الیکٹرانکس اور انفارمیشن ٹکنالوجی اور ہنرمندی کی ترقی اور انٹرپرینیورشپ کے وزیر مملکت جناب راجیو چندر شیکھر جمعہ کو بنگلورو میں دوسرے سیمی کون انڈیا فیوچر ڈیزائن روڈ شو کا افتتاح کریں گے۔

اس روڈ شو کا مقصد اسٹارٹ اپس، اگلی نسل کے جدت طرازوں اور عالمی اور بھارتی سیمی کنڈکٹر کمپنیوں کو بھارت کے سیمی کنڈکٹر ڈیزائن ایکو سسٹم میں سرمایہ کاری کرنے کی ترغیب دینا ہے۔

جناب راجیو چندر شیکھر نے کہا ہے کہ سیمی کون انڈیا فیوچر ڈیزائن پروگرام جیسی اسکیموں کے ذریعے نیکسٹ جن ڈیوائسز اور الیکٹرانکس مصنوعات کو بھارت میں آرکیٹیکٹ، ڈیزائن اور مشترکہ طور پر ڈیزائن کیا جائے گا۔

اس سلسلے کی پہلی تقریب گذشتہ سال کرناوتی یونیورسٹی، گجرات میں منعقد کی گئی تھی۔

دسمبر 2021 میں مرکز نے اس شعبے میں سرمایہ کاری کو راغب کرنے کے لیے 76,000 کروڑ روپے کی ترغیبی لاگت کے ساتھ انڈیا سیمی کنڈکٹر مشن شروع کیا تھا۔

وزیر موصوف نے کہا کہ ہم سیمیکون انڈیا پروگرام کو ہر طالب علم، ہر کالج تک لے جانے کا ارادہ رکھتے ہیں اور زیادہ سے زیادہ نوجوان بھارتیوں کو سیمیکون انڈیا کے سفر میں حصہ لینے کے لیے پرجوش بنانا چاہتے ہیں۔

دوسرے روڈ شو کے دوران، عالمی سیمی کنڈکٹر رہنما بھارت میں سیمی کنڈکٹر ایکو سسٹم کو متحرک کرنے کے لیے وژن کا تبادلہ کریں گے۔

ڈی آئی آر-وی (ڈیجیٹل انڈیا آر آئی ایس سی-وی مائکروپروسیسر پروگرام) کے اعلان نے شکتی اور ویگا آر آئی ایس سی-وی پروسیسرز کے ارد گرد مستقبل کے لیے ڈیزائن کی ترقی، سلیکونائز اور ڈیزائن تیار کرنے کے پہیوں کو متحرک کردیا ہے اور بھارت میں اس سال کمرشل گریڈ کے انڈین پروسیسرز دیکھنے کو ملیں گے۔ جناب راجیو چندر شیکھر کا ماننا ہے کہ کہیں سے بھی کوئی بھی چپس ڈیزائن کرسکتا ہے اور جدت طرازی کرسکتا ہے کیونکہ چپن سینٹر سیمی کنڈکٹر ڈیزائن کی سہولت اور ورچوئل پروٹو ٹائپنگ لیب کو دہلیز پر لاتا ہے۔

اس روڈ شو کے دوران وزیر موصوف سی ڈیک بنگلور میں چپن سینٹر کا بھی افتتاح کریں گے اور اس کی خدمات ملک کی سیمی کنڈکٹر ڈیزائن کمیونٹی کو وقف کریں گے۔ چپن سینٹر موجودہ سہولیات میں سے ایک ہے، جو ڈیزائن کے بہاؤ کی کثرت پیش کرتا ہے، جس کا مقصد چپ ڈیزائن کے بنیادی ڈھانچے کو ملک میں پوری سیمی کنڈکٹر ڈیزائن کمیونٹی تک لانا ہے۔ یہ ایک سینٹرلائزڈ ڈیزائن کی سہولت ہے، جو نہ صرف پورے چپ ڈیزائن سائیکل (جیسے ڈیجیٹل، اینالاگ، آر ایف اور مکسڈ سگنل ڈیزائن کے لیے فرنٹ اینڈ ڈیزائن، بیک اینڈ ڈیزائن، پی سی بی ڈیزائن اور تجزیہ وغیرہ) کے لیے جدید ترین ٹولز کی میزبانی کرتا ہے، 5 این ایم یا ایڈوانسڈ نوڈ تک جاتا ہے بلکہ ایس سی ایل فاؤنڈری اور اوورسیز فاؤنڈری اور پیکیجنگ میں ڈیزائن کی تیاری کے لیے مجموعی خدمات بھی فراہم کرتا ہے۔ اس سے صنعت کے پیشہ ور افراد کے ذریعے ڈیزائن کے بہاؤ پر انسٹرکٹر کی زیر قیادت / آن لائن تربیت کا انتظام بھی ممکن ہوگا۔

اس کا فائدہ اٹھاتے ہوئے ملک بھر میں متعدد اکیڈمک اسٹارٹ اپس کھلیں گے، ابتدائی داخلے کی رکاوٹوں کو عبور کریں گے اور ملک میں انٹرپرینیورشپ / اسٹارٹ اپ کی قیادت میں ڈیزائن اور جدت طرازی کے ایکو سسٹم کی راہ ہموار کریں گے جس میں دیسی آئی پی کور، چپس، سسٹم آن چپ (ایس او سی)، 5 جی / آئی او ٹی، اے آئی / ایم ایل، آٹوموٹو اور موبلٹی سیکٹر وغیرہ جیسے مختلف ایپلی کیشن شعبوں کے لیے سسٹمز بنائے جائیں گے۔

روڈ شو کے دوران، وہ مستقبل کے ڈیزائن اسٹارٹ اپ کا گروپ بھی متعارف کرائیں گے، جسے سیمیکون انڈیا پروگرام کے ڈیزائن لنکڈ انسینٹیو (ڈی ایل آئی) اسکیم کے تحت مدد فراہم کی جائے گی۔ یہ اسٹارٹ اپ جدید سلیکون ڈیزائنوں کو نافذ کرنے پر کام کریں گے۔ جو آٹوموٹو، نقل و حرکت اور کمپیوٹنگ کے شعبوں جیسے کلیدی ترقی کے شعبوں میں جگہ بنائے گا۔ آنے والے ہفتوں میں ڈی ایل آئی اسکیم کے تحت مزید فیوچر ڈیزائن اسٹارٹ اپ کی منظوری دی جائے گی۔

***

(ش ح - ع ا- ع ر)

U. No. 2006

(Release ID: 1901808)