ماحولیات، جنگلات اور موسمیاتی تبدیلی کی وزارت
ماحولیات کے لئے لائف – طرز زندگی ،آب وہوا میں تبدیلی سے نمٹنے کے لئے اہم
گرین معیشت ، مرکزی بجٹ 24-2023 کے چوٹی کی سات ترجیحات (سپتارشی ) میں سے ایک
Posted On:
13 MAR 2023 4:18PM by PIB Delhi
ماحولیات ، جنگلا ت اور آب وہوا میں تبدیلی کے وزیر جناب اشونی کمار چوبے نے آج لوک سبھا میں ایک سوال کے تحریری جواب میں بتایا کہ حکومت نے تمام شراکتداروں نیز عوام میں احساس پیدا کرنے کے مقصد سے ماحولیات ( لائف ) تحریک کے لئے طرز زندگی شروع کی ہے۔ یہ تحریک وسائل کے بے جا استعمال کے بجائے منظم ڈھنگ سے استعمال کی ضرورت کے بارے میں بیداری پید ا کرنے کی غرض سے شروع کی گئی ہے۔اس تحریک کے حصے کے طورپر افراد ، کمیونیٹیز اور اداروں کے لئے سات زمروں میں 75 انفرادی ماحول دوست کارروائیوں ( لائف ایکشنز) کی جامع او رغیر تشریحی فہرست کی نشاندہی کی گئی ہے۔
تحریری جواب میں یہ بتایا گیا کہ نومبر 2021 میں گلاسگو میں کوپ -26 میں ہندوستان کی جانب سے وضاحت کئے گئے پانچ عناصر کو پیرس سمجھوتے اور مساوی اور مشترکہ او ر عام اصولوں کے مطابق 2070 تک مکمل کاربن کے اخراج کے لئے طویل مدتی لو کاربن ڈیو لپمنٹ حکمت عملیوں کے تحت اضافی طور پر طے کئے گئے قومی تعاون کو این ڈی سی میں مناسب طورپر شامل کیا گیا ہے،لیکن قومی حالات کی روشنی میں متعلقہ صلاحیتوں او رمختلف ذمہ داریوں میں فرق کیا گیا ہے۔
اگست 2022 میں یو این ایف سی سی سی کو پیش کئے گئے این ڈی سی کو اپ ڈیٹ کرنے میں ہندوستان کا عزم شامل ہے تاکہ 2005 کی سطح سے 2030 تک 45 فیصد تک اس کی جی ڈی پی کے اخراج کی شدت کو کم کیا جاسکے اور ٹکنالوجی کی منتقلی کی مدد اور گرین کلائمیٹ فنڈ کے علاوہ کم لاگت والے بین الاقوامی مالیہ کی مددسے 2030 تک غیر فوصل فیول پر مبنی توانائی کے وسائل سے بجلی کی مجموعی نصب شدہ صلاحیت کا تقریباََ 50 فیصد حاصل کیا جاسکے اورآب وہوا میں تبدیلی سے نمٹنے کے لئے ماحولیات کے لئے لائف - طرز زندگی کے لئے ایک عوامی تحریک کے ذریعہ نیز تحفظ اور جدید کا ری کی قدروں اور روایات پر مبنی زندگی کے صحت مند اور ٹھوس طریقے کو مزید پھیلایا جاسکے اور انہیں پیش کیا جاسکے ۔
این ڈی سی کو اپ ڈیٹ کیا جانا 2070 تک نیٹ زیرو تک پہنچنے کا ہندوستان کا طویل مدتی مقصد کی جانب ایک اہم قدم ہے، جس کے لئے ہندوستان نے ایک الگ فریم ورک ڈاکیو منٹ تیار کیا ہے اور داخل کیا ہے ،جس کا عنوان ہے: ‘‘ نومبر 2022 میں یو این ایف سی سی سی کے سکریٹریٹ کے لئے ہندوستان کی طویل مدتی لو کاربن ڈیولپمنٹ اسٹریٹرجی’’ ہندوستان کی طویل مدتی حکمت عملی کا انحصار لو کاربن ڈیو لپمنٹ پاتھ ویز کے لئے سات اہم ٹرانزیشن پر مبنی ہے ، جس میں کاربن کے اخراج سے ترقی کو فروغ دینا اور ایک فعال اختراعی کم اخراج کے صنعتی نظام کا فروغ شامل ہے۔
یہ بھی کہا گیا ہے کہ ہندوستان کی حکومت نے پہلے ہی 23-2022 اور 24-2023 کے مرکزی بجٹ میں کئی اعلانات سمیت بہت سے اقدامات کئے ہیں۔گرین اکنامی یکم فروری 2023 کو پارلیمنٹ میں پیش کئے گئے مرکزی بجٹ کے چوٹی کی سات ترجیحات (سپتا رشی ) میں سے ایک ہے ۔ مرکزی بجٹ میں توانائی کی تبدیلی اور نیٹ زیرو مقاصد اورتوانائی کی یقینی فراہمی کے لئے ترجیحی پونجی سرمایہ کاری کے لئے 35000 کروڑروپے فراہم کئے گئے ہیں۔بجٹ میں ہندوستان کی آب وہوا سے متعلق عزم کے مطابق شمسی بجلی آلات اور بیٹریوں کی گھریلو پیداوار کو فروغ دے کر توانائی کی تبدیلی کو بڑھاوا دیا گیا ہے۔
*************
ش ح۔ح ا ۔ رم
U-2658
(Release ID: 1906671)
Visitor Counter : 116