প্রধানমন্ত্রীগী লোইশঙ
প্রধান মন্ত্রীনা প্রধান মন্ত্রী রাস্ত্রিয়া বাল পুরুস্কার ফংলবশিংগা উনখ্রে
ইচম-চম্না শীনবা মওং অমদা প্রধান মন্ত্রীনা লৌথুপ-লৌকোই লৈতনা ৱারি শানখি
মখোয়না মায়োক্নবা খুদোংচাদবশিংগী মতাংদা অঙাংশিংনা প্রধান মন্ত্রীদগী পাউতাক লৌখি
পুক্নিং-ৱাখল ফনা থম্নবা, থিজিনবা অমসুং অনৌবা পুথোকপা, থৱায়গী ওইবা ৱাফমশিং য়াওনা হিরম কয়াদা প্রধান মন্ত্রীনা অঙাংশিংগা খন্ন-নৈনখি
Posted On:
24 JAN 2023 7:07PM by PIB Imphal
ঙসি, ৭ লোক কলয়ান মার্গতা লৈবা মহাক্কী য়ুমদা প্রধান মন্ত্রী শ্রী নরেন্দ্র মোদীনা প্রধান মন্ত্রী রাস্ত্রিয়া বাল পুরুস্কার ফংলবশিংগা উনখ্রে।
প্রধান মন্ত্রীনা মনা ফংলবশিংদা সোভেনিয়রশিং খুদোল তমখি অমসুং অমমতা ওইনা মখোয়গী মাইপাকপশিংগী মতাংদা খন্ন-নৈনখি অমসুং তুংদা অপুনবা ওইনা অঙাংশিংগা ৱারি শানখি। মহাক্না ইচম-চম্না শীনবা মওং অমদা লৌথুপ-লৌকোই লৈতনা ৱারি শানখি।মখোয়না মায়োক্নবা খুদোংচাদবশিংগী মতাংদা অঙাংশিংনা প্রধান মন্ত্রীদা ৱাহংশিং হংখি অমসুং হিরম কয়াদা প্রধান মন্ত্রীদগী পাউতাক লৌখি।
অপীকপা খুদোংচাদবশিং লোইশিনবদগী হৌরগা, তপ্ন-তপ্না থবক তৌবা ঙম্বগী থৌনা হেনগৎহন্নবা অমসুং মখোয়গী মাঙদা তারিবা অচৌবা খুদোংচাদবশিং কোকহনবা ঙম্নবা থাজবা হেনগৎহন্নবা মনা ফংলবশিংদা প্রধান মন্ত্রীনা পাউতাক পীখি। পুক্নিং-ৱাখলগী লায়না অমসুং অঙাংশিংনা থেংনরিবা খুদোংচাদবশিংগী মতাংদা খন্নরদুনা, হিরম অসিগী মতাংদা থেংনরিবা খুন্নাইনা হন্থনা য়েংবা অমসুং অসিগুম্বা অৱাবশিং থেংন্নবা ইমুং-মনুংগী মরুওইবা থৌদাংগী মতাংদা প্রধান মন্ত্রীনা ৱাফম কয়া ফোঙদোকখি। ৱারি শানবা অদুদা প্রধান মন্ত্রীনা লৌখৎখিবা অতোপ্পা হিরমশিংগী মনুংদা চেস শান্নবগী কান্নবা, কলা অমসুং কলচর অসি শীনফম অমা লৌবা, থিজিনবা অমসুং অনৌবা পুথোকপা অমসুং থৱায়গী মতাং য়াওখি।
কলা অমসুং কলচর, থৌনা ফবা, অনৌবা পুথোকপা, লাইরিক হৈবা, খুন্নাইগী থবক তৌবা অমসুং শান্ন-খোৎনবগী লমদা শিংথানিঙাই ওইবা থবকশিং পাংথোকপা অঙাংশিংদা ভারত সরকারনা প্রধান মন্ত্রী রাস্ত্রিয়া বাল পুরুস্কার পীরি। প্রধান মন্ত্রী রাস্ত্রিয়া বাল পুরুস্কার ফংলবা অঙাং অমদা মেদল অমা, লুপা লাখ ১ অমসুং শক্তাকচে অমা পীখি।চহি অসিগী ওইনা প্রধান মন্ত্রী রাস্ত্রিয়া বাল পুরুস্কার ২০২৩গীদমক বাল শক্তি পুরুস্কারগী তোঙান-তোঙানবা কাংলুপশিংগী মখাদা,লৈবাক্কী তোঙান-তোঙানবা মফমশিংদগী অঙাং ১১ খনগৎখি। মনা ফংলবশিংগী মনুংদা রাজ্যশিং অমসুং য়ু.তিশিং ১১দগী নুপামচা ৬ অমসুং নুপীমচা ৫ য়াওরি। মখোয় অদুদি অদিথ্যা সুরেস, এম.গৌরবি রেদ্দি, শ্রেয়া ভত্তচারজি, সাম্ভাব মিশ্রা, রোহন রামচন্দ্র বহির, অদিত্য প্রতাপ সিংহ চৌহান, রিসি সিব প্রাসানা, নৌসকা জোল্লি, হানায়া নিসার, কোলাগাত্লা অলানা মিনাক্সি অমসুং সৌরয়াজিত রঞ্জিতকুমার খাইরেনি।
*****
(Release ID: 1893387)
Visitor Counter : 157
Read this release in:
Bengali
,
English
,
Urdu
,
Hindi
,
Marathi
,
Assamese
,
Punjabi
,
Gujarati
,
Odia
,
Tamil
,
Telugu
,
Kannada
,
Malayalam