ممبئی میں شنگھائی میں تعاون تنظیم فلم فیسٹول کے تیسرے دن ’ ہندوستان اور دنیا بھر میں سنیما ڈسٹری بیوشن کا مستقبل‘پر ایک پینل مذاکرے کا انعقاد کیا گیا۔اس سیشن میں فلم تقسیم کے مختلف پہلوؤں پر مثبت بات چیت ہوئی ، جس میں او ٹی ٹی پلیٹ فارموں کے اثرات اور وباء کے سبب دیکھنے کی عادتوں میں تبدیلی شامل ہیں۔  چین سے اسی سی او فلم فیسٹول جیوری ممبرنِنگ اِنگ، 91فلم اسٹوڈیوز کے بانی اور سی ای او نوین چندرا، فلم ساز سنیر کھیترپال اور پروڈیوسر گِلڈ آف انڈیا کے صدر شیباشیش سرکار اس مذاکرے میں موجود تھے۔

شیباشیش سرکار نے عالمی سطح پر   افراط زر اور مندی سے صارف خرچ کو کس طرح متاثر کیا ہے ، اس بارے میں گفتگو کی۔ انہوں نے اس بات کا ذکر کیا کہ کس طرح اس نے وباء کے بعد کم لوگوں کو سنیما گھروں میں جانے کے لئے مجبور کیا ہے۔نوین چندر کا کہنا ہے کہ ڈیجیٹلائزیشن کی  ایک نئی لہر نے ہر گھر میں ’’ذاتی ناقد‘‘پیدا کردیئے ہیں۔تجزیہ سیکنڈ کے اندر پوسٹ کردی جاتی ہےاور یہ فلم کے لئے چیلنجوں کا اپنا سیٹ تیار کرتی ہے۔ انہوں نے یہ بھی بتایا کہ کس طرح بین الاقوامی سنیما کو مقامیت یا علاقائیت کا رنگ دینے سے اس نے ناظرین   کی پسند کو متاثر کیا ہے اور انہوں نے مثال دی کہ کیسے ایک کوریائی فلم 2022 کے آسکر میں بہترین فلم بن گئی۔

سنیر   کھیتر پال نے دعویٰ کیا کہ کوئی چھوٹی یا بڑی فلم نہیں ہوتی، بلکہ صرف اچھا اور برا سنیما ہوتا ہے۔ انہوں نے کہا کہ سنیما  کا خلاصہ ایک اچھی فلم بنانا ہے۔ نِنگ اِنگ  نے   بین الاقوامی سنیما کے لئے بڑے ستاروں کے ذریعے پیش کئے گئے ایک نئے چیلنج پر گفتگو کی۔ انہوں نے کہا ’’بڑے ستارے فلم سازوں کے لئے ایک امکانی جوا کھیلتے ہیں۔ حالانکہ جب فلم باکس آفس پر بری طرح سے ناکام ہوتی ہے ، تو انہیں نقصان ہوتا ہے۔‘‘ انہوں نے یہ بھی بتایا کہ جب ناظرین کی بات آتی ہے تو وبا ء کے بعد چین اپنے    اندر جھانک رہا ہے۔کیونکہ چین کی وسیع آبادی گھریلو سنیما کے لئے ایک مضبوط   بازار کرتی ہے۔

سیشن کا اختتام شیبا شیش سرکار کی اس بات پر  ہوا کہ کس طرح ہندی سنیما کو موجودہ دور کی کہانیوں سے ہم آہنگ کرنے کے ساتھ اسے ڈب بازار میں اپنی رسائی کو یقینی بنانا چاہئے۔وہ او ٹی ٹی پلیٹ فارموں کے تعلق سے بھی پُر اُمید تھے اورانہوں نے معیاری مواد سے مالامال کرنے میں اس کے تعاون کی شناخت  کی۔

************

ش ح۔ج ق۔ ن ع

(U: 963)