କେନ୍ଦ୍ର ବେସାମରିକ ବିମାନ ଚଳାଚଳ ତଥା ଇସ୍ପାତ ମନ୍ତ୍ରୀ ଶ୍ରୀ ଜ୍ୟୋତିରାଦିତ୍ୟ ଏମ. ସିନ୍ଧିଆ, ଜେନେରାଲ ଡଃ ବିଜୟ କୁମାର ସିଂହ (ଅବସରପ୍ରାପ୍ତ)ଙ୍କ ସହ ଆଜି ଭୁବନେଶ୍ୱର, କୋଲକାତା ଓ ଜାମଶେଦପୁରକୁ ସଂଯୋଗ କରୁଥିବା ବିମାନ ସେବାର ଉଦଘାଟନ କରିଛନ୍ତି ।

ଇଣ୍ଡିଆୱାନ ଏୟାର ଏହି ରୁଟରେ ଜାନୁୟାରୀ ୩୧, ୨୦୨୩ରୁ ବିମାନ ଉଡାଣ ଆରମ୍ଭ କରିଛି । ଆରସିଏସ- ଉଡାନ ଯୋଜନା ଅନ୍ତର୍ଗତ ଫେବୃୟାରୀ ୧, ୨୦୨୩ରୁ ଏହି ବିମାନ ସେବାକୁ ତ୍ୱରାନ୍ୱିତ କରି ଦୈନିକ କରାଯିବ । ବିମାନ ଚଳାଚଳର ସମୟ ସୂଚୀ ନିମ୍ନରେ ଦିଆଯାଇଛି:

 

ନିଜ ଉଦଘାଟନୀ ଭାଷଣରେ ବେସାମରିକ ବିମାନ ଚଳାଚଳ ଶ୍ରୀ ଜ୍ୟୋତିରାଦିତ୍ୟ ସିନ୍ଧିଆ କହିଛନ୍ତି, ତିନିଟି ଭିନ୍ନ ଭିନ୍ନ ରାଜ୍ୟର ତିନିଟି ଗୁରୁତ୍ୱପୂର୍ଣ୍ଣ ସହର ବିମାନ ନେଟୱର୍କ ଦ୍ୱାରା ଯୋଡି ହେଉଥିବାରୁ ଏହା ଏକ ଶୁଭ ମୁହୂର୍ତ୍ତ । ଦେଶର କୋଣ ଅନୁକୋଣକୁ ବିମାନ ସେବା ପ୍ରଦାନ ପାଇଁ ପ୍ରଧାନମନ୍ତ୍ରୀଙ୍କ ଦୃଷ୍ଟିକୋଣ ଏଥିରେ ପ୍ରତିଫଳିତ ହେଉଛି । ପୂର୍ବରୁ ଗୋଟିକ ପରେ ଗୋଟିଏ ଏୟାରଲାଇନ୍ସ ବନ୍ଦ ହେଉଥିଲା, ହେଲେ ଏବେ ଉଡାନ ଯୋଜନା ତିନିଟି ନୂଆ ଆଞ୍ଚଳିକ ଏୟାରଲାଇନ୍ସକୁ ଜନ୍ମ ଦେଇଛି । ୨୦୧୪ ପୂର୍ବରୁ ଦେଶରେ ମାତ୍ର ୭୪ଟି ବିମାନ ବନ୍ଦର କାର୍ଯ୍ୟକ୍ଷମ ଥିଲା । ଏବେ ଜାମଶେଦପୁରରେ ବାଣିଜ୍ୟିକ ଉଡାଣ ଆରମ୍ଭ ହେବା ପରେ ଏହା ୧୪୭କୁ ବୃଦ୍ଧି ପାଇଛି ଓ ଫେବୃୟାରୀ ୨୦୨୩ରେ କର୍ଣ୍ଣାଟକର ଶିବମୋଗା ବିମାନ ବନ୍ଦରରୁ ବାଣିଜ୍ୟିକ ଉଡାଣ ଆରମ୍ଭ ହେବା ପରେ ଏହା ୧୪୮ ଛୁଇଁବ ।

ଶ୍ରୀ ସିନ୍ଧିଆ କହିଛନ୍ତି, ଝାଡଖଣ୍ଡରେ ବେସାମରିକ ବିମାନ ଚଳାଚଳ ଭିତ୍ତିଭୂମି ବିକାଶ ପାଇଁ କେନ୍ଦ୍ର ସରକାର ବହୁବିଧ ପଦକ୍ଷେପ ନେଉଛନ୍ତି । ପୂର୍ବରୁ ଝାଡଖଣ୍ଡରେ ମାତ୍ର ଗୋଟିଏ ବିମାନ ବନ୍ଦର ଥିଲା । କିଛି ମାସ ପୂର୍ବରୁ ପ୍ରଧାନମନ୍ତ୍ରୀ ଦେଓଘର ଠାରେ ଦ୍ୱିତୀୟ ବିମାନବନ୍ଦର ଉଦଘାଟନ କରିଥିଲେ । ଭାରତୀୟ ବିମାନ ବନ୍ଦର ପ୍ରାଧିକରଣ ଦୁମକାରେ ୩୦ କୋଟି ଟଙ୍କା ଓ ବୋକାରୋ ବିମାନ ବନ୍ଦରରେ ୭୫ କୋଟି ଟଙ୍କା ନିବେଶ କରୁଛନ୍ତି ଓ ଖୁବଶୀଘ୍ର ଏହି ବିମାନବନ୍ଦରଗୁଡିକରୁ ଉଡାଣ ଆରମ୍ଭ ହେବ ।

ରାଷ୍ଟ୍ରମନ୍ତ୍ରୀ ଇଣ୍ଡିଆୱାନ ଏୟାରକୁ ଶୁଭେଚ୍ଛା ଜଣାଇବା ସହ କହିଛନ୍ତି ଏହି କନକ୍ଟିଭିଟି ଏହି ଅଞ୍ଚଳରେ ଯୋଗାଯୋଗ ଉନ୍ନତ କରିବା ସାଙ୍ଗକୁ ଆର୍ଥିକ ଗତିବିଧିକୁ ପ୍ରୋତ୍ସାହିତ କରିବାରେ ପ୍ରମୁଖ ଭୂମିକା ଗ୍ରହଣ କରିବ ।

ଏହି ଅବସରରେ ଝାଡଖଣ୍ଡ ମୁଖ୍ୟମନ୍ତ୍ରୀ ଶ୍ରୀ ହେମନ୍ତ ସୋରେନ, ଝାଡଖଣ୍ଡ ସରକାରଙ୍କ ମନ୍ତ୍ରୀ ଶ୍ରୀ ବନ୍ନା ଗୁପ୍ତା, ଝାଡଖଣ୍ଡ ସରକାରଙ୍କ ମନ୍ତ୍ରୀ ଶ୍ରୀ ସତ୍ୟାନନ୍ଦ ଭୋକ୍ତା, ଇଣ୍ଡିଆୱାନର ସିଇଓ ଶ୍ରୀ ଅରୁଣ କୁମାର ସିଂହ ଉପସ୍ଥିତ ଥିଲେ । ବେସାମରିକ ବିମାନ ଚଳାଚଳ ମନ୍ତ୍ରଣାଳୟର ଯୁଗ୍ମ ସଚିବ ଶ୍ରୀ ଅସଂଗବା ଚୁବା ଆଓ ଏବଂ ବିମାନ ଚଳାଚଳ ମନ୍ତ୍ରଣାଳୟ, ଝାଡଖଣ୍ଡ ସରକାର, ଏଏଆଇ ଓ ଇଣ୍ଡିଆୱାନର ଅଧିକାରୀମାନେ ଏହି କାର୍ଯ୍ୟକ୍ରମରେ ସାମିଲ ହୋଇଥିଲେ ।

ଉଡାନ ସମ୍ପର୍କିତ ପୁରୁଣା ପ୍ରେସ ରିଲଜ ଏଠାରେ ଦେଖିପାରିବେ-

https://pib.gov.in/PressReleasePage.aspx?PRID=1889470

 

SR

(Release ID: 1895127) Visitor Counter : 136