وسطی اور مغربی زون کے لئے   پہلی  علاقائی  پی ایم گتی شکتی ورکشاپ سے متعلق  ایک کرٹین ریزر پریس کانفرنس آج پنجی میں منعقد ہوئی۔ تجارت اور صنعت کی مرکزی وزارت کے صنعت اور داخلی تجارت کے فروغ کے محکمہ  کی اسپیشل سکریٹری سمیتا داؤرا نے  پریس کانفرنس سے خطاب کیا۔ علاقائی ورکشاپ کا مقصد مختلف فریقوں کے درمیان ہم آہنگی پیدا کرنا ہے جس کے نتیجہ میں ریاستوں اور مرکزی وزارتوں   / محکموں  کے درمیان  باہمی طورپر سیکھنے کا موقع ملتا ہے۔

میڈیا سے خطاب کرتے ہوئے  خصوصی سکریٹری سومیتا داؤرا نے بتایا کہ پی ایم گتی شکتی پلیٹ فارم ، ایک تبدیلی کا نظریہ ہے جو ملٹی موڈل  اور آخری میل تک کنکٹی ویٹی کے لئے مربوط  منصوبہ بندی اور مطابقت پذیر  عمل درآمد کو قابل بناتا ہے۔ انہوں نے کہا کہ اس ورکشاپ کا مقصد ریاستوں کو ایک دوسرے سے سیکھنے کے لئے ساتھ لانا ہے  اور  یہ بتانا ہے کہ قومی سطح پر  کیا کیا جارہا ہے اور یہ کہ دیگر ریاستیں اپنے بنیادی ڈھانچہ کی منصوبہ بندی کرتے وقت کیا کررہی ہیں ۔انہوں نے مزید کہا کہ ورکشاپ کا مقصد  پی ایم گتی شکتی نظریہ پر قومی اور ریاستی سطح پر بنیادی ڈھانچہ کے منصوبوں کی منصوبہ بندی کو بہتربنانا نیز لاجسٹکس  کی کارکردگی کو بہتربنانا اور لاجسٹک لاگت کو کم کرنا ہے۔

ورکشاپ میں مرکزی وزارتوں/ محکموں جیسے سرک ٹرانسپورٹ اور شاہراہوں کی وزارت، ریلوے کی وزارت، ٹیلی مواصلات کا محکمہ اور نیتی آیوگ اور گجرات ، مہاراشٹر، گوا، چھتیس گڑھ اور مدھیہ پردیش کی ریاستی حکومتوں کے 100 سے زیادہ شرکا حصہ لیں گے۔ ورکشاپ میں مرکزی وزارتوں اور ریاستی محکموں  کے ذریعہ  منصوبہ بندی، ریاستی لاجسٹک پالیسیوں، یونیفائیڈ لاجسٹکس انٹرفیس پلیٹ فارم  ( یو ایل آئی پی) ،لاجسٹک ایز ایکراس ڈیفرنٹ  اسٹیٹیس ( ایل ای اے ڈی ایس) ، سٹی لاجسٹکس  اور پرجیکٹ مانیٹرنگ گروپ  (پی ایم  جی)  میکانزم  کے لئے  این ایم پی  کو اپنانے  سےمتعلق معاملات پر تبادلہ خیال ہوا۔

 

A brief backgrounder on the workshop can be found here

******

ش ح۔ ف ا ۔ م  ص

U-NO.1836

(Release ID: 1900646) Visitor Counter : 134