অৱাং-নোংপোক লমদমদা কেন্দ্র সরকারগী মরী লৈনবা মিনিস্ত্রিশিং অমসুং দিপার্তমেন্তশিংনা লম্বী-থোংগী খুদোংচাবা হেনগৎনবা প্রোজেক কয়া পায়খৎলি অমসুং নেসনেল হায়ৱেজশিং অমসুং এয়রৱেজশিং শেমগৎলি।

হৌখিবা চহি ৫দা অৱাং-নোংপোক লমদমদা কিলোমিতর ৩১৭৯গী লম্বীগী প্রোজেকশিং লোইশিনখ্রে। মসিগী মথক্তা, দোনর মিনিস্ত্রিনা লমদম অসিদা পায়খৎলিবা তোঙান-তোঙানবা লুপা করোর ১৩৫৯.৬১গী প্রোজেক ৭৯ হৌখিবা চহি ৫দা লোইশিনখ্রে। হৌখিবা চহি ১০দা অৱাং-নোংপোক লমদমদা কিলোমিতর ৮০১৭গী নেসনেল হায়ৱেশিং সেঙ্কসন তৌখি অমসুং কিলোমিতর ৫৯৩২ শেম্বা লোইশিনখি। হন্দক এয়রপোর্ত ৮ থবক হৌদুনা, হৌজিক অৱাং-নোংপোক লমদমদা এয়রপোর্ত ১৭ মথৌ পাংথোক্লি। অরুনাচল প্রদেসকী হোলোঙ্গিদা লৈবা দোনয়ি পোলো এয়রপোর্ত অসি অৱাং-নোংপোক লমদমগী খ্বাইদগী নৌবা এয়রপোর্ত ওইরে।

ৱাফম অসি ঙসি লোক সভাদা অইবা ওইনা পীবা পাউখুম অমদা দিবলপমেন্ত ওফ নোর্থ ইস্তর্ন রিজনগী মিনিস্তর শ্রী জি.কিসন রেদ্দিনা ফোঙদোকখিবনি।

*****

(Release ID: 1898907) Visitor Counter : 94