হাউশিং অমসুং অর্বান এফিয়র্স অমসুং পেত্রোলিয়ম অমসুং নেচরেল গ্যাসকী কেন্দ্রগী মন্ত্রী শ্রী হর্দীপ সিংহ পুরিনা ভিদিও মেসেজ অমগী খুথাংদা ঙসি বেঙ্গলুরুদা ভারতকী জি.২০ প্রেসিদেন্সীগী মখাদা পাংথোক্লিবা ইনভাইরোন্মেন্ত অমসুং ক্লাইমেৎ সস্তেনেবিলিতী ৱার্কিং গ্রুপকী অহানবা মিতিংদা জি.২০ লৈবাকশিং, অথোইবা মীথুংলেন ওইরিবা লৈবাকশিং, মালেমগী ওর্গনাইজেসনশিং অমসুং অতোপ্পা ইকাইখুম্ননিঙাই ওইরবা মীওইশিংবু তরাম্না ওকখি।

শ্রী পুরিনা তর্কীগী অৱাবা তারবা অমসুং খুদোংথিরবা মতম অসিদা লৈবাক অদুগী মীয়ামগা লোইননা মহাক্কী নুংঙাইতবা ফোংদোকখি। মহাক্না হায়খি মদুদি তর্কীগী অমাং অতা অসিবু ভারতনা নুংনাংবা ফাওই অমসুং তঙাই ফদ্রবা মতম অসিদা পীবা য়াবা মীনুংশি অমসুং হিদাক লাংথক্কী তেংবাংশিং পীগনি অমসুং মালেম পুম্বদা লৈরিবা মীয়াম অমসুং লুচিংবশিংদগী তর্কীদা ফংলিবা তেংবাং কয়া অসিনা ঐখোয় খুদিংমকপু অমত্তা ওইহল্লিবা মীওইবগী মীনুংশি অদুবু নিংশিংহল্লি হায়না হায়খি। মসি চহি অসিগী জি.২০গী থিম ‘ভাসুদাইভা কুতুম্বকম- ৱান অর্ত, ৱান ফেমিলী, ৱান ফ্যুচর’ হায়বা অসিদা তাক্লিবা পুম্নমক্কী অমত্তা ওইববু উৎননবা লাক্লিবা মীয়াম পুম্নমক্কী ৱাখল্লোনগা মানৈ হায়না মহাক্না হায়খি। হৌজিক্তি হান্নদগীসু হেন্না ঐখোয় পুম্নমক পুন্সিনবা অমসুং নুংঙাই য়াইফবা অমদি চাউখৎপা পুরক্কদবা অপুনবা ওইবা, থজনিঙাই ওইরবা অমসুং থবক্তা য়ুম্ফম ওইবা এজেন্দা পাইখৎপগী তঙাই ফদ্রে হায়না মহাক্না মখা তানা হায়খি।

বাইওদাইবর্সিতী অমসুং ইনভাইরোন্মেন্ত মাংথরকপা অসিগী ফল ওইনা হিংননবগী মায়কৈ খুদিংদা অরুবা ওইহনলে অমসুং মমল হেনগৎহনলক্লে হায়না শ্রী পুরিনা অহানবা ইনভাইরোন্মেন্ত অমসুং ক্লাইমেৎ সস্তেনেবিলিতী ৱার্কিং গ্রুপ মিতিংদা ৱা ঙাংবদা ফোংদোকখি। ইং অশা হোংলকপা অমসুং বাইওদাইভর্সিতী মাংথরকপদা অপুনবা ওইনা লৈনরিবা মরী অসিনা মালেমগী থাক্তা অপুনবা ওইনা হোৎনমিন্নবগী থৌদাং অমা পুখৎলক্লে। মসিদা হৌজিক মালেমগী জি.দি.পি.দা ৮৫%গী শরুক য়ারিবা, মালেমগী লল্লোন ইতীক্তা ৭৫% শরুক য়ারিবা, অমসুং মালেমগী মীশিংগী শরুক অহুম থোকপদা অনি ওইরিবা জি২০ লৈবাকশিংনা পুকচেল লেপ্পা অমসুং তুংলমচৎ খঙনা লুচিংবা তঙাইফদে। গ্লোবেল সাউথ অসিনা অখন্ননা, জি-২০গী ৱারোলশিং ঙাইরি অমসুং চাউখৎলক্লিবা লৈবাকশিংদা থেংনরিবা অইং অশাগী লাংফম অমসুং শেন্দোনগী লাংফম অনিমকপু ঙাকথোক্নবা খুদক্কী ওইবা অয়াবা অমা ঙাইরি।

শ্রী পুরিনা হায়খি মদুদি ভারত অসি গ্লোবেল সাউথকী মঙলানশিংবু মায় পাকহন্নবা অখন্নবা মফম অমদা লৈরি। মহাক্না হায়খি মদুদি হৌখিবা চহি নিপানলোম অসিদা, লৈঙাক অসিনা 'ক্লাইমেত জস্তিস’কীদমক ৱা ঙাংলদুনা অহোংবা পুরকপা য়াবা খোঙথাংশিং লৌখৎখ্রে। প্রধান মন্ত্রী মোদীনা থৌনা লৈনা পঞ্চঅমৃত এক্সন প্লানবু গ্লাসগোদা সি.ও.পি.-২৬তা লাউথোকখিবনা ভারতপু ২০৭০ ফাওবদা নেত জিরো ইমিসন ফংহন্নবা মঙলান শাগৎখ্রে। মসিনা ইমিসন অমসুং নেৎ জিরো স্তেতস হায়বসি চাউখৎলক্লিবা লৈবাক অমনা ফংনবা হোৎনবদা খ্বাইদগী তেন্না চঙগদবা মতম অমনি। শ্রী পুরিনা পুক্নিং চিংশিল্লদুনা ফোংদোকখি মদুদি, ভারতনা একনোমি অমসুং ইকোলোজী হায়বিসি অমগা অমগা তোখাইনদে, মসি তশেংবদি অমগা অমগা চৎমিন্নৈ হায়বসি উৎলে।

ৱার্কিং গ্রুপ মীতিংগী মরুওইবশিংগী মতাংদা ৱা ঙাংলদুনা, শ্রী পুরিনা হায়খি মদুদি হন্দক্কী চহি অসিগী ৱার্কিং গ্রুপ অসিনা জি২০ লৈবাকশিংদা শর্ম এল-শৈখতা সি.ও.পি.-২৭দা অমসুং চহি অসিদা মোন্ত্রিএলদা পাঙথোকখিবা বাইওদাইভর্সিতী কনফরেন্সতা পুখৎখিবা মতীক চারবা রোদ মেপ অদুবু থবক্তা ওন্থোক্নবা ৱাখল্লোন অমা পীনবা খুদোংচাবা অমা পীরে। মহাক্না মখা তারদুনা হায়খি মদুদি ৱার্কিং গ্রুপ অসিনা মহৌশাগী রিসোর্সশিং অসিবু মপু পানবগী ৱাখল্লোন্দগী স্তেৱার্শিপতা হোংলকপদা মতেং ওইরগনি।

তুং কোইনা চৎপা য়াবা পুন্সি মহিং অমগী মরুওইবা থম্লদুনা শ্রী পুরিনা হায়খি মদুদি ৱার্কিং গ্রুপ অসিদা খন্নগদবা মরুওইবা মফম অহুমদি প্রধান মন্ত্রী শ্রী নরেন্দ্র মোদীগী “এনভাইরোন্মেন্তপু ঙাকপা অমসুং কনবদা মাঙহনবগী মহুত্তা ৱাখল তানা অমসুং মতীক চানা শীজিন্নবা” হায়বসিদা মরুওইবা থম্লিবা লাইফস্তাইল ফো এনভাইরোন্মেন্ত (লাইফ) মিসন অসিগসু চুন্নরি হায়বসি পনবদা মতীক চাগনি।

শ্রী পুরিনা হায়খি মদুদি ৱার্কিং গ্রুপ অসিনা জি২০ লৈবাকশিংগী মালেমগী থাক্তা তুং কোইনা চৎনবা য়াবা পুন্সি মহিং অমসুং লাইফকী ঈহৌ অসিগী মরু ওইবা মচলশিং লৌখৎনবা কেতালিস্ত অমা ওইহনবা য়াগনি। মসিদা অইং অশা হোংলকপগী মরক্তা লৈরিবা ৱাখল্লোনশিংবু নিয়ম চানা ঙাকপা অমসুং ক্লাইমেত ফাইনান্সিং অমসুং দ্রাইব কোলাবোরেতিব এক্সনশিং কনখৎনবা কান্নবা ফংবা খুৎলাই ওইনা শীজিন্নবা য়াবগী শক্তি লৈ হায়না মহাক্না ফোংদোকখি।

শ্রী পুরিনা এনভাইরোন্মেন্ত অমসুং ক্লাইমেত সস্তেনেবিলিতী ৱার্কিং গ্রুপ অসিদা অপুনবা ওইনা হোৎনমিন্নবা অমসুং হৌদোকপগী মীফম অসিদা পুখৎনরক্লিবা ৱারোলশিং অসিনা জি২০ লুচিংবশিংগা লোইননা লান্থোকপা য়াবা মতীক চাবা, তুংলমচৎকী ওইবা লম্বী অমা শেমগৎপদা মতেং ওইরগনি।

***************