حکومت ہند  کی سیاحت کی وزارت، اپنے  ’’انکریڈیبل انڈیا‘‘ برانڈ لائن کے تحت آئی ٹی بی، برلن 2023 میں شرکت کر رہی ہے، جو ہندوستان کی بھرپور اور متنوع سیاحت کی صلاحیت  کی نمائش کے ساتھ سیاحت کے اسٹیک ہولڈرز کو ایک پلیٹ فارم فراہم کر رہی ہے، تاکہ مختلف سیاحتی مقامات اوربشمول طاق مصنوعات  کی نمائش کی جا سکے۔ اس کا مقصد ہندوستان کو ایک ’ ضرور دیکھیں، ضرور آئیں ‘ مقام کے طور پر فروغ دینا ہے۔

انڈیا پویلین کا افتتاح مسٹر اروند سنگھ، سیاحت کے سکریٹری، حکومت ہند، جرمنی میں ہندوستان کے سفیر عزت مآب  جناب پاروتھنی ہریش، اور ریاستی حکومت کیرالہ، راجستھان، اتر پردیش، گوا، مہاراشٹر، تلنگانہ، اتراکھنڈ، مدھیہ پردیش، کرناٹک، مغربی بنگال، تمل ناڈو، اروناچل پردیش اور مرکز کے زیر انتظام علاقوں لداخ،  اور پڈوچیری وغیرہ کے دیگر ہندوستانی عہدیداروں نے 7 مارچ 2023 کو صبح 10:30 بجے ایک روایتی تقریب، رقص اور مٹھائی کی تقسیم کے ساتھ کیا۔

ہندوستان کے تقریباً 60 شرکاء انڈیا پویلین میں موجود ہیں، جن میں ٹریول ایجنٹس، ٹور آپریٹرز، ایئر لائنز، ہوٹل، نیشنل کونسل فار ہوٹل مینجمنٹ اینڈ کیٹرنگ ٹیکنالوجی، اور انڈین ریلوے کیٹرنگ اینڈ ٹورازم کارپوریشن، متنوع سیاحتی مصنوعات اور خدمات کی نمائش کر رہے ہیں۔

سیاحت کی وزارت، حکومت ہند 710 مربع میٹر کی جگہ لے کر 7-9 مارچ 2023  سے آئی ٹی بی 2023 میں حصہ لے رہی ہے۔

اپنی شرکت کے دوران سیاحت کی وزارت ٹور آپریٹرز، ٹریول ایجنٹس اور دیگر اسٹیک ہولڈرز کے ساتھ بی 2 بی میٹنگیں کرے گی۔

سیاحت کی وزارت مختلف ہندوستانی سیاحتی مصنوعات اور ملک کے سیاحتی مقامات کو فروغ دینے کے لیے سیاحت پیدا کرنے والے بازاروں میں ہندوستان کو ایک جامع منزل کے طور پر فروغ دیتی ہے تاکہ عالمی سیاحتی منڈی میں ہندوستان کا حصہ بڑھایا جاسکے۔

آئی ٹی بی میں انکریڈیبل انڈیا پویلین  ،ہندوستان کی مختلف سیاحتی مصنوعات کی نمائش پر توجہ مرکوز کرے گا جس میں ثقافت، ورثہ، ایڈونچر، دیہی سیاحت اور سیاحتی مصنوعات جیسے کھانے، صحت، یوگا، جنگلی حیاتیات اور عیش و آرام وغیرہ شامل ہیں۔

اس کے علاوہ 7 مارچ کو 14:00 بجے، میس برلن کے نئے تعمیر شدہ سٹی کیوب کانگریس کے مقام پر، ہندوستان نے ’’ناقابل یقین ہندوستان دنیا کا خیرمقدم کرتا ہے‘‘ کے موضوع پر پریس کانفرنس کا انعقاد کیا ۔ وزیر سیاحت، حکومت تلنگانہ، جناب وی سرینواس گوڈ، جناب اروند سنگھ، سکریٹری سیاحت، حکومت ہند، جرمنی میں ہندوستان کے سفیر  عزت مآب جناب  پرواتھنی ہریش، سینئر اقتصادی مشیر  جناب گیان بھوشن، سیاحت کی وزارت، حکومت ہند نے نئے سیزن کی جھلکیاں پیش کیں۔

کانفرنس میں 65 بین الاقوامی صحافیوں نے شرکت کی، جن میں بین الاقوامی ٹیلی ویژن چینلز، قومی جرمن میگزین اور اخبارات کے ساتھ ساتھ بین الاقوامی یورپی میڈیا بھی شامل تھے۔ ایف وی ڈبلیو ، ٹورسٹک ایکٹویل اور قومی ٹیلی ویژن اے آر ڈی جیسے کچھ بااثر جرمن سیاحتی میگزین بھی موجود تھے۔

ہندوستانی مندوبین کی پیشکش کے بعد، صحافیوں کو سیاحت کے متعلقہ شعبوں کے بارے میں کئی نئی ویڈیوز دکھائی گئیں جن پر ہندوستان 2023 میں توجہ دے رہا ہے۔

کانفرنس کے بعد انڈین فنگر فوڈ اور ڈرنکس پیش کیے گئے، جو ایک پریس کانفرنس کے لیے ایک بہترین اختتام تھا، جس سے شرکاء کو ایک مستند ہندوستانی ماحول کا ایک چھوٹا سا ذائقہ ملا۔

آئی ٹی بی  ایک باوقار پلیٹ فارم ہے اور یہ سرفہرست بین الاقوامی ٹریول شوز میں سے ایک ہے، جہاں سفری پیشہ ور افراد منزلوں اور سیاحتی مصنوعات کی نمائش کے لیے اکٹھا ہوتے ہیں۔

سیاحت کی وزارت مربوط مارکیٹنگ اور پروموشنل حکمت عملی کے ذریعے، اور ٹریول ٹریڈریاستی حکومتوں اور ہندوستانی مشنوں کے ساتھ مل کر ایک ہم آہنگ مہم بین الاقوامی بازاروں میں ہندوستان کو فروغ دیا جارہا ہے۔

حکومت ہند صنعت کے ماہرین اور دیگر متعلقہ اسٹیک ہولڈرز کے ساتھ مسلسل مشغول رہتی ہے اور ہندوستان کی مختلف سیاحتی مصنوعات کے فروغ کے لیے ان کی تجاویز اور آراء لیتی ہے۔ عالمی صنعت کی بحالی سے پیدا ہونے والی رفتار کو بروئے کار لاتے ہوئے، ہندوستان کی تلاش کے لیے عالمی سیاحوں کی طرف سے ترجیحی جذبات اور ہندوستان میں سیاحت کے فروغ میں کئی سالوں میں کامیابی حاصل کرنے کے لیے – وزارت سیاحت ہندوستان میں سیاحت کی غیر استعمال شدہ صلاحیت کو وا کرنے کے مشن پر ہے ، جو ہندوستان کو 365 دن کی منزل بنا رہا ہے۔

بے مثل ہندوستان کو مجموعی طور پر فروغ دینے کے پیش نظر، وزارت سیاحت نے مختلف موضوعات پر پانچ موضوعاتی ٹیلی ویژن اشتہارات تیار کیے ہیں جو کہ ایڈونچر ٹورازم، ہیریٹیج ٹورازم، ایم آئی سی ای ٹورازم، آرٹ اینڈ کرافٹ اور فلاح و بہبود کی سیاحت پر ہیں۔ پروموشنل فلمیں اس بات کی جھلک فراہم کریں گی کہ ہندوستان  کے پاس دنیا کے سامنے پیش کر نے کے لئے کیا کچھ ہے ۔

مزید برآں، اندرون ملک سفر کی حوصلہ افزائی کرتے ہوئے اور خاص طور پر ہندوستان کی جی20 صدارت کے پس منظر میں نیز انڈیا@75 ’آزادی کا امرت مہوتسو‘ کی شاندار تقریبات، سیاحت کی وزارت، حکومت ہند نے ’’ انکرڈیبل انڈیا! وزٹ  انڈیا ایئر 2023 ‘‘  کااعلان کیا ہے ۔ ہمارے ملک کی مختلف سیاحتی پیشکشوں کو اجاگر کرنے اور عالمی سیاحوں کے سامنے ان کی نمائش کرنے کے لیے، ہندوستان کے اندرون ملک سفر پر توجہ مرکوز کی گئی ہے۔ ترجیحات میں ثقافت، وراثت، روحانیت، قدرتی خوبصورتی میں ملک کے اثاثے سے فائدہ اٹھاتے ہوئے ہر ریاست کی منفرد سیاحتی پیشکشوں کو اجاگر کرنا اور پائیدار سیاحت، دیہی سیاحت، طبی سیاحت، ایم آئی  سی ای اور دیگر جیسے سیاحت کے متنوع زمروں کو فروغ دینے پر توجہ مرکوز کرنا شامل ہے۔

**********

ش ح۔ ج ق۔ ف ر

U. No.2454

(Release ID: 1905255) Visitor Counter : 184