1. سیمن اسٹیشن کو، راشٹریہ گوکل مشن اسکیم کے تحت، مجموعی طور پر 2163.57 لاکھ روپے کی رقم کی منظور دی گئی ہے۔
2. منجمد سیمن اسٹیشن صوبہ کشمیر کو اعلیٰ معیار اور بیماریوں سے پاک جراثیمی پلازم کی پیداوار میں خود کفیل بنائے گا۔
3. اس پراجیکٹ اور اس کے کامیاب نفاذ/عملدرآمد سے موجودہ ابنیادی ڈھانچہ کو وسعت دینے اور منجمد سیمن پروجیکٹ -رنبیر باغ میں نیا بنیادی ڈھانچہ بنانے کی امید ہے
4. یہ پروجیکٹ ایم ایس پی کے رہنما خطوط کے مطابق رنبیر باغ کےمنجمد سیمن بل اسٹیشن کو مضبوط بنائے گا تاکہ سالانہ 10 لاکھ سے زیادہ ایف ایس ایس کی پیداوار حاصل کی جا سکے۔

ماہی پروری، مویشی پروری اور ڈیری کے مرکزی وزیر جناب پرشوتم روپالا نے جموں و کشمیر کے رنبیر باغ میں منجمد سیمن اسٹیشن کا سنگ بنیاد رکھا۔

ماہی پروری، حیوانات اور ڈیری کے مرکزی وزیر جناب پرشوتم روپالا نے جموں و کشمیر کے رنبیر باغ میں منجمد سیمن اسٹیشن کا سنگ بنیاد رکھا۔ راشٹریہ گوکل مشن اسکیم کے تحت اس سیمن اسٹیشن کے لئے کل 2163.57 لاکھ روپے کی رقم منظور کی گئی ہے۔ یہ صوبہ کشمیر کو اعلیٰ معیار اور بیماری سے پاک جراثیمی پلازم کی پیداوار میں خود کفیل بنانے کے قابل بنائے گا تاکہ اسے مصنوعی حمل کی کوریج کے لیے استعمال کیا جا سکے۔ جناب پرشوتم روپالا نے اپنے خطاب میں ماہی پروری، مویشی پروری اور ڈیری کے تمام محکموں کو تمام اسکیموں کے 100 فیصد استعمال کا مشورہ دیا۔ انہوں نے کہا کہ وزارت، اسکیموں کے استعمال کی تال میل اور نگرانی کرے گی۔

منجمد سیمن پروجیکٹ- رنبیر باغ، سال 1980 میں انڈو-ڈینش پروجیکٹ کے تحت قائم کیا گیا تھا۔ منجمد مادہ منویہ کی پروسیسنگ کے لیے آلات، ڈنمارک کی حکومت اور حکومت ہند کے درمیان ایک امدادی پروگرام ڈی اے این آئی ڈی اے کے تحت حاصل کیے گئے تھے۔ اس پروجیکٹ کو 1982 میں کرائیو محفوظ شدہ منی پراسیس کرنے کے لیے شروع کیا گیا تھا۔ فروزن سیمن پروجیکٹ - رنبیر باغ (لائیو اسٹاک ڈیولپمنٹ بورڈ-کشمیر) بنیادی طور پر جمی ہوئے مادہ منویہ کی خوراک کی تیاری میں مصروف ہے جس کا استعمال مویشیوں کے مصنوعی حمل کے لیے، مرکز کے زیر انتظام علاقےجموں و کشمیر کے کشمیر صوبے میں کیا جاتا ہے۔

یہ اسٹیشن تقریباً 300 کنال اراضی پر پھیلا ہوا ہے جس میں اندرون ملک چارے کی پیداوار ہے۔ مرکز کے زیر انتظام علاقےکے گاندربل ضلع میں ہرمکھ پہاڑی سلسلے کے دامن میں واقع یہ اسٹیشن، قدرتی ذرائع سے حیاتیاتی سیکیوریٹی سے مالا مال ہے۔

فروزن سیمن پروجیکٹ - رنبیر باغ کی مضبوطی کو آر جی ایم اسکیم کے تحت 26-2025 تک 10.95 لاکھ منجمد منی کی خوراکیں تیار کرنے، آئی ایس او/جی ایم پی سرٹیفیکیشن کو برقرار رکھنے، محفوظ جی ایل پی سرٹیفیکیشن اور سی ایم یوکے ذریعے اے گریڈ کی منظوری دی گئی ہے۔ ہائی جینیٹک میرٹ بریڈنگ بلز کی اس خریداری کو پورا کرنے کے لیے، کم از کم معیار کے پروٹوکول (ایم ایس پی)/ بائیو سیکیورٹی اور بائیو سیفٹی مینول کے رہنما اصولوں کے مطابق، ایک نئی پروسیسنگ اور کوالٹی کنٹرول لیبارٹری کی تعمیر، نئی مشینری/آلات اور تربیت کی خریداری اور صلاحیت کی تعمیر ضروری ہے. اس کا مقصد درج ذیل طویل مدتی اہداف کو حاصل کرنا ہے:

1. کسانوں کو اعلیٰ جینیاتی میرٹ کے بیلوں سے معیاری جراثیم کی فراہمی۔
2. مقامی مویشیوں کی اپ گریڈیشن کے لیے معیاری جراثیم کے استعمال میں توسیع۔
3. جانوروں سے پیداوار کے اعدادوشمار کو بڑھانا، تاکہ دودھ اور ڈیری سے بنی مصنوعات کی مسلسل بڑھتی ہوئی مانگ کو پورا کیا جا سکے۔
4. اگرچہ بوائین فارمنگ کو خود روزگار کے ذرائع میں سے ایک کے طور پر پیش کیا گیا ہے،یہ دیہی خواتین کو بااختیار بنانے، اضافی آمدنی کا ذریعہ، جانوروں کی پروٹین، چربی وغیرہ کے لحاظ سے کم از کم غذائی اجزاء کا ذریعہ صارفین کے لیے ہے۔
5. جانوروں کے جینیاتی میک اپ کو اپ گریڈ کرکے مقامی مویشیوں کی نسل میں بہتری
6. مقامی نسلوں کا تحفظ
7. منی اسٹیشن کے بنیادی ڈھانچے کو مضبوط بنانے کے لیے۔
8. حیاتیاتی سیکیوریٹی کے مضبوط اقدامات کرنے کے لیے۔
9. ابتدائی بنیادوں پرصنفی طور پر چھانٹی ہوئی منی کے ساتھ مصنوعی حمل کو بڑھانا
10. ایف ایس ڈی کی پیداوار کے ساتھ ساتھ صنفی طور پر ترتیب شدہ منی کی پیداوار کے لیے مرکز برائے فضیلت بننا۔

اس پروجیکٹ اور اس کے کامیاب نفاذ/عملدرآمد سے موجودہ بنیادی ڈھانچہ کو بڑھانے اور فروزن سیمن پروجیکٹ-رنبیر باغ میں بنیادی ڈھانچہ بنانے کی امید ہے۔ اس سے صوبہ کشمیر کو اے آئی کے لیے استعمال کیے جانے والے اعلیٰ معیار اور بیماریوں سے پاک جراثیم کی پیداوار میں بھی خود کفیل ہو جائے گا۔ اے آئی کوریج میں اضافہ جموں اور کشمیر کے مرکز کے زیرانتظام علاقے میں دودھ دینے والے جانوروں کی پیداواری صلاحیت کو بڑھانے کی طرف ایک بہت بڑا قدم ہوگا۔ یہ پروجیکٹ ایم ایس پی کے رہنما خطوط کے مطابق منجمد سیمن بل اسٹیشن- رنبیر باغ کو مضبوط بنائے گا تاکہ سالانہ 10 لاکھ سے زیادہ ایف ایس ایس کی پیداوار حاصل کی جاسکے۔

*****

U.No. 2240

(ش ح - اع - ر ا)