ہولی کے جاری اس تہوار کے سیزن  میں ریلوے مسافروں کی سہولت، اور مسافروں کی اضافی بھیڑبھاڑ پر قابو پانےکیلئے بھارتی ریلویزکی  196 خصوصی ٹرینیں 491 ٹریپس یا  دورے کررہی ہیں۔

ملک بھر کے ریلوے راستوں پر جن میں دہلی- پٹنہ، دہلی-بھاگلپور، دہلی- مظفر پور، دہلی-سہرسہ، گورکھپور-ممبئی، کولکاتا-پوری، گوہاٹی-رانچی، نئی دہلی- سری ماتا ویشنو دیوی  کٹرا، جے پور- باندرہ ٹرمنس، پُنے – دانا پور وغیرہ  شامل ہیں، ملک بھر کے  اہم  مقامات  سے منسلک ہونے کیلئے خصوصی ٹرینوں کی منصوبہ بندی کی گئی ہے۔

آر پی ایف اسٹاف کی نگرانی کے تحت غیرریزرو کوچوں میں مسافروں کے ترتیب وار داخلےکیلئے ٹرمنس اسٹیشنوں پر لگنے والی قطاروں کےذریعے بھیڑبھاڑ پر قابو پانے کے اقدامات کیے گئے ہیں۔

آر پی ایف کے ایڈیشنل   اہلکار اہم اسٹیشنوں پر تعینات کیے گئے ہیں تاکہ ٹرینوں کی بلارکاوٹ نقل وحمل کو یقینی بنایاجاسکے۔ مختلف اسٹیشنوں میں اسٹاف کو تعینات کیا گیا ہے تاکہ ترجیحی بنیاد پر ٹرین خدمات میں کسی قسم کی رکاوٹ کو حل کیاجاسکے۔

ٹرینوں کے آنے اور جانے کے بار بار اور بروقت اعلانات کےلئے بھی پلیٹ فارم نمبرس کے ساتھ انتظامات کیے گئے ہیں۔

۔۔۔۔۔۔۔۔۔۔۔

ش ح۔ش م۔ ع ن۔

U-2381

(Release ID: 1904776) Visitor Counter : 139