భారత ప్రభుత్వ ఆహార ప్రాసెసింగ్ పరిశ్రమల మంత్రిత్వ శాఖ 2023 మార్చి 6 నుండి 7 వరకు తమిళనాడులోని మధురైలో రెండు రోజుల 'మిల్లెట్ ఫెయిర్ కమ్ ఎగ్జిబిషన్' నిర్వహించింది. సూక్ష్మ, చిన్న, మధ్యతరహా పరిశ్రమల శాఖ, తమిళనాడు ప్రభుత్వ వ్యవసాయ మార్కెటింగ్, అగ్రి బిజినెస్ శాఖ సహకారంతో చిరుధాన్యాల మహోత్సవ్ సిరీస్ లో భాగంగా ఈ ప్రదర్శన నిర్వహించారు.

 

పెరల్ మిల్లెట్ (సజ్జ),సోర్గమ్ (జొన్న), ఫింగర్ మిల్లెట్ (రాగి), చిన్న చిరుధాన్యాలు (ఫాక్స్ టైల్ మిల్లెట్, బార్న్ యార్డ్ మిల్లెట్, కోడో మిల్లెట్, ప్రోసో మిల్లెట్) , లిటిల్ మిల్లెట్ తో సహా వివిధ రకాల చిరుధాన్యాల ఉత్పత్తికి తమిళనాడు ప్రసిద్ధి చెందింది. మదురై జిల్లా పెరల్ మిల్లెట్ (సజ్జ), సోర్గమ్ (జొన్న), ఫింగర్ మిల్లెట్ (రాగులు) , చిన్న చిరుధాన్యాల ఉత్పత్తికి ప్రసిద్ధి చెందింది. 2019-20 సంవత్సరంలో జిల్లాలో 3,548 టన్నుల పెరల్ మిల్లెట్ (సజ్జ), 22,405 టన్నుల జొన్న (జొన్న), 69 టన్నుల ఫింగర్ మిల్లెట్ (రాగులు), 130 టన్నుల చిరుధాన్యాలు ఉత్పత్తి అయ్యాయి.

2019-20 సంవత్సరంలో జిల్లాలో 3,548 టన్నుల పెరల్ మిల్లెట్ (సజ్జ), 22,405 టన్నుల జొన్న (జొన్న), 69 టన్నుల ఫింగర్ మిల్లెట్ (రాగులు), 130 టన్నుల చిరుధాన్యాలు ఉత్పత్తి అయ్యాయి.

 

ఈ సందర్భంగా ప్రధాన మంత్రి ఫార్మలైజేషన్ ఆఫ్ మైక్రో ఫుడ్ ప్రాసెసింగ్ ఎంటర్ ప్రైజస్ (పీఎంఎఫ్ఎంఇ) పథకం కింద మొదటి కామన్ ఇంక్యుబేషన్ సెంటర్ ను తమిళనాడు వ్యవసాయ విశ్వవిద్యాలయం మదురై లోని కృషి విజ్ఞాన కేంద్రంలో తమిళనాడు ప్రభుత్వ వాణిజ్య పన్నులు, రిజిస్ట్రేషన్ల శాఖ మంత్రి  శ్రీ పి.మూర్తి,, తమిళనాడు ప్రభుత్వ సూక్ష్మ, చిన్న, మధ్యతరహా పరిశ్రమల (ఎంఎస్ఎంఇ) మంత్రి టి.ఎం. అంబరసన్ , తమిళనాడు ప్రభుత్వ వ్యవసాయ, రైతు సంక్షేమ శాఖ మంత్రి ఎం.ఆర్.కె. పన్నీర్ సెల్వం ప్రారంభించారు.

పప్పులప్రాసెసింగ్, ఫ్రూట్ అండ్ వెజిటబుల్ ప్రాసెసింగ్ కోసం ఈ కామన్ ఇంక్యుబేషన్ సెంటర్ ఏర్పాటు చేశారు.

 

ఆత్మనిర్భర్ భారత్ స్ఫూర్తి తో పాటు, ఎంటర్ ప్రెన్యూర్ షిప్ అభివృద్ధిని ప్రోత్సహించేందుకు ఔత్సాహిక పారిశ్రామికవేత్తలతో వినూత్న వ్యవసాయ, ఫుడ్ ప్రాసెసింగ్ టెక్నాలజీల కోసం తమ ఆలోచనలను సమర్పించాలని ఆహ్వానిస్తూ అగ్రి హ్యాకథాన్ ను నిర్వహించారు. ఈ చొరవకు 400కు పైగా దరఖాస్తులతో సానుకూల స్పందన లభించింది. ఎంపికైన దరఖాస్తుదారులకు బూట్ క్యాంప్ శిక్షణ ఇచ్చారు, వీరిలో నలుగురు దరఖాస్తుదారులను ఫండింగ్ గ్రాంట్, మెంటర్షిప్ హ్యాండ్ హోల్డింగ్ సపోర్ట్ కోసం షార్ట్ లిస్ట్ చేశారు. మైక్రో ఫుడ్ ప్రాసెసింగ్ సంస్థలు చిరుధాన్యాల ప్రాసెసింగ్ రంగంలోకి ప్రవేశించేలా ప్రోత్సహించేందుకు 17 మిల్లెట్ ఆధారిత బ్రాండ్లను అతిథులు ప్రారంభించారు. ఈ సందర్భంగా తమిళనాడు వ్యవసాయ విశ్వవిద్యాలయం చిరుధాన్యాలపై ప్రచురించిన పుస్తకాన్ని ఆవిష్కరించారు.

అనంతరం చిరుధాన్యాల ఆధారిత ఉత్పత్తుల ప్రదర్శనలో వివిధ చిరుధాన్యాల ఆధారిత,  విలువ ఆధారిత ఉత్పత్తులు, వినూత్న చిరుధాన్యాల ఆధారిత వంటకాలను ప్రదర్శించే 150కి పైగా స్టాల్స్ ను ప్రముఖులు సందర్శించారు.

 

బయ్యర్ సెల్లర్ మీట్ సందర్భంగా నిర్వహించిన బి 2 బి మరియు బి 2 సి ఇంటరాక్షన్ ల ద్వారా మైక్రో ఫుడ్ ప్రాసెసింగ్ ఎంటర్ప్రైజెస్ కు ప్రముఖ పరిశ్రమ సంస్థలతో సంభాషించడానికి ఒక వేదికను అందించడం ఈ రెండు రోజుల ప్రదర్శన లక్ష్యం. మార్కెటింగ్, ఈ-కామర్స్, ఆన్లైన్, ఆఫ్లైన్ రిటైల్ కోసం క్వాలిటీ పారామీటర్లు మొదలైన వాటిపై లోతైన అవగాహన పొందడానికి పాల్గొనేవారు సంస్థలతో సంభాషించారు.

చిరుధాన్యాలపై ప్రత్యేక దృష్టి సారించిన ఫుడ్ ప్రాసెసింగ్ రంగంలోని భాగస్వాములందరినీ ఒకే వేదికపైకి తీసుకువచ్చి వివిధ చిరుధాన్యాల ఆధారిత ఉత్పత్తుల ప్రదర్శన, అమ్మకాలు, 19 స్వయం సహాయక బృందాలు తయారు చేసిన 45 చిరుధాన్యాల ఆధారిత వంటకాలను ప్రదర్శించే లైవ్ కిచెన్, చిరుధాన్యాల రెసిపీ ప్రదర్శన, వంట పోటీ, అగ్రి హ్యాకథాన్, చిరుధాన్యాల ప్రాసెసింగ్ పై సమాచార సెషన్లు,  కొనుగోలుదారుల - విక్రేతల సమావేశం, పరిశ్రమ నిపుణులు ,సూక్ష్మ ఆహార ప్రాసెసింగ్ సంస్థలు, స్వయం సహాయక సంఘాలు, ఆహార ప్రాసెసింగ్ లో నిమగ్నమైన ఎఫ్ పిఒల మధ్య ఇంటరాక్టివ్ సెషన్ లు నిర్వహించారు.

 

పులియట్టం, పొయిక్కల్ కుతిరై అట్టం, కరకట్టం, కుమ్మి వంటి సాంస్కృతిక కార్యక్రమాలు, కళారూపాలు ఈ కార్యక్రమాన్ని సుసంపన్నం చేసి, పాల్గొనేవారికి తమిళనాడు సాంస్కృతిక వారసత్వాన్ని తెలియజేశాయి. సూక్ష్మ ఆహార శుద్ధి సంస్థలు, స్వయం సహాయక బృందాలు, రైతు ఉత్పత్తిదారుల సంస్థలు, ఉత్పత్తిదారుల సహకార సంఘాలు సహా 6000 మందికి పైగా పాల్గొన్న చిరుధాన్యాల మహోత్సవ్ కు విశేష స్పందన లభించింది.

 

మిల్లెట్ మహోత్సవ్ తో పాటు, ఉత్పత్తిదారులు, ఆహార ప్రాసెసర్లు, పరికరాల తయారీదారులు, లాజిస్టిక్స్ ప్లేయర్లు, కోల్డ్ చైన్ ప్లేయర్లు, టెక్నాలజీ ప్రొవైడర్లు, విద్యావేత్తలు, స్టార్టప్ అండ్  ఇన్నోవేటర్లు, ఫుడ్ రిటైలర్లు, ఫుడ్ రిటైలర్లు మొదలైన భాగస్వాములు అందరికీ ఒక ప్రత్యేక వేదికను అందించడానికి మంత్రిత్వ శాఖ 2023 నవంబర్ 3 నుండి 5 వరకు న్యూఢిల్లీలోని ప్రగతి మైదాన్ లో మెగా ఫుడ్ ఈవెంట్ వరల్డ్ ఫుడ్ ఇండియా 2023 ను నిర్వహిస్తోంది. ప్రపంచ ఆహార రంగంలో భారత్ ను దృఢంగా నిలిపేందుకు ప్రముఖ ప్రపంచ, దేశీయ ఆహార కంపెనీలకు చెందిన ప్రముఖులు, గ్లోబల్ ఇన్వెస్టర్లు, బిజినెస్ లీడర్ల సమ్మేళనంగా ఈ కార్యక్రమం జరగనుంది.

 

ఐక్యరాజ్యసమితి జనరల్ అసెంబ్లీ 2023ను అంతర్జాతీయ చిరుధాన్యాల సంవత్సరంగా ప్రకటించిన నేపథ్యంలో, ఆహార ప్రాసెసింగ్ పరిశ్రమల మంత్రిత్వ శాఖ చిరుధాన్యాల పోషక ప్రయోజనాలు, విలువ జోడింపు, వినియోగం , ఎగుమతి సామర్థ్యంపై అవగాహన కల్పించే లక్ష్యంతో దేశంలోని 20 రాష్ట్రాలు , 30 జిల్లాల్లో చిరుధాన్యాల మహోత్సవ్ ను నిర్వహిస్తోంది. మధ్యప్రదేశ్, బీహార్, తెలంగాణ, తమిళనాడు, ఉత్తరప్రదేశ్, అసోం, గుజరాత్, ఆంధ్రప్రదేశ్, ఉత్తరాఖండ్, ఒడిశా, పంజాబ్, కేరళ, రాజస్థాన్, హిమాచల్ ప్రదేశ్, కర్ణాటక, మహారాష్ట్ర, ఛత్తీస్గఢ్, హర్యానా, పశ్చిమబెంగాల్, జార్ఖండ్ రాష్ట్రాలు ఈ ఈవెంట్లకు ఆతిథ్యమిస్తున్నాయి.

 

130 కి పైగా దేశాలలో పండించబడుతున్న చిరుధాన్యాలు ఆసియా , ఆఫ్రికా అంతటా అర బిలియన్ కంటే ఎక్కువ మందికి సాంప్రదాయ ఆహారంగా పరిగణించబడుతున్నాయి.

 

జీవనోపాధిని సృష్టించడానికి, రైతుల ఆదాయాన్ని పెంచడానికి ,ప్రపంచవ్యాప్తంగా ఆహార ,పోషక భద్రతను నిర్ధారించడానికి చిరుధాన్యాలు చాలా ముఖ్యమైనవి. ప్రపంచ ఉత్పత్తిలో 41 శాతం వాటాతో భారత్ ప్రపంచంలో చిరుధాన్యాల ఉత్పత్తిదారుల్లో అగ్రగామిగా ఉంది. అనేక ఐక్యరాజ్యసమితి సుస్థిర అభివృద్ధి లక్ష్యాలకు (ఎస్ డి జి) అనుగుణంగా ఉన్న చిరుధాన్యాల అపారమైన సామర్థ్యాన్ని గుర్తించిన భారత ప్రభుత్వం (జిఒఐ) చిరుధాన్యాలకు ప్రాధాన్యత ఇచ్చింది. గౌరవ ప్రధాన మంత్రి నేతృత్వంలోని భారత ప్రభుత్వం చేసిన అంతర్జాతీయ చిరుధాన్యాల సంవత్సరం (ఐవోఎం) 2023 ప్రతిపాదనను ఐక్యరాజ్యసమితి జనరల్ అసెంబ్లీ (యుఎన్ జిఎ) ఆమోదించింది. ఐఓఎంను జరుపుకోవడంలో భారత ప్రభుత్వం ముందంజలో ఉండటానికి ఈ ప్రకటన ఎంతగానో దోహదపడింది.

 

పిఎంఎఫ్ఎంఇ పథకం గురించి:

 

ప్రధాన మంత్రి ఫార్మలైజేషన్ ఆఫ్ మైక్రో ఫుడ్ ప్రాసెసింగ్ ఎంటర్ప్రైజెస్ (పిఎమ్ఎఫ్ఎమ్ఇ) పథకం అనేది అసంఘటిత విభాగంలో వ్యక్తిగత సూక్ష్మ సంస్థల పోటీతత్వాన్ని పెంచడానికి ఇంకా ఈ రంగం క్రమబద్ధీకరణను ప్రోత్సహించే లక్ష్యంతో "ఆత్మనిర్భర్ భారత్ అభియాన్" లో భాగంగా 2020 జూన్ 29 న ఆహార ప్రాసెసింగ్ పరిశ్రమల మంత్రిత్వ శాఖ (ఎంఒఎఫ్ పి ఐ) ప్రారంభించిన కేంద్ర ప్రాయోజిత పథకం.

 

ఈ పథకం దేశంలో మైక్రో ఫుడ్ ప్రాసెసింగ్ సంస్థల అప్ గ్రేడేషన్ కోసం ఆర్థిక, సాంకేతిక , వ్యాపార మద్దతును అందిస్తుంది. ఆయా రాష్ట్రాల రాష్ట్ర నోడల్ ఏజెన్సీల సహకారంతో ఈ పథకాన్ని అమలు చేస్తున్నారు. ఈ పథకం అమలు కోసం అన్ని రాష్ట్రాలు/ కేంద్రపాలిత ప్రాంతాలు నోడల్ ఏజెన్సీలను నియమించాయి. వ్యక్తిగత సంస్థలకు క్రెడిట్ లింక్డ్ సబ్సిడీల దరఖాస్తులను జిల్లా స్థాయిలో, గ్రూపుల దరఖాస్తులను రాష్ట్ర స్థాయిలో/ ఎంఓఎఫ్ పిఐ ఆమోదిస్తారు. పీఎంఎఫ్ఎంఇ పథకం  ఎంఐఎస్ పోర్టల్ ఫుడ్ ప్రాసెసింగ్ యూనిట్ల అప్ గ్రేడేషన్ కోసం , క్రెడిట్ లింక్డ్ సబ్సిడీ కోసం వ్యక్తిగత దరఖాస్తులను స్వీకరిస్తోంది. పర్యవేక్షణ, అనుమతుల కోసం, రాష్ట్రాలు / కేంద్రపాలిత ప్రాంతాలలో రాష్ట్ర , జిల్లా స్థాయిలో కమిటీలు ఏర్పాటు చేయబడ్డాయి. పీఎంఎఫ్ ఎం ఇ పథకం కింద మైక్రో ఫుడ్ ప్రాసెసింగ్ యూనిట్ ఏర్పాటుకు గరిష్ఠంగా రూ.10 లక్షల సబ్సిడీతో 35 శాతం క్రెడిట్ లింక్డ్ సబ్సిడీ, సాధారణ మౌలిక సదుపాయాలకు గరిష్ఠంగా రూ.3 కోట్ల సబ్సిడీ ఇస్తారు.

 

మరింత సమాచారం కోసం, సందర్శించండి:

www.pmfme.mofpi.gov.in

 

********

(Release ID: 1905440) Visitor Counter : 173