরী-পঞ্চরত্ন(৩৪.৫৯ ত্রেক কিমি) দবল লাইন থবক হৌদুনা নোর্থ ইস্তর্ন ফ্রন্তিয়ার রেলৱেনা অতোপ্পা মাইপাকপা অমা পুরক্লে। হায়রিবা সেক্সনশিং অসিদা ইলেক্ত্রিক ফংহনবগী থবক সেন্ত্রেল ওর্গনাইজেসন ফোর রেলৱে ইলেক্ত্রিফিকেসন(কোর)না পাংথোকপনি।

প্রধান মন্ত্রী শ্রী নরেন্দ্র মোদীনা ২০১৪দা শঙ্গারবা মতুংদা মথৌ পাংথোক্তুনা লাক্লবা মেন্দিপাথার অসি মেঘালয়গী অমতা ঙাইরবা স্তেসন্নি। ইলেক্ত্রিক ত্রেক্সনশিং থবক হৌরবা মতুংদা, ইলেক্ত্রিক লোকোমোতিপনা চিংবা ত্রেনশিং হৌজিক মেঘালয়গী মেন্দিপাথারদগী হকথেংন্না চেনবা হৌবা য়ারগনি অমসুং মসিনা খোঙজেল য়াংখৎহনবা ঙম্লগনি। মী অমসুং পোৎ-চৈ পুবা ত্রেনশিং হায়রিবা সেক্সনশিং অসিদা সেক্সন অমদা চেনবা য়াগদবা খোঙজেলদা মপুংফানা চেনবা ঙম্লগনি। হায়রিবা সেক্সন অসিদা মতম চপ চানা চেনবা ঙম্লগনি। ইলেক্ত্রিক লোকোমোতিপশিংনা চিংবা ত্রেনশিং অতোপ্পা রাজ্যশিংদগী মেঘালয় ফাওবা য়ৌবা ঙম্লগনি।

ইলেক্ত্রিক ফংহনবা অসিনা অৱাং-নোংপোক ভারত্তা ত্রেন চেনবদা খুদোংচাবা হেনগৎহল্লগনি। থাউ শীজিন্নরম্বদগী ইলেক্ত্রিক্তা হোংখিবনা মরম ওইদুনা পোল্লুসন হন্থহল্লগনি অমসুং লমদম অসিদা রেলৱেগী থবকশিং নিংথিনা পাংথোকপা ঙম্লগনি। মসিনা ত্রেনশিং অৱাং-নোংপোক্কী রাজ্যশিংদা চেল্লকপা অমসুং অতোপ্পা রাজ্যশিংদা চেনখিবদা মতম চঙবা হন্থহল্লগনি অমসুং ফোরেন একচেঞ্জ কনবা ঙম্লগনি।

*****