সিবিল এবিয়েসন মন্ত্রালয়
এয়রপোর্তস ওথোরিতী ওফ ইন্দিয়াগী এয়রপোর্ত ২৫ লীজগীদমক খনগৎলে
এ.এ.আই.না পি.পি.পি. মোদেলগী খুত্থাংদা মসিগী এয়রপোর্ত নিপাল লীজদা পীখ্রে
Posted On:
13 MAR 2023 3:12PM by PIB Imphal
নেস্নেল মোনেতাইজেসন পাইপলাইন (এন.এম.পি.)গী মতুং ইন্না এয়রপোর্তস ওথোরিতী ওফ ইন্দিয়া (এ.এ.আই.)গী এয়রপোর্ত ২৫ চহি ২০২২দগী ২০২৫ ফাওবা লীজগীদমক খনগৎলে।
এ.এ.আই.না মসিগী এয়রপোর্ত নিপাল মমিং পল্লবদা দিল্লী, মুম্বাই, অহমেদাবাদ, গুৱাহাতি, জয়পুর, লখনৌ, মেঙ্গলুরু অমসুং থিরুবনান্থপুরমবু লোং তর্ম লীজ বেসিসতা ওপরেসন, মেনেজমেন্ত অমসুং দিবলপমেন্তগীদমক পব্লিক প্রাইভেত পার্তনরশিপ (পি.পি.পি.) মোদকী খুত্থাংদা লীজতা পীখ্রে।
মসিগী মনুংদা দিল্লী অমসুং মুম্বাই এয়রপোর্তশিং অসি ২০০৬দা খুৎশিন্নখি। হৌখিবা চহি মঙাগী মনুংদা হায়বদি ২০১৭-১৮দগী ২০২১-২২ ফাওবদা এ.এ.আই.না চাউরাক্না দিল্লী এয়রপোর্ত্তগী লুপা করোর ৫৫০০ অমসুং মুম্বাই এয়রপোর্ত্তগী লুপা করোর ৫১৭৪গী রেভেন্যু ফংখি।
পি.পি.পি.গী মখাদা হন্দক্তা পায়খৎপা এয়রপোর্ত ৬ হায়বদি মেঙ্গলুরু, লখনৌ, অহমেদাবাদ, গুৱাহাতি, জয়পুর অমসুং থিরুবনান্থপুরমবু মথংশিৎনা ৩১.১০.২০২০, ০২.১১.২০২০, ০৭.১১.২০২০, ০৮.১০.২০২১, ১১.১০.২০২১ অমসুং ১৪.১০.২০২১দা কন্সেসিয়নরীশিংদা খুৎশিন্নখ্রে। ফেব্রুৱারী ২০২৩ ফাওবদা এ.এ.আই.না মসিগী এয়রপোর্ত তরুক অসিগীদমক কন্সেসিয়নরীশিংদগী চাউরাক্না লুপা করোর ৮৯৬কী কন্সেসন ফী ফংখ্রে। মখাতানা মসিগী এয়রপোর্তশিং অসিদা এ.এ.আই.না পুথোকখিবা কেপিতেল এক্সপেন্দিচরগী ওইনা অপফ্রন্ত ফীগী মওংদা চাউরাক্না লুপা করোর ২৩৪৯গী শেনফম অমসু এ.এ.আই.না ফংখ্রে।
পি.পি.পি. প্রোসেস মনুং হায়বদি মার্চ ২০১৮দগী পি.পি.পি. পার্তনরদা এয়রপোর্তশিং খুৎশিন্নবা ফাওবদা, এ.এ.আই.না হন্দক্তা খুৎশিন্নখিবা পি.পি.পি. এয়রপোর্ত তরুক অসিদা কেপিতেল ৱার্কসকী মায়কৈদা চাউরাক্না লুপা করোর ১৯৭০গী শেনফম অমা চাদিং তৌখি। এ.এ.আই.না পুথোকখিবা কেপিতেল এক্সপেন্দিচর অসি পি.পি.পি. পার্তনরনা এ.এ.আই.দা পীরকখ্রে।
ইনফোর্মেশন অসি ঙসি রাজ্য সভাদা হংলকপা ৱাহং অমদা অইবা পাউখুম ওইনা সিভিল এভিয়েসন মন্ত্রালয়গী রাজ্য মন্ত্রী জেনরেল (দা.) ভি.কে. সিংহ (পোত্থারবা)না পীখিবনি।
*****
(Release ID: 1907717)
Visitor Counter : 97