ایمپلائز پراویڈنٹ فنڈ آرگنائزیشن (ای پی ایف او) ملک کے تمام اضلاع میں نئے سرے سے ندھی آپ کے نکٹ پروگرام کے ذریعے بڑے پیمانے پر ڈسٹرکٹ آؤٹ ریچ پروگرام شروع کررہا ہے۔ اس پروگرام کو 27 جنوری 2023 کو حکومت ہند کی محنت اور روزگار کی وزارت کی سکریٹری محترمہ آرتی آہوجا کے ذریعہ ای لانچ کیا جائے گا۔

ندھی آپ کے نکٹ 2.0 نہ صرف شکایتوں کے ازالے کا پلیٹ فارم اور آجروں اور ملازمین کے لیے معلومات کے تبادلے کا نیٹ ورک ہوگا بلکہ ریاستی اور مرکزی حکومت کے مختلف محکموں کے ضلعی سطح کے حکام کے ساتھ معلومات کے تبادلے کا ایک پلیٹ فارم بھی ہوگا۔ اس پروگرام میں ایک ہیلپ ڈیسک بنایا جائے گا جہاں ممبران کو آن لائن خدمات حاصل ہوں گی، جیسے آن لائن کلیم فائل کرنا وغیرہ۔ ممبران کی شکایات کا ازالہ موقع پر ہی کیا جائے گا اور اگر کسی شکایت کا موقع پر ہی ازالہ نہیں کیا جا سکا تو یہ ای پی ایف او کے شکایات پورٹل پر رجسٹر ہوں گے اور ترجیحی بنیادوں پر انھیں حل کیا جائے گا۔

ندھی آپ کے نکٹ ایک ایسا پروگرام ہے جہاں ای پی ایف او کے حصص دار ای پی ایف او کے فیلڈ دفاتر میں شکایت کے ازالے کے لیے آتے ہیں، ندھی آپ کے نکٹ 2.0 کے تحت، ای پی ایف او حصص داروں تک پہنچے گا، اس طرح ملک کے تمام اضلاع میں تنظیم کی رسائی اور مرئیت میں اضافہ ہوگا۔ پروگرام کا مقصد ہر ماہ ایک ہی دن ملک کے تمام اضلاع تک پہنچنا ہے۔ ندھی آپ کے نکٹ 2.0 جنوری 2023 سے شروع ہونے والے ہر مہینے کی 27 تاریخ کو منعقد کیا  جائے گا۔ تاہم، اگر مہینے کی 27 تاریخ کو چھٹی ہوتی ہے، تو یہ اگلے کام کے دن منعقد کیا جائے گا۔

یہ ٹارگیٹڈ اپروچ اعلیٰ عوامی اطمینان کے ساتھ ساتھ فوائد کی مؤثر فراہمی کو یقینی بنائے گا۔ ضلع بیداری کیمپ اور آؤٹ ریچ پروگرام کے طور پر ندھی آپ کے نکٹ کی رسائی کو مضبوط بناتے ہوئے اور بڑھاتے ہوئے، ملک کے 500 سے زیادہ اضلاع جن میں ای پی ایف او کے دفاتر نہیں ہیں، کا احاطہ کیا جائے گا اور اراکین کو سماجی تحفظ اور ہموار خدمات فراہم کی جا سکیں گی۔

ای پی ایف او نے تمام حصص داروں پر زور دیا ہے کہ وہ اس پروگرام کو کامیاب اور موثر بنانے کے لیے کیمپوں میں زیادہ سے زیادہ شرکاء کی شرکت کو یقینی بنائیں۔ مرکزی پروویڈنٹ فنڈ کمشنر محترمہ نیلم شمی راؤ نے تمام چیف سکریٹریوں کو مکتوب روانہ کیا ہے جس میں ان سے درخواست کی گئی ہے کہ وہ ریاست کے تمام ضلع کلکٹروں کو ہدایات جاری کریں کہ وہ اس آؤٹ ریچ پروگرام کو کامیاب بنانے میں مکمل تعاون کریں۔ انھوں نے سنٹرل بورڈ آف ٹرسٹیز (سی بی ٹی)، ای پی ایف کے اراکین سے بھی درخواست کی ہے کہ وہ اپنے مقام کے قریب کیمپوں میں سرگرمی سے حصہ لیں اور ای پی ایف حکام کی حوصلہ افزائی اور رہنمائی کریں۔

سال در سال، ای پی ایف او نے اپنے صارفین کے فائدے کے لیے کئی اقدامات اور اصلاحات کی ہیں۔ سال 2015 میں، بھویشیہ ندھی عدالت کا نام ندھی آپ کے نکٹ رکھا گیا اور سال 2019 میں، ٹریڈ یونینوں کی شراکت داری کو مدعو کرکے ندھی آپ کے نکٹ پروگرام کی رسائی کو مزید بہتر بنایا گیا۔ سال 2021 میں پنشنروں کی شکایات کے ازالے کے لیے ایک خصوصی پلیٹ فارم ماہانہ پنشن عدالت کا آغاز کیا گیا۔

******

ش ح۔ م م۔ م ر

U-NO. 855