இந்திய பொருளாதாரத்தில் டிஜிட்டல் பரிவர்த்தனைகளை  அதிகரிக்க மத்திய அரசு உறுதி பூண்டுள்ளது. இதன் மூலம் நிதித்துறையின் தரம் மேம்பட்டு வலுப்படுத்தப்படுவதுடன்  குடிமக்களின் எளிதான வாழ்க்கைக்கும் உதவுகிறது. அரசின் ஒருங்கிணைந்த முயற்சிகளால்  டிஜிட்டல் பரிவர்த்தனைகளின் எண்ணிக்கை நாளுக்கு நாள் அதிகரித்து வருகிறது. 2017-18-ம்  நிதியாண்டில் 2,071 கோடியாக இருந்த பரிவர்த்தனைகள் 2021-22-ம் நிதியாண்டில்  8,840 கோடி பரிவர்த்தனைகளாக அதிகரித்தது.

2022-23-ம் நிதியாண்டை பொருத்தவரை டிசம்பர் 31, 2022 வரை 9,192 கோடி டிஜிட்டல் பரிவர்த்தனைகள் நடைபெற்றன. 

2017-18-ம் நிதியாண்டில் டிஜிட்டல் பரிவர்த்தனைகளின் மொத்த மதிப்பு 1,962 லட்சம் கோடியாக இருந்தது.

2022-23-ம் நிதியாண்டில் டிசம்பர் 31, 2022 வரை 2,050 லட்சம் கோடி அளவிற்கு டிஜிட்டல் பரிவர்த்தனைகளின் மொத்த மதிப்பு இருந்துள்ளது.

இத்தகவலை மின்னணு மற்றும் தகவல் தொழில்நுட்பத்துறை இணை அமைச்சர் திரு ராஜீவ் சந்திரசேகர் மக்களவையில் இன்று தெரிவித்தார்.

----- 

AP/IR/KPG/GK

(Release ID: 1897342) Visitor Counter : 286