ଖାଉଟି ବ୍ୟାପାର, ଖାଦ୍ୟ ଓ ସାଧାରଣ ବଣ୍ଟନ ମନ୍ତ୍ରଣାଳୟ
ଗୁଜୁରାଟରେ ଖରିଫ ପିଆଜ ଖରିଦ ଆରମ୍ଭ କରିବ ନାଫେଡ
କୃଷକମାନଙ୍କୁ ତୁରନ୍ତ ସୁବିଧା ଦେବା ପାଇଁ ହସ୍ତକ୍ଷେପ
Posted On:
08 MAR 2023 8:53AM by PIB Bhubaneshwar
ଭାରତୀୟ ଜାତୀୟ କୃଷି ସମବାୟ ବିପ୍ପଣନ ମହାସଂଘ (ନାଫେଡ୍) ଗୁଜୁରାଟରେ ପିଆଜ ମୂଲ୍ୟ ହ୍ରାସ ପ୍ରସଙ୍ଗକୁ ସମାଧାନ କରିବା ପାଇଁ ଖରିଫ ପିଆଜ କ୍ରୟ ଆରମ୍ଭ କରିବ । ଭାରତ ସରକାରଙ୍କ ଏହି ପଦକ୍ଷେପ ରାଜ୍ୟରେ ପିଆଜ ବଜାରକୁ ସ୍ଥିରତା ପ୍ରଦାନ କରିବ ।
ରାଜ୍ୟରେ ଖରିଫ ଋତୁରେ ପିଆଜର ମୂଲ୍ୟ ହ୍ରାସ ହେତୁ ପରିସ୍ଥିତିକୁ ଅନୁଧ୍ୟାନ କରି ଖାଉଟି ବ୍ୟାପାର ବିଭାଗ ଗୁଜୁରାଟର ତିନୋଟି ପ୍ରମୁଖ ବଜାରରୁ ପିଆଜ କ୍ରୟ ଆରମ୍ଭ କରିବାକୁ ନାଫେଡକୁ ନିର୍ଦ୍ଦେଶ ଦେଇଛି । ନାଫେଡ ଭାବନଗର (ମହୁଆ), ଗୋଣ୍ଡାଲ ଏବଂ ପୋରବନ୍ଦରରୁ ୦୯.୦୩.୨୩ ରୁ ପିଆଜ କ୍ରୟ ଆରମ୍ଭ କରିବ ।
ରାଜ୍ୟରେ ପିଆଜ ମୂଲ୍ୟ ହ୍ରାସରୁ କୃଷକମାନଙ୍କୁ ତୁରନ୍ତ ରିହାତି ଦେବା ପାଇଁ ସରକାର ଏହି ଯୋଜନା କରିଛନ୍ତି । ଏହି କେନ୍ଦ୍ରଗୁଡିକରେ ଭଲ ଦର ପାଇବା ପାଇଁ କୃଷକମାନଙ୍କୁ ସେମାନଙ୍କର ଉତ୍ତମ ଗୁଣବତ୍ତା ଏବଂ ଶୁଖିଲା ପିଆଜକୁ ଖରିଦ କେନ୍ଦ୍ରକୁ ଆଣିବାକୁ ଅନୁରୋଧ କରାଯାଇଛି । ଚାଷୀମାନଙ୍କୁ ଅନଲାଇନରେ ସେମାନଙ୍କର ଦେୟ ପ୍ରଦାନ କରାଯିବ ।
ଆବଶ୍ୟକ ଅନୁଯାୟୀ ସମୟ ସମୟରେ ଅଧିକ କେନ୍ଦ୍ର ଖୋଲାଯିବ ।
HS
(Release ID: 1905199)
Visitor Counter : 136