রেস্তলিং ফেদেরেসন ওফ ইন্দিয়াগী প্রসিদেন্দ, অতোপ্পা ওফিসিএলশিং অমসুং কোচশিংনা নুপীগী ইকায়খুম্নবা মাঙবা য়াবা থবকশিং চৎথখি হায়না রেস্তলরশিংনা ৱাকৎলকপদগী, অমসুং শেন-থুম লান্নবা শীজিন্নবা অমসুং মীচং-মীখাই নাইবগী শান্নরোয়শিংনা মরাল শিরকপদগী, দব্লিউ.এফ.আইতা অফবা লৈঙাক পুরক্নবা অমসুং শান্নরোয়শিংগী য়াইফনবা থৌরাং অমা ওইনা, শান্নরোয়শিংদা মখুৎ শাংবা, তাথি-তাওইনা তৌবা, শেন-থুম লান্না শীজিন্নবা অমসুং থবক থৌরমশিংদা অশোইবা লৈবগী মতাংদা শক্নাইরবা শান্নরোয়শিংনা শিরক্লিবা মরালশিং থিজিন্নবা য়ুনিয়ন স্পোর্তস মিনিস্ত্রিনা ওভরসাইত কম্মিতি অমা শেম্লে। থিজিল্লিঙৈ মনুংদা দব্লিউ.এফ.আইগী নোংম-নোংমগী থবক-থৌরমশিং ওভরসাইত কম্মিতিনা পাংথোক্কনি।

ওভরসাইত কম্মিতি অদু খেল রত্ন এম.সি মেরি কোম্না লুচিংগনি, চিয়ার্পসন, এথেলেথস কম্মিসন, খেল রত্ন য়োগেশ্বর দত্ত, ইজুকিউতিপ কাউন্সিল মেম্বর, আই.এ.ও, ধ্যানচান্দ এৱার্দি ত্রুপতি মুরগুন্দে, মিসন ওলেম্পিক সেলগী মেম্বর রাধিকা শ্রীমান, সাইগী তিমস, এক্স-সি.ই.ও, কমান্দর(পোথারবা)রাজেস রাজগোপালন, এক্স-সি.ই.ও, তার্গেত ওলেম্পিক পোদিয়ম স্কিম য়াওগনি।

চয়োল ৪গী মনুংদা ওভরসাইত কম্মিতিনা মখোয়গী থিজিনবা লোইশিনগনি।

মখা তাবা পাউ অমা পীদ্রিফাওবা, খুদক্তগী ফেদেরেসনগী নোংম-নোংমগী ওইবা থবক থৌরমশিং পাংথোক্তনবা মিনিস্ত্রিনা রেস্তলিং ফেদেরেসন ওফ ইন্দিয়াগী ইজুকিউতিপ কম্মিতিদা খঙহনখ্রে।

*****