وزارات ثقافت
جناب جی کشن ریڈی نے استاد بسم اللہ خان یووا پراسکر 2019، 2020 اور 2021 بھارت کے 102 فنکاروں کو (بشمول تین مشترکہ ایوارڈز) پیش کیے جنہوں نے پرفارمنگ آرٹس کے اپنے اپنے شعبوں میں باصلاحیت نوجوانوں کے طور پر اپنی شناخت قائم کی ہے
استاد بسم اللہ خان یووا پرسکار (یو بی کے وائی پی ) سے ملک کے نوجوانوں کو روایتی تاریخ کی طرف راغبت ہوگی: جناب جی کے ریڈی
Posted On:
16 FEB 2023 7:26PM by PIB Delhi
ثقافت، سیاحت اور ڈونر کے مرکزی وزیر جناب جی کشن ریڈی نے 15 فروری کو میگھ دوت تھیٹر کمپلیکس، رابندر بھون، نئی دلی میں استاد بسم اللہ خان یووا پراسکر (یو بی کے وائی پی) 2019، 2020 اور 2021 پیش کیے۔ سنگیت ناٹک اکادمی کی چیئرپرسن ڈاکٹر سندھیا پوریچا نے تقریب کی صدارت کی۔
سنگیت ناٹک اکادمی، موسیقی، رقص اور ڈرامہ کی قومی اکیڈمی، اور ملک میں پرفارمنگ آرٹس کی اعلیٰ تنظیم، نے 8 نومبر 2022 کو نئی دلی میں منعقدہ اپنی جنرل کونسل کی میٹنگ میں 102 فنکاروں کا انتخاب کیا (بشمول تین مشترکہ ایوارڈز)۔ بھارت کے وہ نوجوان جنہوں نے استاد بسم اللہ خان یووا پراسکر 2019، 2020 اور 2021 کے لیے پرفارمنگ آرٹ کے اپنے اپنے شعبوں میں باصلاحیت نوجوانوں کے طور پر اپنی شناخت بنائی ہے۔ موسیقی، رقص اور ڈرامے کا ایک چار روزہ میلہ 17-14 فروری 2023 تک منعقد ہوگا۔ میگھدوت تھیٹر کمپلیکس، ربندر بھون، نئی دلی میں سال 2019 کے استاد بسم اللہ خان یووا پراسکر کے وصول کنندگان کی عزت افزائی کرے گا۔
ایوارڈز پیش کرتے ہوئے جناب جی کشن ریڈی نے تمام فنکاروں کو استاد بسم اللہ خان یووا پرسکر سے نوازے جانے پر مبارکباد دی۔ انہوں نے یہ بھی کہا کہ فنون لطیفہ کی حوصلہ افزائی اور فروغ ملک کی روایت رہی ہے۔ انہوں نے کہا کہ فن کو بھارت سے الگ نہیں کیا جا سکتا۔ مرکزی وزیر نے یہ بھی کہا کہ فنکار اپنے فن کو اگلی نسل تک لے جانے کا بہت اچھا کام کرتے ہیں۔
انہوں نے اس حقیقت کو مزید اجاگر کیا کہ ملک کے شمال مشرقی علاقے سے تعلق رکھنے والے 19 فنکاروں نے یہ ایوارڈ حاصل کیا ہے جس سے خطے کے بدلے ہوئے حالات ظاہر ہوتے ہیں۔ مرکزی وزیر نے یہ بھی کہا کہ تمام فنکاروں کی حوصلہ افزائی کے علاوہ اس ایوارڈ سے ملک کے نوجوانوں کو روایتی تاریخ اور فنون کی طرف اور زیادہ رغبت ہوگی۔
استاد بسم اللہ خان یووا پراسکر، جو 40 سال کی عمر تک کے فنکاروں کو دیا جاتا ہے، سال 2006 میں متعارف کرایا گیا تھا جس کا مقصد پرفارمنگ آرٹس کے مختلف شعبوں میں نمایاں نوجوان صلاحیتوں کی شناخت اور ان کی حوصلہ افزائی کرنا اور انہیں ان کی زندگی کے اوائل میں ہی قومی شناخت دلانا تھا۔ تاکہ وہ اپنے منتخب شعبوں میں زیادہ عزم اور لگن کے ساتھ کام کر سکیں۔ استاد بسم اللہ خان یووا پرسکار 25,000/- روپے نقد (پچیس ہزار روپے نقد)، ایک انگ وسترم اور ایک تختی پر مشتمل ہوتا ہے۔
۔۔۔۔۔۔۔۔۔۔۔
ش ح۔ ا س۔ ت ح۔
U -1751
(Release ID: 1900022)
Visitor Counter : 162