حکومت ہندکی وزارت سیاحت  10 سے 12 اپریل 2023 تک پرگتی میدان، نئی دہلی میں پہلی عالمی سیاحتی سرمایہ کاروں کی چوٹی کانفرنس کا انعقاد کر رہی ہے تاکہ ہندوستان میں سیاحت کے کاروبار کے مواقع کو سمجھنے اور تلاش کرنے کے لیے عالمی کاروباروں، سوچ رکھنے والے رہنماؤں اور پالیسی سازوں کو اکٹھا کیا جا سکے۔

اس سلسلے میں حکومت ہندکی وزارت سیاحت   نے 17 جنوری 2023 کو سی آئی آئی شمالی علاقہ کے دفتر، چنڈی گڑھ میں شمالی علاقہ کے لیے ایک روڈ شو کا اہتمام کیا تاکہ عالمی کاروباری اداروں، سوچ رکھنے والے رہنماؤں، اور پالیسی سازوں کو ہندوستان میں سیاحت کے کاروبار کے مواقع کو سمجھنے اور تلاش کرنے کے لیے اکٹھا کیا جا سکے۔

چنڈی گڑھ میں روڈ شو کی تقریب میں چنڈی گڑھ، پنجاب، راجستھان، اتراکھنڈ، اتر پردیش، اور جموں و کشمیر کی ریاستی حکومتوں کے عہدیداروں نے شرکت کی اور 100 سے زائد رجسٹریشن کرائے گئے۔ ڈپٹی ڈائریکٹر جنرل (پبلسٹی، ایونٹس، اور سوشل میڈیا ڈویژن) جناب ارون سریواستو نے روڈ شو میں وزارت سیاحت کی نمائندگی کی۔ اس تقریب نے ریاستی مخصوص سرمایہ کاری کے امکانات کی نشاندہی کرکے اور پائیدار سیاحت کو فروغ دینے کے طریقوں پر تبادلہ خیال کرکے سفر، سیاحت اور مہمان نوازی کے لیے ہندوستان کو ایک سرمایہ کاری کی منزل کے طور پر فروغ دینے پر توجہ مرکوز کی۔

ریاستی عہدیداروں نے کاروبار کرنے میں آسانی کو بہتر بنانے کے لیے اپنے محکمہ سیاحت/صنعت کے حالیہ اہم پالیسی اقدامات کو پیش کیا اور سیاحت اور مہمان نوازی کے شعبے میں منفرد مالی اور غیر مالی مراعات کے ساتھ ساتھ حالیہ سرمایہ کاری سے متعلق کامیابی کی کہانیوں کا ایک مختصر خلاصہ پیش کیا۔ اس روڈ شو کا اہتمام اور منصوبہ بندی اس لئے کی گئی تھی تاکہ عالمی سیاحتی سرمایہ کاروں کے چوٹی کانفرنس کے بارے میں بیداری اور علم میں اضافہ کیا جا سکے۔ جناب ارون سریواستو نے کہا کہ وزارت سیاحت مرکزی وزارتوں اور ریاستی حکومتوں کے ساتھ پہلی عالمی سیاحتی سرمایہ کار چوٹی کانفرنس کے لیے شراکت داری کر رہی ہے اور یہ تقریب ممکنہ گھریلو اور عالمی سرمایہ کاروں کے لیے  سرمایہ کاری کے مواقع کو ظاہر کرنے کا ایک پلیٹ فارم ہو گا۔

************

ش ح۔ ا ک    ۔ م  ص

 (U: 621)