ఈ సంవత్సరం అంతర్జాతీయ మహిళా దినోత్సవం థీమ్‌కు అనుగుణంగా'డిజిట్‌ఆల్: ఇన్నోవేషన్ అండ్ టెక్నాలజీ ఫర్ జెండర్ ఈక్వాలిటీ' పేరుతో ఉద్యోగుల స్టేట్ ఇన్సూరెన్స్ కార్పొరేషన్ (ఈఎస్‌ఐసీ) కార్యాలయాలు/ఆసుపత్రులు వారం రోజుల పాటు కార్యకలాపాలను నిర్వహించాయి. ఇందులో భాగంగా లింగ సున్నితత్వం, పరిష్కారాలపై సెమినార్,  బీమా చేయబడిన మహిళలు/ప్రసూతి ప్రయోజనాల క్లెయిమ్‌లకు సంబంధించిన పెండింగ్ బిల్లులు, మహిళలకు ప్రత్యేక ఆరోగ్య పరీక్షలు/ఆరోగ్య తనిఖీ శిబిరాలు కార్యక్రమంలో భాగంగా నిర్వహించబడ్డాయి. అంతర్జాతీయ మహిళా దినోత్సవాన్ని పురస్కరించుకుని వారం రోజుల పాటు నిర్వహించిన కార్యక్రమాలలో రూ9.3 కోట్ల విలువైన 3724 మెటర్నిటీ బెనిఫిట్ క్లెయిమ్‌లు ప్రాసెస్ చేయబడ్డాయి మరియు పరిష్కరించబడ్డాయి.

 

బీమా చేయబడిన మహిళలకు ఆన్‌లైన్‌లో ప్రసూతి ప్రయోజనాలను క్లెయిమ్ చేసే సదుపాయాన్ని ఈఎస్‌ఐసీ ప్రవేశపెట్టింది. సాంకేతికత సహాయంతో సాధికారత కల్పించడం ద్వారా మహిళా లబ్ధిదారుల ప్రయోజనాలను పొందే ప్రయత్నాలను సులభతరం చేసింది.ఈఎస్‌ఐసీ ఇటీవల ఈఎస్‌ఐ పథకం కింద కవర్ చేయబడిన బీమా చేయబడిన మహిళల కోసం చొరవలను తీసుకుంది. టెలిమెడిసిన్ వంటి సాంకేతికత సౌకర్యాలు కల్పించడం వల్ల మహిళా లబ్ధిదారులు తమ ఇళ్ల నుంచే ఆరోగ్య సంరక్షణ సేవలను పొందేందుకు సహాయపడ్డారు.

అంతర్జాతీయ మహిళా దినోత్సవాన్ని పురస్కరించుకుని అన్ని రంగాలలో మహిళల భాగస్వామ్యాన్ని ప్రోత్సహించే లక్ష్యంతో వారం రోజుల పాటు సాగిన కార్యక్రమాల శ్రేణి ఈరోజు న్యూఢిల్లీలోని ఎంప్లాయీస్ స్టేట్ ఇన్సూరెన్స్ కార్పొరేషన్ (ఈఎస్‌ఐసీ) ప్రధాన కార్యాలయంలో జరిగినసెమినార్‌తో ముగిసింది. ఈ సదస్సుకు ఈఎస్‌ఐసీ డైరెక్టర్‌ జనరల్‌ డాక్టర్‌ రాజేంద్రకుమార్‌ అధ్యక్షత వహించారు. ఈ కార్యక్రమంలో ఈఎస్‌ఐసీ ఫైనాన్షియల్ కమిషనర్, శ్రీమతి టి.ఎల్. యాడెన్; ఈఎస్ఐసీ సివిఓ శ్రీ మనోజ్ కుమార్ సింగ్; మినిస్ట్రీ ఆఫ్ మైక్రో, స్మాల్ అండ్ మీడియం ఎంటర్ప్రైజెస్ (ఎంఎస్‌ఎంఈ) డిప్యూటీ డైరెక్టర్ జనరల్ శ్రీమతి. అనుజా బాపట్; నీతి ఆయోగ్‌ సీనియర్ స్పెషలిస్ట్ మరియు డైరెక్టర్ డా. సాక్షి ఖురానా పాల్గొన్నారు.

"డిజిట్‌ఆల్: ఇన్నోవేషన్ & టెక్నాలజీ ఫర్ జెండర్ ఈక్వాలిటీ" అనే ఈ సంవత్సరం థీమ్‌ను పరిగణనలోకి తీసుకుంటూ పోటీ ప్రపంచంలోని అవకాశాలను గ్రహించగలిగేలా ఐటి ఎనేబుల్డ్ టెక్నాలజీల ద్వారా మహిళలకు సాధికారత కల్పించడంపై డాక్టర్ రాజేంద్ర కుమార్ ప్రసంగించారు. ఇన్ఫర్మేషన్ టెక్నాలజీ ఆధారిత సొల్యూషన్స్ ద్వారా మహిళలకు ఆరోగ్య సంరక్షణ సేవలను వారి ఇళ్ల నుంచే పొందవచ్చని ఆయన తెలిపారు. మన సమాజంలోని మహిళలకు ఉన్నతమైన ప్రాధాన్యతను గుర్తించి అందించడానికి ఇది సరైన సమయమని ఆయన అన్నారు. పని రంగంలో మహిళల భాగస్వామ్యం పరంగా తక్కువ ర్యాంక్‌లో ఉన్నప్పటికీ సమగ్రత మరియు సాంకేతికతను సమగ్రపరచడం ద్వారా లింగ సమానత్వ దృక్పథాన్ని త్వరగా సాధించవచ్చని ఆయన అభిప్రాయపడ్డారు.

బీమా చేయబడిన మహిళల కోసం ఆన్‌లైన్‌లో ప్రసూతి ప్రయోజనాలను క్లెయిమ్ చేసే సదుపాయాన్ని తీసుకురావడం కోసం ఈఎస్‌ఐసీ చేసిన ప్రయత్నాలను ఈఎస్‌ఐసీ ఆర్థిక కమీషనర్ టి.ఎల్. యాడెన్ ప్రశంసించారు. సాంకేతికత సహాయంతో మహిళా లబ్ధిదారుల ప్రయోజనాలను పొందే ప్రయత్నాలను సులభతరం చేశారని తెలిపారు. వివక్షను తగ్గించడం ద్వారా మరియు సమాజంలోని సభ్యులందరికీ ఒక స్థాయి ట్రీట్‌మెంట్‌ అందించడం ద్వారా అనేక విధాలుగా మహిళలకు సాధికారత కల్పించే వాతావరణాన్ని అభివృద్ధి చేయగల సాంకేతికత యొక్క ప్రాముఖ్యతను ఆమె పునరుద్ఘాటించారు.ఈఎస్‌ఐసీ సివిఓ శ్రీ మనోజ్ కుమార్ సింగ్ జీవితంలోని అన్ని రంగాలలో మహిళల భాగస్వామ్యాన్ని మరియు సహకారాన్ని తెలిపారు.

మినిస్ట్రీ ఆఫ్ మైక్రో, స్మాల్ అండ్ మీడియం ఎంటర్ప్రైజెస్ (ఎంఎస్‌ఎంఈ) డిప్యూటీ డైరెక్టర్ జనరల్‌ శ్రీమతి.అనూజా బాపట్ జీవితంలోని అన్ని రంగాల్లో మహిళలకు సమాన అవకాశాలు కల్పించాలని ఉద్ఘాటించారు. సామాజిక సంక్షేమ పథకాల్లో మహిళలను ప్రధాన స్రవంతిలోకి తీసుకురావాలని ఆమె కోరారు.

 

 

నీతి ఆయోగ్‌లోని సీనియర్ స్పెషలిస్ట్ మరియు డైరెక్టర్ డాక్టర్ సాక్షి ఖురానా మాట్లాడుతూ మన సమాజంలోని అట్టడుగు వర్గాలకు చెందిన మహిళలతో కలిసి పనిచేసిన అనుభవాన్ని పంచుకున్నారు. మరియు వారి జీవితాల్లోని కష్టాలను తగ్గించడంలో ఈఎస్‌ఐసీ మరియు ఈపిఎఫ్‌ఓ వంటి సామాజిక భద్రతా పథకాలు ఎలా సహాయపడుతున్నాయో వివరించారు.

 

 

ఈఎస్‌ఐసీ మెడికల్ కమీషనర్ డా. దీపికా గోవిల్ ఆరోగ్య విద్యలో మహిళల భాగస్వామ్యం గురించి మరియు సమాజంలో సమానత్వాన్ని సాధించడానికి సమానత్వాన్ని ప్రోత్సహించడం గురించి నొక్కి చెప్పారు. ఇన్సూరెన్స్ కమీషనర్ (పి&ఏ) శ్రీ దీపక్ జోషి ప్రపంచవ్యాప్తంగా మహిళలు సాధించిన విజయాలు మరియు వారికి సాధికారత కల్పించే మార్గాల గురించి మాట్లాడారు.

 

వారోత్సవాల సందర్భంగా నిర్వహించిన వ్యాసరచన పోటీల్లో పాల్గొన్న వారిని ప్రముఖులు నగదు బహుమతులు, సర్టిఫికెట్ల రూపంలో సత్కరించారు. ఈ కార్యక్రమంలో ఈఎస్‌ఐసి ప్రధాన కార్యాలయ ప్రధాన అధికారులు, సిబ్బంది పాల్గొన్నారు.
 

 

 

*******

(Release ID: 1905507)