ماحولیات، جنگلات اور آب وہوا میں تبدیلی کے مرکزی وزیر جناب بھوپیندر یادو نے کہا ہے کہ اب ہمیں معلومات کو پھیلانے  کے عمل  کو تبدیل کرکے  بیداری پھیلانے کی ضرورت ہے۔ ’لائف پر قومی ورکشاپ‘سے خطاب کرتے ہوئے انہوں نے کہا کہ ہر ایک کو  خود احتسابی پر غور کرنا ہوگا کہ آیا اس کے اعمال لائف سے متعلق ہیں ۔ انہوں نے شہری احساس اور اخلاقی احساس کے خطوط پر ماحولیاتی احساس کی ضرورت کو نمایاں  کیا۔ جناب یادو نے کہا کہ لائف کی کارروائیوں کے ارد گرد سماجی شعور کی اشد ضرورت ہے۔

اس ورکشاپ میں ملک بھر سے  ماحولیاتی معلومات، بیداری ، صلاحیت سازی اور  ذریعہ معاش  پروگرام (ای آئی اے سی پی)  کے تقریباً 60 مراکز نے حصہ لیا ۔ وزیرموصوف نے مشن لائف کے فروغ کے لیے مراکز کی طرف سے کیے گئے کام کا اعتراف کیا۔

 جناب یادو  نے  ای آئی اے سی پی کا نیا لوگو نیز ایک انفوگرافک  بُک لیٹ ‘ لیکسیکون آف لائف : پائیدار طرز زندگی  کا اے –زیڈ کا اجرا بھی کیا۔اس  بُک لیٹ  میں طلبا پر توجہ مرکوز کی گئی ہے  جو  ان  سدہ تبدیلیوں پر روشنی ڈالتی ہے جنہیں ایک فرد کو اپنانے کی ضرورت ہے تاکہ پائیدار طرز زندگی کی طرف ایک تفریحی انداز میں راستہ ہموار کیا جا سکے۔

ای آئی اے سی پی کے مینڈیٹ کے مطابق، پروگرام مراکز کی سرگرمیوں کو گلاسگو میں سی او پی 26 میں وزیر اعظم جناب نریندر مودی کے ذریعہ متعارف کرائے گئی ’ ماحولیات کے لئے طرز زندگی (لائف) کے ساتھ ہم آہنگ ہونا ہے۔

وزیرموصوف نے ای آئی اے سی پی کے گرین اسکل ڈیولپمنٹ پروگرام کے تحت تربیت یافتہ طلباء کے ذریعہ تیار کردہ نمائش اور فروخت کا افتتاح کیا۔ انہوں نے مراکز کے ساتھ ان کے اسٹالوں پر بات چیت کی اور مراکز کی طرف سے تیار کردہ مختلف قسم کی مصنوعات، پبلی کیشنز اور ایپلی کیشنز کی تعریف کی۔

ورکشاپ کا دوسرا حصہ ایک تکنیکی سیشن پر مشتمل تھا جہاں ای آئی اے سی پی مراکز کو ایک اورینٹیشن دی گئی اور انہیں لائف کے سات موضوعات پر مبنی  سات کلسٹرز میں تقسیم کیا گیا۔ اس کے بعد ہر کلسٹر کا ایک الگ  سیشن ہوا جس میں انہوں نے غوروخوض کرکے ایسے خیالات پیش کیے جو اس موضوع  پراختیار کئے جا سکتے ہیں۔ یہ تخلیقی ، اختراع، تحفظ اور  بیداری  کے اعتبار سے تھے۔ انہیں  ای آئی اے سی پی کی سرگرمیوں کے کیلنڈر میں منظم طریقے سے شامل کیا جائے گا۔

بیک وقت  150 سے زیادہ  اسکولی طلباء نے وزارت کا دورہ کیا۔ انہیں پوری  نمائش اور وزارت کے گائیڈڈ ٹور پر لے جایا گیا۔ طلباء کو ماحولیات کے لیے طرز زندگی کے بارے میں اور یہ بھی کہ کس طرح ایم او ای ایف اینڈ سی سی نے  آئی پی بی  کے ڈیزائن میں ایک گرین بلڈنگ  کے طور پر شامل کیا ہے۔ طلباء نے فوٹو بوتھ پر پراکرتی کے ساتھ تصویریں  کھنچوائیں۔ انہیں لائف بیجز اور ان کی تصویر کے ساتھ اے- زیڈ بُک لیٹ کی ایک کاپی بھی دی گئی۔

************

ش ح ۔ ف ا  ۔  م  ص

 (U:996)