ভারত সরকারগী সাইন্স অমসুং তেক্নোলোজী বিভাগকী “ভারতকী হিমালয়গী মফমশিংগী রাজ্যশিংদা ক্লাইমেত চেঞ্জ ভলনরেবিলিতী এসেসমেন্ত তৌবগী কেপাসিতী বিলদিং” তৌবগী প্রোজেক্তকী মখাদা ফোঙবা “কম্মন ফ্রেমৱর্ক অমা শিজিন্নদুনা ভারতকী হিমালয়গী মফমশিংদা অইং-অশাগা মরী লৈনবা অৱাবা চৈথেং থেংনবা য়াবগী ফিভম য়েংশিনবা” (২০১৮-১৯) হায়না মিংথোনবা পাউদম অমা আই.আই.তি. গুৱাহাতী, আই.আই.তি. মন্দী অমসুং বেঙ্গালোরগী ইন্দিয়ন ইন্সতিত্যুত ওফ সাইন্সনা পীশিনখ্রে। পাউদম অসিগী মতুং ইন্না, অসম রাজ্যদা ইরিগেসনগী মখাদা চনবা খ্বাইদগী য়ামদবা লমগী পাক চাউবা (চাদা ওনবদা), খুঙ্গংগী য়ুম ১০০০দা খ্বাইদগী য়ামদবা ফোরেস্ত এরিয়া অমসুং ভারতকী হিমালয়গী লমদমশিংগী রাজ্য/য়ু.তি. ১২গী মনুংদা খ্বাইদগী অনিশুবা নেম্বা পর কেপিতা ইনকম লৈ হায়না ফোংদোক্লি।

পাউদম অসিনা হিমালয়গী লমদমশিংগী রাজ্য/য়ু.তি. ১২গী মনুংদা অসম্না অইং-অশা হোংবগী চৈথেং খ্বাইদগী হেন্না থেংনগনি হায়না ফোংদোক্লি।

অসম সরকারনা মখোয়গী মরী লৈনবা বিভাগশিংগা খন্ন-নৈনদুনা ভারত সরকারগী ইনভাইরনমেন্ত, ফোরেস্ত অমসুং ক্লাইমেত চেঞ্জ (এম.ও.ই.এফ.সি.সি.) মন্ত্রালয় অমসুং ভারতকী নেস্নেনেল্লী দিতর্মাইন্দ কন্ত্রিব্যুসন (এন.দি.সি.), সস্তেনেবল দিভেলপমেন্ত গোল (এস.দি.জি.) অমসুং লৈবাক অমসুং মালেমগী মরী লৈনবা পান্দম কয়াগী কাঙলোনগী মখা পোন্না স্তেত এক্সন প্লান ওন ক্লাইমেত চেঞ্জ (এস.এ.পি.সি.সি.) অসিদসু অহোংবা কয়া পুরকখ্রে। অসমগী স্তেত এক্সন প্লান ওন ক্লাইমেত চেঞ্জ (ভর্জন ২.০, ২০২১-২০৩০) অসিনা এতমোস্ফিয়রগা মরী লৈননা লেপ্তনা চেকশিনৱা  পীরিবা অমসুং প্রেসিপিতেসনগী পেত্তর্ন্দা লৈরক্লিবা অহোংবশিংনা রাজ্য অসিগী ঈশিং থোকফম, লৌউ-শিংউ, উমং, মখোয়গী তোপ-তোপ্লবা বাইও-দাইবর্সিতী অমসুং মীয়াম লৈনরিবা মফমশিংদা চৈথেং পীরি হায়না পনখি।

ভারত সরকারনা অইং-অশা হোংবগী চৈথেংগা মাইয়োক্ননবা খোঙফম চেৎলি। সোলর ইনর্জী, ইনর্জী ইফিসিএন্সী, ৱাতর, সস্তেনেবল এগ্রিকলচর, হিমালয়গী ইকোসীস্তেম, সস্তেনেবল হেবিতেত, হেল্থ, গ্রীন ইন্দিয়া অমসুং ক্লাইমেত চেঞ্জকী স্ত্রেতজিক ওইবা লৌশিং কয়া য়াওবা নেস্নেল এক্সন প্লান ওন ক্লাইমেত চেঞ্জ (এন.এ.পি.সি.সি.) য়াওনা তোঙান-তোঙানবা প্রোগ্রাম কয়া সরকারনা চলায়রি। এন.এ.পি.সি.সি.না ক্লাইমেত এক্সন খুদিংবু মপুং ওইনা য়েংশিনবা ফ্রেমৱর্ক অমা পীরি।

হায়রিবা ই-পাউশিং অসি অৱাং নোংপোক লমদমগী চাউখৎ থৌরাং মন্ত্রালয়গী কেন্দ্র মন্ত্রী শ্রী জি. কিশন রেদ্দীনা রাজ্য সভাদা ঙসি অইবা পাউখুম ওইনা পীখিবনি।

******

(Release ID: 1907826) Visitor Counter : 152